ଭାପୁର, ୨୦।୩ : ନୟାଗଡ଼ ଜିଲ୍ଲା ଫତେଗଡ଼ ସ୍ଥିତ ଶ୍ରୀରାମ ପାହାଡ଼ ଚୂଡ଼ାରେ ନବ ନିର୍ମିତ ଭବ୍ୟ ଶ୍ରୀରାମ ମନ୍ଦିରରୁ ଲୁଟ୍। ମଙ୍ଗଳବାର ବିଳମ୍ବିତ ରାତିରେ ଠାକୁରଙ୍କ ଅଙ୍ଗବସ୍ତ୍ର ସମେତ ସୁନା ଓ ରୁପା ଗହଣା ଏବଂ ଦାନ ବକ୍ସ ଚୋରି ହୋଇଛି। ଘଟଣା ସ୍ଥଳରେ ଫତେଗଡ଼ ଥାନା ପୋଲିସ ପହଞ୍ଚି ତଦନ୍ତ କରୁଛି।
ସୂଚନା ଅନୁଯାୟୀ, ବୁଧବାର ସକାଳୁ ଫତେଗଡ ଗିରିଗୋବର୍ଦ୍ଧନ ପାହାଡ ଉପରେ ନବନିର୍ମିତ ଶ୍ରୀରାମ ମନ୍ଦିରକୁ ପୂଜାରୀ ପୂଜା କରିବାକୁ ଆସିଥିବା ବେଳେ ମୁଖ୍ୟ ଫାଟକ ତାଲା ଭଙ୍ଗିଥିବା ଦେଖିବାକୁ ପାଇଥିଲେ। ଏହାପରେ ଠାକୁରଙ୍କ ଅଙ୍ଗବସ୍ତ୍ର ସମେତ ସୁନା ଓ ରୁପା ଗହଣା ଏବଂ ଦାନ ବକ୍ସ ଚୋରି ହୋଇଥିବା ଜାଣିବାକୁ ପାଇଥିଲେ। ଏନେଇ ମନ୍ଦିର କମିଟି ପକ୍ଷରୁ ଫତେଗଡ଼ ଥାନାରେ ଅଭିଯୋଗ କରାଯାଇଥିଲା। ଘଟଣା ସ୍ଥଳରେ ଫତେଗଡ଼ ଥାନା ପୋଲିସ ପହଞ୍ଚି ତଦନ୍ତ କରୁଛି। ଦୁର୍ବୃତ୍ତମାନେ ଫେରାର୍ ହୋଇଯାଇଛନ୍ତି।