ପ୍ରମୂଖ ଖବର
  • କେନ୍ଦୁଝର : ଚୋରା କାଠ ଚାଲାଣ ବେଳେ ମାଡ଼ି ବସିଲା ବନ ବିଭାଗ, ୭ ଟ୍ରିପରୁ ଉର୍ଦ୍ଧ୍ଵ କାଠ ଜବତ
  • ||
  • ଯାଜପୁର : ଶୌଚ ହେବାକୁ ଯାଇ କେନାଲରେ ଭାସିଗଲେ ନାବାଳକ
  • ||
  • ଭୁବନେଶ୍ଵର : ୨୭ରେ ବସିବ ନୀତି ଆୟୋଗ ବୈଠକ, ଯୋଗଦେବେ ମୁଖ୍ୟମନ୍ତ୍ରୀ
  • ||

ନ୍ୟୁୟର୍କରେ ଭଙ୍ଗାଯିବ କ୍ରିକେଟ ଷ୍ଟାଡିୟମ, ଭାରତ ସେଠାରେ ଜିତିଛି ହ୍ୟାଟ୍ରିକ୍ ମ୍ୟାଚ୍, ଜାଣନ୍ତୁ କାହିଁକି

ନୂଆଦିଲ୍ଲୀ,୧୩/୬ :  ଟି-୨୦ ବିଶ୍ବକପ ଇତିହାସର ସବୁଠାରୁ ଚର୍ଚ୍ଚିତ ଏବଂ ରହସ୍ୟମୟ ପିଚ ମଧ୍ୟରୁ ଗୋଟିଏ ହେଲା ନାସାଉ କାଉଣ୍ଟି ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମର ପିଚ୍ । ଯାହା ନ୍ୟୁୟର୍କରେ ଅଛି । ଏହି ଷ୍ଟାଡିୟମକୂ ସବୁବେଳେ କମ୍ ସ୍କୋର ଏବଂ ବୋଲିଂ ଲାଗି ମନେ ପକାଯିବ । ଏହା ଏଥିଲାଗି କାରଣ ଟି-୨୦ ବିଶ୍ବକପ୍ ୨୦୨୪ର ୨୫ତମ ମ୍ୟାଚରେ ଭାରତ ବନାମ ୟୁଏସଏ ମ୍ୟାଚ୍ ପରେ ତୁରନ୍ତ ଏହାକୁ ଧ୍ବଂସ କରିବାର କାମ ଆରମ୍ଭ କରି ଦିଆଯାଇଛି ।

ବୁଧବାର ଷ୍ଟାଡିୟମକୁ ହଟାଇବାର କାମ ଆରମ୍ଭ ହୋଇଯାଇଛି । ଏହି ଅସ୍ଥାୟୀ ଷ୍ଟାଡିୟମ ନ୍ୟୁୟର୍କର ଆଇଜନହାଓ୍ବର ପାର୍କରେ କରାଯାଇଥିଲା । ଏହି ପାର୍କକୁ ଖେଳ ଏବଂ ଦର୍ଶକଙ୍କ ଲାଗି ସୁରକ୍ଷିତ ଷ୍ଟାଡିୟମର ରୂପ ଦିଆଯାଇଥିଲା । ପୂର୍ବ ଦୁଇ ସପ୍ତାହ ହେବ ଏହି ପାର୍କକୁ କଡ଼ା ସୁରକ୍ଷା ମଧ୍ୟରେ ରଖାଯାଇଥିଲା ଏବେ ଏଥିରେ ପ୍ରବେଶ କରିବା ସହଜ ହୋଇଯିବ । ୬ସପ୍ତାହରେ ଏହି ଷ୍ଟାଡିୟମ ଗାୟବ ହୋଇଯିବ ।

ନ୍ୟୁୟର୍କର ନାସାଉ କାଉଣ୍ଟି ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମ ଇତିହାସର ପୃଷ୍ଠାରେ ଲିପିବଦ୍ଧ ହୋଇଯିବ । ଏହି ଷ୍ଟାଡିୟମକୁ ପ୍ରାୟ ୧୦୬ଦିନରେ ଅସ୍ଥାୟୀ ଭାବେ ନିର୍ମାଣ କରାଯାଇଥିଲା । ୩୪,୦୦୦ସିଟର ଏହାର ଗ୍ରାଣ୍ଡଷ୍ଟାଣ୍ଡ ପ୍ରଥମେ ଗଲ୍ଫ ଟୁର୍ଣ୍ଣାମେଣ୍ଟ ଏବଂ ଫର୍ମୁଲା ଓ୍ବାନର ଲାସ ବେଗାସ ଗ୍ରାଣ୍ଡ ପ୍ରିକ୍ସ ଭଳି ଆୟୋଜନ ଲାଗି ବ୍ୟବହାର କରାଯାଇଥିଲା । ୩୦ମିଲିୟନ ଡଲାରରେ ନିର୍ମିତ ଏହି ପିଚ୍‌ର ନିର୍ମାଣ ୮ମାସରେ ହୋଇଥିଲା । ଯେଉଁଥିପାଇଁ ଟୁର୍ଣ୍ଣାମେଣ୍ଟ ଲାଗି ଅଷ୍ଟେ୍ରଲିଆର ଆଡିଲେଟ ଓବଲ ଷ୍ଟାଡିୟମରୁ ବିଶେଷ ମାଟି ଅଣାଯାଇଥିଲା । 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.