ନୂଆଦିଲ୍ଲୀ,୨୦/୦୯: ଭାରତ ସହିତ ଶତୃତା କରିବା ମାଲଦ୍ୱୀପକୁ ପଡ଼ିଛି ମହଙ୍ଗା। ଯେହେତୁ ଭାରତର ଲୋକମାନେ ମାଳଦ୍ୱୀପକୁ ବୟକଟ୍ କରିବା ଆରମ୍ଭ କରିସାରିଛନ୍ତି, ମାଳଦ୍ୱୀପ ପ୍ରତିଦିନ କୋଟି କୋଟି ଟଙ୍କାର କ୍ଷତି ସହୁଛି। ମାଳଦ୍ୱୀପର ଆୟ ପର୍ଯ୍ୟଟକ ଏବଂ ପର୍ଯ୍ୟଟନ ଉପରେ ଅଧିକ ନିର୍ଭରଶୀଳ। ଏଭଳି ପରିସ୍ଥିତିରେ ତାଙ୍କର ରୋଜଗାର ବର୍ତ୍ତମାନ ବୟକଟ୍ ଯୋଗୁଁ ଏକ ବଡ଼ କ୍ଷତି ସହିଛି। ପରିସ୍ଥିତିର ମୁକାବିଲା ପାଇଁ ମାଳଦ୍ୱୀପ ବାରମ୍ବାର ଭାରତକୁ ଅନୁରୋଧ କରୁଛି ଏବଂ ଭାରତ ଅନେକ ଥର ଏହାକୁ ସାହାଯ୍ୟ କରିଛି। ପୁଣିଥରେ ଭାରତ ଆର୍ଥିକ ସଙ୍କଟର ସମ୍ମୁଖୀନ ହେଉଥିବା ମାଲଦ୍ୱୀପକୁ ନିଜର ସାହାଯ୍ୟର ହାତ ବଢ଼ାଇଛି।
ଭାରତୀୟ ଷ୍ଟେଟ୍ ବ୍ୟାଙ୍କ ମାଳଦ୍ୱୀପର ଅର୍ଥ ମନ୍ତ୍ରଣାଳୟ ଦ୍ବାରା ଜାରି ହୋଇଥିବା ୫୦ ମିଲିୟନ ଆମେରିକୀୟ ଡଲାରର ଟ୍ରେଜେରୀ ବିଲକୁ ସବସ୍କ୍ରାଇବ କରିଛି। ଏହି ସବସ୍କ୍ରିପ୍ସନ୍ ଏକ ବର୍ଷର ଅବଧି ପାଇଁ ହୋଇଥିବା ବେଳେ ଏହା ୧୯ ସେପ୍ଟେମ୍ବର ୨୦୨୪ ରୁ ଆରମ୍ଭ ହୋଇଛି। ଟ୍ରେଜେରୀ ବିଲ୍କୁ ସବସ୍କ୍ରାଇବ କରିବା ଅର୍ଥ ହେଉଛି ଏସବିଆଇ ଏକ ନିର୍ଦ୍ଦିଷ୍ଟ ସମୟ ପାଇଁ ମାଲଦ୍ୱୀପ ସରକାରଙ୍କୁ ଟଙ୍କା ଋଣ ଦେଉଛି।
ଏହାପୂର୍ବରୁ ମେ ୨୦୨୪ ରେ, ମାଲଦ୍ୱୀପ ସରକାରଙ୍କ ଅନୁରୋଧ କ୍ରମେ ଏସବିଆଇ ସମାନ କୌଶଳକ୍ରମେ ୫୦ ମିଲିୟନ୍ ଆମେରିକୀୟ ଡଲାରର ଟି-ବିଲ୍ ସବସ୍କ୍ରାଇବ କରିଥିଲା। ଜରୁରୀ ଆର୍ଥିକ ସହାୟତା ପାଇଁ ମାଲଦ୍ୱୀପ ସରକାରଙ୍କ ଅନୁରୋଧ କ୍ରମେ ଏହି ସବ୍ସ୍କ୍ରିପସନ୍ ପ୍ରସ୍ତୁତ କରାଯାଇଛି। ଟ୍ରେଜେରୀ ବିଲ୍ ହେଉଛି ସରକାରଙ୍କ ଦ୍ୱାରା ଦିଆଯାଇଥିବା ସ୍ୱଳ୍ପ ମିଆଦି ଋଣ ବ୍ୟବସ୍ଥା (ସର୍ଟ-ଟର୍ମ ଡେଟ୍ ଇନ୍ଷ୍ଟ୍ରୁମେଣ୍ଟ୍ସ), ଏହାର ବ୍ୟବହାର ସରକାର ଏହାର ସ୍ୱଳ୍ପ ମିଆଦି ଆର୍ଥିକ ଆବଶ୍ୟକତା ପୂରଣ ପାଇଁ ବ୍ୟବହାର କରନ୍ତି । ମାଳଦ୍ୱୀପ ବୈଦେଶିକ ମନ୍ତ୍ରୀ ମୁସା ଜମିର ବର୍ତ୍ତମାନ ଶ୍ରୀଲଙ୍କାରେ ଅଛନ୍ତି। ନିକଟରେ ଜାମିର ଦାବି କରିଛନ୍ତି ଯେ ଦେଶ ଯେଉଁ ଆର୍ଥିକ ସମସ୍ୟାର ସମ୍ମୁଖିନ ହେଉଛି ଏହା ଅସ୍ଥାୟୀ ଅଟେ ଏବଂ ଆନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମଏଫ) ରୁ ସାହାଯ୍ୟ ମାଗିବାର କୌଣସି ଆବଶ୍ୟକତା ନାହିଁ।
