ନୂଆଦିଲ୍ଲୀ,୨୦/୦୪: ବୈଶ୍ବିକ ସ୍ତରରେ ଦୁର୍ବଳ ଚାହିଦା ହେତୁ ଦେଶର ତିନୋଟି ବୃହତ ଆଇଟି କମ୍ପାନୀ ଟିସିଏସ୍, ଇନଫୋସିସ୍ ଏବଂ ୱିପ୍ରୋ ୨୦୨୩-୨୪ ଆର୍ଥିକ ବର୍ଷରେ ୬୪ ହଜାର କର୍ମଚାରୀଙ୍କୁ ଛୁଟେଇ କରିଛନ୍ତି। ଶୁକ୍ରବାର ମାର୍ଚ୍ଚ ତ୍ରୈମାସିକ ଫଳାଫଳ ଘୋଷଣା କରିଥିବା ୱିପ୍ରୋରେ କର୍ମଚାରୀଙ୍କ ସଂଖ୍ୟା, ପୂର୍ବ ବର୍ଷ ଅବଧିରେ ୨,୫୮,୫୭୦ ରୁ ୨,୩୪,୦୫୪ କୁ ହ୍ରାସ ପାଇଥିବା ଦେଖିବାକୁ ମିଳିଛି।
ଦୀର୍ଘ ଅବଧିରେ, ଯେଉଁଭଳି ଭାବେ କମ୍ପାନୀଗୁଡିକ ଅଧିକ ଆଇପି ଆଧାରିତ ପ୍ଲାଟଫର୍ମ ଏବଂ ଏଆଇ ଆଡ଼କୁ ଗତି କରିବ, ସେହିପରି ଭାବେ କର୍ମଚାରୀଙ୍କ ସଂଖ୍ୟାରେ ହେବାକୁ ଥିବା ବୃଦ୍ଧିରେ ହ୍ରାସ ଘଟିବ। ଭାରତର ଆଇଟି ସେବା ଶିଳ୍ପ ମୂଲ୍ୟ ୨୫୪ ବିଲିୟନ ଡ଼ଲାର ଅଟେ ଏବଂ ବିଶ୍ୱ ଅର୍ଥନୈତିକ ଅନିଶ୍ଚିତତା ଏବଂ ଭୌଗୋଳିକ ପରିବର୍ତ୍ତନ ସହିତ ମୁକାବିଲା କରୁଛି।
ଭାରତର ଦ୍ୱିତୀୟ ବୃହତ୍ତମ ଆଇଟି ସେବା ରପ୍ତାନିକାରୀ ଇନଫୋସିସର ମୋଟ କର୍ମଚାରୀଙ୍କ ସଂଖ୍ୟା ମାର୍ଚ୍ଚ ୨୦୨୪ ରେ ୩,୧୭,୨୪୦ କୁ ହ୍ରାସ ପାଇ ଗତ ବର୍ଷ ସମାନ ଅବଧିରେ ୩,୪୩,୨୩୪ କର୍ମଚାରୀଙ୍କ ଠାରୁ ୨୫,୯୯୪ ହ୍ରାସ ପାଇଛି। କମ୍ପାନୀ ସିଏଫଓ ଜୟଶ ସାଙ୍ଘରାଜକା କହିଛନ୍ତି ଯେ ଗତ କିଛି ବର୍ଷ ମଧ୍ୟରେ ନିଯୁକ୍ତି ମଡେଲରେ ପରିବର୍ତ୍ତନ ଆସିଛି। କ୍ୟାମ୍ପସ ନିଯୁକ୍ତି ସମୟରେ ଆମେ ବର୍ତ୍ତମାନ ଅଧିକ ସତର୍କ ମଡେଲ ବ୍ୟବହାର କରୁଛୁ। ୨୦୨୨-୨୩ ଆର୍ଥିକ ବର୍ଷ ତୁଳନାରେ, ଟିସିଏସ୍ରେ ୧୩,୨୪୯ କର୍ମଚାରୀଙ୍କ ହ୍ରାସ ରେକର୍ଡ କରାଯାଇଛି । ମାର୍ଚ୍ଚ ଶେଷରେ ଏହାର ମୋଟ କର୍ମଚାରୀ ସଂଖ୍ୟା ୬,୦୧,୫୪୬ ଥିଲା।
