ନୂଆଦିଲ୍ଲୀ: ଆର.ଜି କର ଦୁଷ୍କର୍ମ ଓ ହତ୍ୟା ମାମଲାରେ ଅଭିଯୁକ୍ତ ସଞ୍ଜୟ ରାୟର ନାର୍କୋ ଟେଷ୍ଟ କରିବ ସିବିଆଇ । ଏ ବାବଦରେ କୋର୍ଟ ସିବିଆଇକୁ ମଞ୍ଜୁରୀ ଦେଇଛନ୍ତି । ସୂଚନା ଅନୁଯାୟୀ, ସିବିଆଇ ଏହି ମାମଲାରେ ଆବଶ୍ୟକ ଅନୁମତି ପାଇଁ ସିୟାଲଦହ କୋର୍ଟରେ ଆବେଦନ କରିଥିଲା । ଅଦାଲତ ଆଜି (ଶୁକ୍ରବାର) ସଞ୍ଜୟ ରାୟଙ୍କ ନାର୍କୋ ଟେଷ୍ଟ କରିବାକୁ ଅନୁମତି ଦେଇଛନ୍ତି ।

ଏହି ଟେଷ୍ଟ ମାଧ୍ୟମରେ ସିବିଆଇ ଏହା ଦେଖିବାକୁ ଚାହୁଁଛି ଯେ, ନାର୍କୋ ଏବଂ ପଲିଗ୍ରାଫରେ ଅଭିଯୁକ୍ତ ଯାହା କହୁଛି ସେଗୁଡିକ ମଧ୍ୟରେ କୌଣସି ମେଳ ଅଛି କି ନାହିଁ। ଏହି ଘଟଣାରେ ସଞ୍ଜୟଙ୍କ ସମ୍ପୃକ୍ତି ସମ୍ପର୍କରେ ଅଧିକାରୀମାନେ ନିଶ୍ଚିତ ହେବାକୁ ଚାହୁଁଛନ୍ତି । AIIMS ଏବଂ ବିଶେଷଜ୍ଞଙ୍କ ମତାମତ ଆସିବା ପରେ ଏହାକୁ ବିଶ୍ଳେଷଣ କରାଯିବ ।

ନାର୍କୋ ଟେଷ୍ଟରେ ବ୍ୟକ୍ତିକୁ କିଛି ଔଷଧ ଦିଆଯାଏ, ଯାହା ପରେ ବ୍ୟକ୍ତି ଆଂଶିକ ଚେତାଶୂନ୍ୟ ଅବସ୍ଥାକୁ ଯାଇଥାନ୍ତି । ଏହା ପରେ, ବ୍ୟକ୍ତିଙ୍କ ଠାରୁ ଲୁକ୍କାୟିତ ତଥ୍ୟ ବାହାର କରିବାକୁ ଚେଷ୍ଟା କରାଯାଏ । ଏହି ପ୍ରକ୍ରିୟା ସେହି ଲୋକ ମାନଙ୍କ ଉପରେ ଚେଷ୍ଟା କରାଯାଏ ଯେଉଁମାନେ ନିୟମିତ ପଚରାଉଚରା ସମୟରେ ସହଯୋଗ କରିବାକୁ ଇଚ୍ଛୁକ ନୁହଁନ୍ତି । ଜଟିଳ ମାମଲା ଗୁଡ଼ିକର ସମାଧାନ ଏବଂ ଗୁରୁତ୍ୱପୂର୍ଣ୍ଣ ସୂଚନାର ସନ୍ଧାନ ପାଇଁ ନାର୍କୋଏନାଲିସିସ୍ ଟେଷ୍ଟ କରାଯାଇଥାଏ ।