ଭୁବନେଶ୍ଵର, ୨୭/୦୨ : ମିଶନ ଶକ୍ତି ମହିଳାଙ୍କ ଆକାଉଣ୍ଟକୁ ଗଲା ଟଙ୍କା। ସହାୟତା ପ୍ରଦାନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ମିଶନ ଶକ୍ତି ମା'ମାନଙ୍କୁ ୟୁନିଫର୍ମ ବାବଦରେ ୭୩୦ କୋଟି ଟଙ୍କା ପ୍ରଦାନ କରାଯାଇଛି। ଟଙ୍କା ପ୍ରଦାନ ସହ ୧୪୫ କୋଟି ଟଙ୍କା ଋଣ ଫେରସ୍ତ କରାଯାଇଛି। ଜିରୋ ପ୍ରତିଶତ ସୁଧରେ ୧୦ ଲକ୍ଷ ଟଙ୍କା ମିଶନ ଶକ୍ତି ଋଣ ଦିଆଯିବ। ୫ ବର୍ଷରେ ୫ ହଜାର ମିଶନ ଶକ୍ତି ବଜାର ହେବ।
ମିଶନ ଶକ୍ତି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଉଦ୍ବୋଧନ ଦେଇ କହିଛନ୍ତି ଯେ, ମା'ମାନେ ସରକାରଙ୍କ ବିଭିନ୍ନ କାର୍ଯ୍ୟକ୍ରମରେ ସାମିଲ ହୋଇଛନ୍ତି। ମିଶନ ଶକ୍ତି ମହିଳାମାନଙ୍କ କାମ ଦେଶ ବିଦେଶରେ ପହଞ୍ଚିଛି। ମିଶନ ଶକ୍ତି ମା'ମାନେ ଦୁବାଇ ଓ ସିଙ୍ଗାପୁର ଯାଉଛନ୍ତି। ଆଗକୁ ଅଧିକରୁ ଅଧିକ ମାଆମାନେ ବିଦେଶକୁ ଯିବେ। ୫ ବର୍ଷରେ ୫ ହଜାର ମିଶନ ଶକ୍ତି ବଜାର ଖୋଲାଯିବ। ୫ବର୍ଷରେ ୭୫ ହଜାର କୋଟି ବ୍ୟାଙ୍କ କ୍ରେଡିଟ ଦିଆଯିବ।