ନୂଆଦିଲ୍ଲୀ, ୩୦/୩ : ଲୋକସଭା ନିର୍ବାଚନ ୨୦୨୪ ଲାଗି ଲୋକ ଜନଶକ୍ତି ପାର୍ଟି ବିହାରରେ ନିଜ ଆଶାୟୀଙ୍କ ନାଁର ଘୋଷଣା କରି ଦିଆଯାଇଛି । ବିହାରାରେ ସିଟ ଭାଗବଣ୍ଟା ପରେ ମିଳିଥିବା ସମସ୍ତ ୫ସିଟରେ ପାର୍ଟି ପ୍ରାର୍ଥୀଙ୍କ ନାଁ ଘୋଷଣା କରିଦେଇଛି । ହାଜୀପୁର ଲୋକସଭା ସିଟରୁ ପାର୍ଟିର ପ୍ରମୁଖ ଚିରାଗ ପାସଓ୍ବାନ ନିର୍ବାଚନରେ ଓହ୍ଲାଇବେ ତ ଜମୁଇରୁ ପାର୍ଟି ଅରୁଣ ଭାରତୀଙ୍କ ନାଁର ଘୋଷଣା କରିଛି । ବିହାରର ୪୦ଲୋକସଭା ସିଟରୁ ଏନଡିଏରେ ସାମିଲ ଲୋକ ଜନଶକ୍ତି ପାର୍ଟିକୁ ୫ସିଟ୍ ମିଳିଥିଲା ।

ପ୍ରାର୍ଥୀଙ୍କ ନାଁ ଘୋଷଣା ପୂର୍ବରୁ ଚିରାଗ ପାଶଓ୍ବାନ ହାଜୀପୁର ଲୋକସଭା ସିଟରୁ ନିର୍ବାଚନ ମୈଦାନରେ ଓହ୍ଲାଇବାକୁ ଘୋଷଣା କରି ଦେଇଥିଲେ । ହାଜୀପୁର ସିଟରୁ ତାଙ୍କ ଦିବଙ୍ଗତ ବାପା ଏବଂ ଲୋକ ଜନଶକ୍ତି ପାର୍ଟିର ସଂସ୍ଥାପକ ରାମବିଲାସ ପାସଓ୍ବାନ କେତେକ ଥର ପ୍ରତିନିଧିତ୍ବ କରିଛନ୍ତି । ହାଜୀପୁରରୁ ପାଞ୍ଚ ଥରରେ ଭୋଟିଂ ହେବାରେ ଅଛି ।

ଅନ୍ୟପଟେ ଜମୁଇରୁ ଅରୁଣ ଭାରତୀଙ୍କୁ ପ୍ରାର୍ଥୀ କରାଯାଇଛି । ଭାରତୀ ଚିରାଗ ପାସଓ୍ବାନଙ୍କ ଭିଣୋଇ ଅଟନ୍ତି । ସେହିଭଳି ଖଗଡ଼ିୟାରୁ ପାର୍ଟି ରାଜେଶ ବର୍ମାଙ୍କୁ ନିର୍ବାଚନ ମୈଦାନରେ ଓହ୍ଲାଇଛି । ରାଜେଶ ବର୍ମା ପାର୍ଟିର ପୁରୁଣା ନେତା ଏବଂ ଭାଗଲପୁରରେ ରହିଥାନ୍ତି । କିଛି ବର୍ଷ ପୂର୍ବରୁ ତାଙ୍କର ଏଠାରେ ଆୟକର ବିଭାଗର ରେଡ ହୋଇଥିଲା, ଯେଉଁଥିପାଇଁ ସେ ବିଜେପି ସାଂସଦ ନିଶିକାନ୍ତ ଦୁବେଙ୍କ ଉପରେ ଅଭିଯୋଗ ଲଗାଇଥିଲେ । 

#WATCH | Lok Janshakti Party (Ramvilas) releases a list of candidates for the upcoming Lok Sabha Elections.

Party Chief Chirag Paswan to contest from Hajipur. pic.twitter.com/qbZPzLQq4Y

— ANI (@ANI) March 30, 2024