ନୂଆଦିଲ୍ଲୀ : ଟେକ୍ନୋଲଜି ସେକ୍ଟରରେ ଛଟେଇର ସୁନାମୀ ଆସି ସାରିଛି। ସାରା ବିଶ୍ୱରେ ଆଇଟି କମ୍ପାନୀମାନେ କର୍ମଚାରୀଙ୍କୁ ବାହାରର ରାସ୍ତା ଦେଖାଇବାରେ ଲାଗିଛନ୍ତି। ଉଲ୍ଲେଖନୀୟ ଯେ, ନିଜର ଗ୍ଲୋବାଲ ଅପରେସନ୍ସର କିଛି ଡିଭିଜନକୁ ବନ୍ଦ କରି ଚାକିରିକୁ ହ୍ରାସ କରାଯାଉଛି। ଗତ ମାସରେ ଅର୍ଥାତ୍ ଅଗଷ୍ଟରେ ୨୭ ହଜାରରୁ ଅଧିକ କର୍ମଚାରୀଙ୍କୁ ନିଜର ଚାକିରିରୁ ହାତ ଧୋଇବାକୁ ପଡ଼ିଛି।
ବଡ଼ ବଡ଼ ନାମକରା ଇନଟେଲ୍, ଆଇବିଏମ ଓ ସିସ୍କୋ ସିଷ୍ଟମ ଭଳି କମ୍ପାନୀମାନେ କର୍ମଚାରୀଙ୍କୁ ବାହାରର ରାସ୍ତା ଦେଖାଇଛନ୍ତି। ଆସନ୍ତୁ ଜାଣିବା କେଉଁ କେଉଁ କମ୍ପାନୀମାନେ ଗତ ମାସରେ କେତେ ଲୋକଙ୍କୁ ଛଟେଇ କରିଛନ୍ତି। ଅଗଷ୍ଟରେ ଟେକ୍ ସେକ୍ଟରର ୪୦ରୁ ଅଧିକ କମ୍ପାନୀ ଛଟେଇର ଘୋଷଣା କରିଛନ୍ତି।
କହି ରଖୁଛୁ କି, ୨୦୨୪ ମସିହାରେ ଏବେସୁଦ୍ଧା ୧.୩୬ ଲକ୍ଷରୁ ଅଧିକ ଟେକ୍ ପ୍ରଫେସନାଲ୍ସଙ୍କୁ ଚାକିରିରୁ ବାହାର କରାଯାଇ ସାରିଛି। ଅଗଷ୍ଟରେ ଦୁନିଆର ସବୁଠୁ ବଡ଼ ଚିପ୍ ନିର୍ମାତା କମ୍ପାନୀ ଗୁଡ଼ିକ ମଧ୍ୟରେ ଏକ ଇନଟେଲ ନିଜର ମୋଟ ୱାର୍କଫୋର୍ସର ୧୫ ପ୍ରତିଶତ ଅର୍ଥାତ୍୧୫ ହଜାର କର୍ମଚାରୀଙ୍କୁ ଛଟେଇ କରି ଦେଇଛି। କମ୍ପାନୀ ୨୦୨୫ ସୁଦ୍ଧା ୧୦ବିଲିୟନ ଡଲାର ମୂଲ୍ୟ ହ୍ରାସ କରିବାକୁ ଏହି ପଦକ୍ଷେପ ନେଇଛି।
ମୂଲ୍ୟରେ ହ୍ରାସ ଓ ନିଜର ରଣନୀତିରେ ବଡ଼ ପରିବର୍ତ୍ତନ ପାଇଁ ଇନଟେଲ୍ ଏମିତି ମୁସ୍କିଲ ନିଷ୍ପତ୍ତି ନେବାରେ ବାଧ୍ୟ ହୋଇଛି। ଏହାପରେ ନେଟୱାର୍କିଂର ଦୁନିଆର ବଡ଼ ନାଁ ସିସ୍କୋ ସିଷ୍ଟମ ମଧ୍ୟ ୭ପ୍ରତିଶତ ୱାର୍କଫୋର୍ସ ଅର୍ଥାତ୍ ୬ହଜାର କର୍ମଚାରୀଙ୍କ ଛଟେଇର ଘୋଷଣା କରିଛି।
କମ୍ପାନୀର ଫୋକସ ଏବେ ଆର୍ଟିଫିସିଆଲ ଇଣ୍ଟେଲିଜେନ୍ସ (ଏଆଇ) ଓ ସାଇବର ସିକ୍ୟୁରିଟି ସେକ୍ଟର୍ସ ଉପରେ ଅଛି। ଏହା ବ୍ୟତୀତ ଯେଉଁ ସବୁ ବଡ଼ ବଡ଼ କମ୍ପାନୀମାନେ ଛଟେଇର ଘୋଷଣା କରିଛନ୍ତି, ଏଥିରେ ଆଇବିଏମ୍ ଚୀନ୍ରେ ନିଜର R & D ଅପରେସନ୍ସ ବନ୍ଦ କରି ୧୦୦୦ରୁ ଅଧିକ କର୍ମଚାରୀଙ୍କୁ ଚାକିରିରୁ ହଟେଇ ଦେଇଛି।
ଆଇଫୋନ୍ ମେକର ଆପଲ ନିଜର ସର୍ଭିସେଜ୍ ଗ୍ରୁପ୍ରୁ ୧୦୦କର୍ମଚାରୀଙ୍କ ଛଟେଇ କରିଛି। ଡେଲ୍ ମଧ୍ୟ ନିଜର ବୈଶ୍ୱିକ ୱାର୍କଫୋର୍ସରେ ୧୦ପ୍ରତିଶତର ହ୍ରାସ କରିବାକୁ ନିଷ୍ପତ୍ତି ନେଇଛି, ଯେଉଁଥିରେ ୧୨,୫୦୦ କର୍ମଚାରୀଙ୍କ ଉପରେ ପ୍ରଭାବ ପଡ଼ିପାରେ।
ଗୋପ୍ରୋ ମଧ୍ୟ ୧୫ ପ୍ରତିଶତ ୱାର୍କଫୋର୍ସ ଅର୍ଥାତ୍ ୧୪୦ ଚାକିରିକୁ ବନ୍ଦ କରି ଦେଇଛି। ଟେକ୍ନୋଲଜି ସେକ୍ଟରରେ ଛଟେଇର ଏହି ସମୟ ଆଗକୁ ମଧ୍ୟ ଜାରି ରହିବାର ଆଶଙ୍କା ରହିଛି। ଏହି ସଂଖ୍ୟା ବଢି ପାରେ। ଏମିତିରେ ବେରୋଜଗାରର ସଂଖ୍ୟା ବୃଦ୍ଧି ସମସ୍ୟାର କାରଣ ହୋଇ ପାରେ।
