ନୂଆଦିଲ୍ଲୀ – ଭାରତର ଅନୁଭବୀ ଦ୍ରୁତ ବୋଲର ମହମ୍ମଦ ଶାମି ଭାରତୀୟ ଟିମ୍ରେ ନିଜର କମବ୍ୟାକ୍କୁ ନେଇ ବଡ଼ ଅପଡେଟ୍ ଦେଇଛନ୍ତି। ଗତ କିଛି ସପ୍ତାହ ହେଲା ଅନେକ ରିପୋର୍ଟ ସାମନାକୁ ଆସିଥିଲା , ଯେଉଁଥିରେ କୁହାଯାଇ ଥିଲା ଯେ, ମହମ୍ମଦ ଶାମି ଆସନ୍ତା ମାସରେ ନ୍ୟୁଜିଲ୍ୟାଣ୍ଡ ବିରୋଧରେ ହେବାକୁ ଥିବା ଟେଷ୍ଟ ସିରିଜରେ ଫେରି ପାରନ୍ତି। ହେଲେ ଶାମିଙ୍କ କହିବାନୁସାରେ , ଯେପର୍ଯ୍ୟନ୍ତ ସେ ସଂପୂର୍ଣ୍ଣ ଫିଟ୍ ହୋଇ ନାହାନ୍ତି , ସେପର୍ଯ୍ୟନ୍ତ ସେ ଫେରିବା କଥା ଭାବି ନାହାନ୍ତି।
ମହମ୍ମଦ ଶାମି ଗତ ବର୍ଷ ୱାନଡେ ବିଶ୍ୱକପ୍ ୨୦୨୩ରେ ଆହତ ହେବା ପରେ ଭାରତୀୟ କ୍ରିକେଟ୍ ଟିମ୍ ବାହାରେ ଅଛନ୍ତି। ଶାମିଙ୍କ ଗୋଇଠିରେ ଆଘାତ କାରଣରୁ ମୁସ୍କିଲର ସାମନା କରିବାକୁ ପଡ଼ିଥିଲା ଏବଂ ତାଙ୍କର ସର୍ଜରୀ ହୋଇଥିଲା। ମହମ୍ମଦ ଶାମି ନିକଟରେ ନେଟ୍ସରେ ବୋଲିଂ ପ୍ରାକ୍ଟିସ କରିବା ଆରମ୍ଭ କରିଛନ୍ତି , କିନ୍ତୁ ତାଙ୍କର ଫେରିବାକୁ ନେଇ ବିସିସିଆଇ କୌଣସି ଅପଡେଟ୍ ଦେଇ ନାହିଁ।
ମହମ୍ମଦ ଶାମି କହିଛନ୍ତି ,ମୁଁ ଯେତେ ଶୀଘ୍ର ହୋଇ ପାରିବ କମବ୍ୟାକ୍ କରିବାକୁ ଚେଷ୍ଟା କରୁଛି। କାରଣ ମୋତେ ଜଣା ଯେ, ମୁଁ ଅନେକ ଦିନରୁ ଖେଳ ଠାରୁ ଦୂରରେ। କିନ୍ତୁ ମୁଁ ଏହା ମଧ୍ୟ ସୁନିଶ୍ଚିତ କରିବାକୁ ଚାହୁଁଛି କି ଯେବେ ମୁଁ ଫେରିବି ତ ମୋ ମନରେ ଯେମିତି କୌଣସି ସନ୍ଦେହ ନଥିବ। ମୁଁ ଯେତେ ମଜବୁତ ହୋଇ ଫେରିବି , ମୋ ପାଇଁ ସେତିକି ଭଲ ହେବ ଏବଂ ମୋର ଆଉ ଥରେ ଆଘାତ ହେବାର ସମ୍ଭାବନା ସେତିକି କମ୍ ହେବ।
ଏଥିପାଇଁ ଏଥିରେ କୌଣସି ଫରକ ପଡ଼ିବ ନାହିଁ କି ମୁଁ ବାଂଲାଦେଶ, ନ୍ୟୁଜିଲ୍ୟାଣ୍ଡ ବା ଅଷ୍ଟ୍ରେଲିଆ ସିରିଜ ପାଇଁ ଫେରୁଛି ନା ନାହିଁ। ମୁଁ ବୋଲିଂ ଆରମ୍ଭ କରି ଦେଇଛି। କିନ୍ତୁ ଯେମିତି କି ମୁଁ କହିଲି , ମୁଁ କୌଣସି ରିସ୍କ ନେବାକୁ ଚାହୁଁନି। ଯେତେବେଳେ ମୁଁ ୧୦୦ ପ୍ରତିଶତ ଫିଟ୍ ଅନୁଭବ କରୁନାହିଁ, ମୁଁ ଫେରିବା ପାଇଁ ସହମତ ହେବି ନାହିଁ।
