ନୂଆଦିଲ୍ଲୀ – ବେଙ୍ଗାଲୁରୁରେ ଚିକମଗଲୁରୁର ଅରାଲୁଗୁପ୍ପେ ମଲ୍ଲେଗୌଡା ଜିଲ୍ଲା ହସ୍ପିଟାଲରେ ଉତ୍ତେଜନା। ଡାକ୍ତରଙ୍କ ଉପରେ ହମଲାକୁ ତାତିଲେ କର୍ମଚାରୀ। ଡାକ୍ତର ଓ କର୍ମଚାରୀମାନେ ମଙ୍ଗଳବାର ବିରୋଧ ପ୍ରଦର୍ଶନ କରିବା ସହ ଓପିଡ଼ିକୁ ବନ୍ଦ କରି ଦେଇ ଦେଲେ। ରିପୋର୍ଟ ମୁତାବିକ , ଜଣେ ମହିଳା ଡାକ୍ତରଙ୍କୁ ମାରପିଟି କରିଥିଲେ। ସେ ତାଙ୍କର କଲର ଧରିବା ସହ ତାଙ୍କ ଉପରକୁ ଜୋତା ମଧ୍ୟ ଫିଙ୍ଗି ଥିଲେ। ଏମର୍ଜେନ୍ସି ୱାର୍ଡରେ ଫିଜିସିଆନ ଭେଙ୍କଟେଶ ବିଏସ ଡ୍ୟୁଟି କରୁଥିଲେ। ଏହି ସମୟରେ ମାରପିଟିରେ ଆହତ ଇରଫାନ ନାମକ ବ୍ୟକ୍ତିଙ୍କୁ ଚିକିତ୍ସା ପାଇଁ ଅଣାଯାଇ ଥିଲା। ହେଲେ, ଏହି ମଧ୍ୟରେ ହସ୍ପିଟାଲର କର୍ମଚାରୀ ଓ ରୋଗୀଙ୍କ ସଂପର୍କୀୟଙ୍କ ମଧ୍ୟରେ ବିବାଦ ହୋଇଥିଲା।
ରିପୋର୍ଟରେ କୁହାଯାଇଛି କି, ଡାକ୍ତର ଆହତ ଇରଫାନଙ୍କ ପରୀକ୍ଷା କରୁ ଥିଲେ। ଏହି ସମୟରେ ରୋଗୀଙ୍କର କିଛି ସଂପର୍କୀୟ ସେଠାକୁ ଆସିଥିଲେ। ସେ ପାଟିତୁଣ୍ଡ କରିବା ଆରମ୍ଭ କରି ଦେଇ ଥିଲେ। ଏହା ଉପରେ ଡାକ୍ତର ସେହି ଲୋକଙ୍କୁ ବାହାରକୁ ଯିବା ପାଇଁ କହିଲେ ତ ଉତ୍ତେଜନା ଆରମ୍ଭ ହୋଇ ଥିଲା। ଭେଙ୍କଟେଶ ସ୍ଥିତିକୁ ଆୟତ୍ତ କରିବାକୁ ଚେଷ୍ଟା କରୁଥିଲେ। ରୋଗୀଙ୍କ ସଂପର୍କୀୟ ତସଲିମ୍ ନାମଙ୍କ ମହିଳା ହଠାତ୍ ଫିଡ଼ିକି ଗଲେ ଏବଂ ସେ ତାଙ୍କର କଲର ଧରି ଟାଣି ଥିଲେ। ସୂତ୍ରରୁ ପ୍ରକାଶ କି ମହିଳା ନିଜର ଜୋତା ଓହ୍ଲାଇ ଡାକ୍ତରଙ୍କ ଉପରକୁ ଫିଙ୍ଗି ଥିଲେ।
ହସ୍ପିଟାଲର ଡାକ୍ତର ଓ କର୍ମଚାରୀ ମାନେ ଏହି ଘଟଣାକୁ ନେଇ ଉତ୍ତେଜିତ ହୋଇଥିଲେ। ସେମାନେ ଓପିଡ଼ିକୁ ବନ୍ଦ କରିଦେଲେ ଏବଂ ବିରୋଧ ପ୍ରଦର୍ଶନ କରିବାକୁ ଲାଗିଲେ। ସେମାନେ ଜିଲ୍ଲା ସର୍ଜନ ଅଫିସ ସାମନାରେ ଏକାଠି ହୋଇ ଥିଲେ ଏବଂ ଡାକ୍ତରଙ୍କ ଉପରେ ହମଲା କରୁଥିବା ଲୋକଙ୍କୁ ତୁରନ୍ତ ଗିରଫ ଦାବି କରିଥିଲେ। ସରକାରୀ ହସ୍ପିଟାଲର କର୍ମଚାରୀଙ୍କ ବିରୋଧ ପ୍ରଦର୍ଶନ ଅନେକ ସମୟ ଯାଏ ଜାରି ରହି ଥିଲା। ଏହାକୁ ଦେଖି ଜିଲ୍ଲା ସର୍ଜନ କାର୍ଯ୍ୟାଳୟ ସ୍ଥାନୀୟ ପୁଲିସକୁ ଚିଠି ଲେଖିଛନ୍ତି। ଏଥିରେ ଘଟଣାରେ ସଂପୃକ୍ତ ବ୍ୟକ୍ତିଙ୍କ ଉପରେ ଡାକ୍ତରଙ୍କ ସହ ଦୁର୍ବ୍ୟବହାର , ହମଲା ଓ ଜୀବନ ପ୍ରତି ବିପଦ ଥିବା ଅଭିଯୋଗ ଲଗାଯାଇଛି।
