ପ୍ରମୁଖ ଖବର
  • କେନ୍ଦ୍ରାପଡା : ପଟ୍ଟାମୁଣ୍ଡାଇ ଥାନା ବଡପଦା ଗାଁରେ ବରଯାତ୍ରୀଙ୍କୁ ପେଟ୍ରୋଲ ବାଣ୍ଟିବା ବେଳେ ଲାଗିଲା ନିଆଁ, ୫ ବର୍ଷର ଶିଶୁ ମୃତ
  • ||
  • ମଧ୍ୟପ୍ରଦେଶ କଂଗ୍ରେସ ସଭାପତି ପଦରୁ ଇସ୍ତଫା ଦେଲେ କମଲନାଥ
  • ||
  • ବଲାଙ୍ଗୀର : ଓଡ଼ିଶାରେ ସବୁଠୁ ବଡ଼ IT ରେଡ୍, ୨୦ ସ୍ଥାନରେ ଚଢାଉ, ବାହାରୁଛି ବସ୍ତା ବସ୍ତା ଟଙ୍କା
  • ||
  • ଘଟଗାଁ : ଯୁବକଙ୍କୁ ବିଭତ୍ସ ଭାବେ ହତ୍ୟା, କାରଣ ଅସ୍ପଷ୍ଟ
  • ||
  • କାଲିମେଳା : ଗାଁ ଦାଣ୍ଡରେ ପଡ଼ିଛି ଅଜଣା ବ୍ୟକ୍ତିଙ୍କ ମୃତଦେହ, ହତ୍ୟା ସନ୍ଦେହ
  • ||
  • ବ୍ରହ୍ମବରଦା : ମେଣ୍ଢା ଫାର୍ମ ହାଉସରେ ନିଆଁ ଲଗାଇଦେଲେ ଦୁର୍ବୃତ୍ତ, ୨୧ ମେଣ୍ଢା ଗୁରୁତର
  • ||
  • କଟକ: ଜନଶତାବ୍ଦୀ ଏକ୍ସପ୍ରେସ୍‌ର ବଗି ତଳେ ଲାଗିଲା ନିଆଁ, କଟକ ଷ୍ଟେସନରେ ଅଟକିଲା ଟ୍ରେନ୍
  • ||
  • ଭୁବନେଶ୍ୱର: ସ୍ୱାସ୍ଥ୍ୟ କର୍ମଚାରୀଙ୍କ ଆନ୍ଦୋଳନକୁ ନା’, ଆଗାମୀ ୬ ମାସ ପର୍ଯ୍ୟନ୍ତ ଲାଗୁ ହେଲା ଏସ୍‌ମା
  • ||
  • ଭୁବନେଶ୍ୱର: କାଲୁଆ କରିଦେଲା କୋହଲା ପାଗ, ଦିନ ତାପମାତ୍ରା ୫ ଡିଗ୍ରୀ ଖସିଗଲା
  • ||

ଭୁଲରେ ବି ଫ୍ରିଜ୍‌ରେ ରଖନ୍ତୁନି ଏହି ୫ ଫଳ, ନଚେତ୍‌ ଖାଇଲେ ଫାଇଦା ବଦଳରେ ମିଳିବ କ୍ଷତି

ନୂଆଦିଲ୍ଲୀ ୨୦/୧୧: କିଛି ଲୋକ ଭାବନ୍ତି ପନିପରିବା ପରି, ଫ୍ରିଜରେ ଫଳ ରଖିବା ଦ୍ୱାରା ଏହା ଦୀର୍ଘ ସମୟ ପର୍ଯ୍ୟନ୍ତ ସତେଜ ରହେ। କିନ୍ତୁ ଏପରି ଆଦୌ ନୁହେଁ। ଆପଣ ଫ୍ରିଜରେ ସବୁ ଫଳ ରଖି ପାରିବେ ନାହିଁ। ଫଳକୁ ଫ୍ରିଜରେ ରଖିବା ଦ୍ୱାରା ଅଧିକାଂଶ ଫଳ ନଷ୍ଟ ହୋଇଯାଏ କିମ୍ବା ବିଷାକ୍ତ ହୋଇପାରେ। ଆସନ୍ତୁ ଜାଣିବା କେଉଁ ଫଳଗୁଡିକ ଫ୍ରିଜରେ ରଖିବା ଉଚିତ୍ ନୁହେଁ ।

କଦଳୀ :

କଦଳୀ ଏପରି ଏକ ଫଳ ଯାହାକୁ ଆପଣ କେବେବି ଫ୍ରିଜ୍‌ରେ ରଖିବା ଉଚିତ୍ ନୁହେଁ । ଫ୍ରିଜ୍‌ରେ ରଖିବା ଦ୍ୱାରା କଦଳୀ ଶୀଘ୍ର କଳା ହୋଇଯାଏ। କଦଳୀରୁ ଇଥିଲିନ ଗ୍ୟାସ ନିର୍ଗତ ହୁଏ, ଯେଉଁ କାରଣରୁ ଅନ୍ୟ ଫଳ ଶୀଘ୍ର ପାଚିଯାଏ, ତେଣୁ କଦଳୀକୁ ଫ୍ରିଜରେ କିମ୍ବା ଅନ୍ୟ ଫଳ ସହିତ ରଖିବା ଉଚିତ ନୁହେଁ।

ତରଭୁଜ :

ଲୋକମାନେ ଗ୍ରୀଷ୍ମ ସମୟରେ ତରଭୁଜ ବହୁତ ଖାଆନ୍ତି । କିନ୍ତୁ ଏହି ଫଳ ଏତେ ବଡ ଯେ ଏହାକୁ ଗୋଟିଏ ଥର ଖାଇବା କଷ୍ଟକର ହୋଇଯାଏ । ତେଣୁ ଅନେକ ଥର ଲୋକମାନେ ତରଭୁଜକୁ କାଟି ଫ୍ରିଜରେ ରଖନ୍ତି । ହେଲେ ତରଭୁଜକୁ କେବେବି କାଟି ଫ୍ରିଜରେ ରଖିବା ଉଚିତ୍ ନୁହେଁ। ଫ୍ରିଜରେ ରଖିବା ଦ୍ୱାରା ଏହାର ଆଣ୍ଟିଅକ୍ସିଡାଣ୍ଟ ନଷ୍ଟ ହୋଇଯାଏ। 

ଆପଲ :

ଆପଲକୁ ଫ୍ରିଜରେ ରଖିବା ଦ୍ୱାରା ଏହା ଶୀଘ୍ର ପାଚିଯାଏ। ଏହା ପଛର କାରଣ ହେଉଛି ଆପଲରେ ମିଳୁଥିବା ସକ୍ରିୟ ଏନଜାଇମ୍। ଯଦି ଆପଣ ଦୀର୍ଘ ସମୟ ପର୍ଯ୍ୟନ୍ତ ଆପଲ୍ ଷ୍ଟୋର୍‌ କରିବାକୁ ଚାହାଁନ୍ତି, ତେବେ ସେଗୁଡ଼ିକୁ କାଗଜରେ ଗୁଡ଼ାଇ ରଖନ୍ତୁ। ଏହା ବ୍ୟତୀତ ପ୍ଲମ୍‌, ଚେରି ଏବଂ ପିଚ୍‌ ପରି ମଞ୍ଜି ଯୁକ୍ତ ଫଳଗୁଡିକ ମଧ୍ୟ ଫ୍ରିଜରେ ରଖିବା ଉଚିତ୍ ନୁହେଁ।

ଆମ୍ବ :

ଆମ୍ବକୁ ଫ୍ରିଜରେ ରଖନ୍ତୁ ନାହିଁ । ଏହା ଦ୍ୱାରା ଆମ୍ବରେ ଥିବା ଆଣ୍ଟିଅକ୍ସିଡାଣ୍ଟ କମିବା ଆରମ୍ଭ କରେ । ଏହି କାରଣରୁ ଆମ୍ବର ପୋଷକ ତତ୍ତ୍ୱ ମଧ୍ୟ ନଷ୍ଟ ହୋଇଯାଏ। ଆମ୍ବକୁ କାର୍ବାଇଡ୍ ଦ୍ୱାରା ପଚାଯାଏ। ଯାହା ପାଣିରେ ମିଶିବା ଦ୍ୱାରା ଶୀଘ୍ର ନଷ୍ଟ ହୋଇଯାଏ।

ଲିଚି :

ଲିଚି ଖାଇବାକୁ ସମସ୍ତେ ପସନ୍ଦ କରନ୍ତି। ଏହା ଗ୍ରୀଷ୍ମ ଋତୁରେ ମିଳୁଥିବା ଏକ ଫଳ। ହେଲେ ଲିଚିକୁ ଫ୍ରିଜରେ ରଖନ୍ତୁ ନାହିଁ। ଲିଚିକୁ ରେ ଫ୍ରିଜରେରେ ରଖିବା ଦ୍ୱାରା ଏହାର ଉପର ଅଂଶ ଭଲ ରହିଥାଏ, କିନ୍ତୁ ଭିତରୁ ଖରାପ ହେବାକୁ ଲାଗେ ।

 

Copyright © 2022 - Summa Real Media Private Limited. All Rights Reserved.