ନୂଆଦିଲ୍ଲୀ,୨୨।୩: ଅବକାରୀ ଦୁର୍ନୀତିରେ ଗିରଫ ହେବାପରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଆସିଛି ପ୍ରଥମ ପ୍ରତିକ୍ରିୟା। ସେ କହିଛନ୍ତି, ମୋ ଜୀବନ ଦେଶ ପାଇଁ ସମର୍ପିତ। ଭିତରେ ରହେ କିମ୍ବା ବାହାରେ।’ ଉଲ୍ଲେଖନୀୟ ଯେ, ଗୁରୁବାର ଅର୍ଥାତ ୨୧ ମାର୍ଚ୍ଚରେ ଇଡି ତାଙ୍କୁ ପଚରା ଉଚରା କରିବାକୁ ତାଙ୍କ ଘରୁ ଗିରଫ କରିଥିଲା।
ଶୁକ୍ରବାର କେଜ୍ରିୱାଲଙ୍କୁ ଇଡି ରାଉଜ ଏଭିନ୍ୟୁ କୋର୍ଟରେ ହାଜର କରିଛି। କେଜ୍ରିୱାଲଙ୍କୁ ରିମାଣ୍ଡରେ ନେଇ ପଚରା ଉଚରା କରିବା ପାଇଁ ବହୁ ଦଲିଲ ଦିଆଯାଇଛି। ତଦନ୍ତକାରୀ ଏଜେନ୍ସି କହିଛି, ତାଙ୍କ ପାଖରେ ମନି ଟ୍ରେଲର ସାକ୍ଷୀ ଅଛନ୍ତି,ଯିଏକି ଏହା କହିଛନ୍ତି ଯେ, ମଦ ନୀତି ଦୁର୍ନୀତିରେ ୧୦୦ କୋଟିରୁ ଅଧିକ ଲାଞ୍ଚ ନିଆଯାଇଛି। କୋର୍ଟକୁ ଇଡି କହିଛି ଯେ, ମଦ ନୀତି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିଓ୍ବାଲ ଦୁର୍ନୀତିର କିଙ୍ଗପିନ୍ ।
ମଦ ଦୁର୍ନୀତି ଟଙ୍କାର ବ୍ୟବହାର ଗୋଆ ଓ ପଞ୍ଜାବ ନିର୍ବାଚନରେ ହୋଇଛି। ତଦନ୍ତକାରୀ ଏଜେନ୍ସି କୋର୍ଟଙ୍କୁ କହିଛନ୍ତି, ଗୁରୁବାର ରାତିରେ ଯେତେବେଳେ ତାଙ୍କ ଘରର ତଲାସୀ ନିଆଯାଇଥିଲା ସେ ତଦନ୍ତରେ ସହଯୋଗ କରୁନଥିଲେ। ଏହି ଦୁର୍ନୀତି ୧୦୦ ନୁହେଁ ବଂର ୬୦୦ କୋଟି ଟଙ୍କାରୁ ଅଧିକ। ମନି ଟ୍ରେଲର ଚାଟ୍ ଥିବା ପ୍ରମାଣ ଓ କଥାବାର୍ତ୍ତାର ସିଡିଆର ଆମ ପାଖରେ ରହିଛି।’