ନୂଆଦିଲ୍ଲୀ,୨୯/୦୯: ସହରଗୁଡିକରେ ଆବର୍ଜନାର ପାହାଡ଼କୁ ହଟାଇବା ପାଇଁ କେନ୍ଦ୍ର ସରକାର ତିନି ହଜାର କୋଟି ଟଙ୍କାରୁ ଅଧିକ ଟଙ୍କା ଯୋଜନା ଆରମ୍ଭ କରିଥିଲେ। ଆଶା ଥିଲା ଯେ, ଯଦି ସମସ୍ତେ ସମାନ ଭାବେ ସହଯୋଗ କରନ୍ତି, ତେବେ ଏହି ଅଳିଆଗଦା ଗୁଡ଼ିକ ଆଉ ରହିବ ନାହିଁ। କିନ୍ତୁ ଏହି ଯୋଜନା ଅଛି ହେଳେ ଅଳିଆ ସଫା ହଉନି। ରାଜ୍ୟଗୁଡ଼ିକରେ ଅଧିକାରୀ ଓ କର୍ମଚାରୀମାନଙ୍କା ଅଳସୁଆପଣ ଯୋଗୁ ଏବେ ଦେଶର ବିଭିନ୍ନ ସହରରେ ଏହି ଆବର୍ଜନାର ପାହାଡ଼ ବଢ଼ିବାରେ ଲାଗିଛି।
ସ୍ବଚ୍ଛ ଭାରତ ମିଶନ ମାଧ୍ୟମରେ ଲକ୍ଷ ରଖାଯାଇଥିଲା ଯେ, ବିଭିନ୍ନ ରାଜ୍ୟର ସବୁ ସହରଗୁଡ଼ିର ଅଳିଆ ଆବର୍ଜନାଗଦାକୁ ହଟାଇବା। କିନ୍ତୁ ଉଦ୍ବେଗଜନକ ବିଶୟ ହେଉଛି, ବର୍ତ୍ତମାନ ସୁଦ୍ଧା ସହର ଗୁଡ଼ିକରେ ମାଳ ମାଳ ଅଳିଆ ଗଦା ରହିଥିବା ବେଳେ ଏବେ ଏସବୁ ଏକ ପର୍ବତ ସଦୃଶ ହେଲାଣି ପଛେ ଏହାକୁ କିପରି ଜାଳିପୋଡ଼ି କିମ୍ବା ପୋତି ସଫା କରାଯିବ, ସେଥିପ୍ରତି କାହାର ନିଘା ନାହିଁ। ବଡ଼ ଚିନ୍ତାଜନକ ବିଷୟ ହେଉଛି ଏସବୁକୁ ସଫା ନକରାଯିବା କାରଣରୁ, ଏସୁବୁ ପରିବେଶ ପ୍ରଦୂଷଣ କରିବାରେ ଏକ ପ୍ରମୁଖ କାରଣ ପାଲଟିଛି। କେବଳ ଏତିକି ନୁହେ ବରଂ ବର୍ଷା ହେବା ସମୟରେ ଏହି ସବୁ ଅଳିଆ ଆବର୍ଜନା ଧୋଇ ହୋଇ ଆଖପାଖ ଅଞ୍ଚଳରେ ପ୍ରବେଶ କରିବା ଯୋଗୁ ଧନଜୀବନ ମଧ୍ୟ ପ୍ରଭାବିତ ହେଉଛି।
୨ ଅକ୍ଟୋବର ୨୦୧୪ରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ବରେ ଆରମ୍ଭ ହୋଇଥିବା ସ୍ବଚ୍ଛ ଭାରତ ମିଶନରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ସ୍ଥାପନ ହୋଇଥିଲା। ତେବେ ଏହା ଅଧିନରେ ଦେଶରୁ ଅଳିଆ ଆବର୍ଜନାକୁ ସମ୍ପୁର୍ଣ୍ଣ ଭାବେ ହଟାଇବାକୁ ଏକ ବିଧିବଦ୍ଧ ଯୋଜନା କରାଯାଇଥିଲା। ଏ ତମାମ ପଦକ୍ଷେପ ଯଦିଓ ଲାଗୁ ହୋଇଥିଲା, ତଥାପି ମେ' ୨୦୨୧ରୁ ଏନେଇ ଏକ ବୈଠକ କରାଯାଇ ସବୁ ରାଜ୍ୟର ସବୁ ସହରରୁ ଅଳିଆ ଆବର୍ଜନା ସଫା କରିବାକୁ ଆଲୋଚନା ହୋଇଥିଲା। କିନ୍ତୁ ବର୍ତ୍ତମାନର ଚିତ୍ର ଅତ୍ୟନ୍ତ ନୈରାଶ୍ୟଜନକ।
