ନୂଆଦିଲ୍ଲୀ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି ଯେ, ତାଙ୍କ ଠାରେ ଗୁରୁତର ରୋଗର ଲକ୍ଷଣ ରହିଛି। ଆଉ ଥରେ ଜେଲ୍ ଯିବା ପୂର୍ବରୁ କେଜ୍ରିୱାଲ ନିଜ ସ୍ୱାସ୍ଥ୍ୟ କଥା କହି ଜନତାଙ୍କୁ ଭାବପ୍ରବଣର କଥା କହିଛନ୍ତି। ସେ କହିଛନ୍ତି ଜେଲ୍‌ ଯିବା ପରେ ତାଙ୍କ ପରିବାର , ମାତା-ପିତାଙ୍କର ଧ୍ୟାନ ରଖାଯାଉ। ଲୋକେ ତାଙ୍କର ଉତ୍ତମ ସ୍ୱାସ୍ଥ୍ୟ ପାଇଁ ପ୍ରାର୍ଥନା କରନ୍ତୁ। ଏବେ ଏହା ଉପରେ ପ୍ରତିକ୍ରିୟା ଦେଇ ଭାରତୀୟ ଜନତା ପାର୍ଟି (ବିଜେପି)କରିଛି ଟାର୍ଗେଟ୍‌। ଦିଲ୍ଲୀ ବିଜେପିର ଅଧ୍ୟକ୍ଷ ବିରେନ୍ଦ୍ର ସଚଦେବା କହିଛନ୍ତି -ସତରେ କେଜ୍ରିୱାଲଙ୍କୁ ଏକ ଗୁରୁତର ରୋଗ ହୋଇଛି ଏବଂ ତାହା ହେଉଛି ମିଛ କହିବା। କେଜ୍ରିୱାଲଙ୍କୁ ୨ ଜୁନ୍‌ରେ ସରେଣ୍ଡର କରି ତିହାର ଯିବାର ଅଛି। ଚର୍ଚ୍ଚିତ ମଦ ଦୁର୍ନୀତିରେ ଗିରଫ ହୋଇଥିବା କେଜ୍ରିୱାଲଙ୍କୁ ସୁପ୍ରିମକୋର୍ଟ୨୧ ଦିନର ଅନ୍ତରୀଣ ଜାମିନ୍ ଦେଇ ଥିଲେ। 

ବିରେନ୍ଦ୍ର ସଚଦେବା କେଜ୍ରିୱାଲଙ୍କ କଥାର ଜବାବ ଦେଇ କହିଛନ୍ତି , ଅରବିନ୍ଦ କେଜ୍ରିୱାଲ ଜୀ କହିଛନ୍ତି କି, ତାଙ୍କୁ ଏକ ଗୁରୁତର ରୋଗ ହୋଇଛି ଏବଂ ମୁଁ ଏହି କଥାରେ ସହମତ କି ତାଙ୍କର ଗୁରୁତର ରୋଗ ଅଛି – ତାହା ହେଉଛି ମିଛ କହିବାର ରୋଗ। ତାଙ୍କୁ ଜଣାଥିଲା କି ତାଙ୍କୁ ଯିବାର ଅଛି, କିନ୍ତୁ ଜାଣିଶୁଣି ନିଜର ବୟସ୍କ ମାଆ ବାପାଙ୍କ ନାଁ ନେଉଛନ୍ତି। ମିଛ ସହାନୁଭୂତିର ଚେଷ୍ଟା କରିବା , ନିଜର ଚୋରୀ ଓ ଦୁର୍ନୀତିକୁ ଲୁଚେଇବା । ଆପଣ ସେଠାକୁ ଏଥିପାଇଁ ଯାଉଛନ୍ତି , କାରଣ ଆପଣ ଦିଲ୍ଲୀକୁ ଲୁଟିବାର ଅଛି , ମଦରେ ଦଲାଲି କରିଛନ୍ତି , ଚୋରି କରିଛନ୍ତି, ଏହାର ସଜା ମିଳିବାର ଅଛି। ଏଥିପାଇଁ ମିଛ ସହାନୁଭୂତିର ଆବଶ୍ୟକତା ନାହିଁ।

ଆମ୍‌ ଆଦମୀ ପାର୍ଟିର ଦାବି ଯେ ଗିରଫ ପରେ କେଜ୍ରିୱାଲଙ୍କର  ଓଜନ ୬-୭ କିଲୋ ହ୍ରାସ ପାଇଛି। ତାଙ୍କ ଶରୀରରେ କିଟୋନ ଲେବଲ ବହୁତ ଅଧିକ ହୋଇ ଯାଇଛି। ପାର୍ଟିର କହିବାନୁସାରେ , କେଜ୍ରିୱାଲଙ୍କ ଠାରେ ଯେଉଁ ଲକ୍ଷଣ ଅଛି , ତାହ ଖୁବ୍‌ ଗୁରୁତର ରୋଗର ସଙ୍କେତ ହୋଇ ପାରେ। ଦିଲ୍ଲୀ ସରକାରଙ୍କର ମନ୍ତ୍ରୀ ଆତିଶୀ କହିଛନ୍ତି ଯେ, କିଡନୀରେ ଗୁରୁତର ସମସ୍ୟା ବା କ୍ୟାନସରର ଲକ୍ଷଣ ମଧ୍ୟ ହୋଇପାରେ। କେଜ୍ରିୱାଲ ଏହାକୁ ଆଧାର କରି ପ୍ରଥମ ସୁପ୍ରିମ କୋର୍ଟ ଏବଂ ପୁଣି ଟ୍ରାୟଲ କୋର୍ଟଙ୍କ ଠାରୁ ଆଶ୍ୱସ୍ତିର ଦାବି କରିଛନ୍ତି। କେଜ୍ରିୱାଲ କହିଛନ୍ତି କି, ଡାକ୍ତରମାନେ ତାଙ୍କୁ କିଛି ଟେଷ୍ଟ କରାଇବାକୁ କହିଛନ୍ତି ଏବଂ ଏଥିପାଇଁ ତାଙ୍କୁ ଏକ ସପ୍ତାହ ସମୟର ଆବଶ୍ୟକତା ରହିଛି।