ଭୁବନେଶ୍ୱର,୨୩/୦୯: ‌ଆଜି ରାଜ୍ୟସ୍ତରୀୟ ମୁଖ୍ୟମନ୍ତ୍ରୀଙ୍କ ଅଭିଯୋଗ ଶୁଣାଣି ହେବ । ଏଥରକ ଅଭିଯୋଗ ଶୁଣାଣି ପୂର୍ବରୁ  ଶୁଣାଣି ଚାଲୁଥିବା ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠ ପରିବର୍ତ୍ତେ ନିକଟସ୍ଥ ସରକାରୀ ବାସଗୃହ  ଭିଆଇଆଇଆଇଏମ୍‌ଆର୍‌ ନମ୍ବର-୪ରେ ହେବ । ମୁଖ୍ୟମନ୍ତ୍ରୀ ଏହି ସ୍ଥାନରେ ଅନ୍‌ଲାଇନ୍‌ ବ୍ୟବସ୍ଥାରେ ପଞ୍ଜୀକରଣ କରିଥିବା ଜନସାଧାରଣଙ୍କ ଠାରୁ  ବିଭିନ୍ନ ଅଭିଯୋଗର ଶୁଣାଣି କରିବେ । ଏଠାରେ  ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠ ପ୍ରସ୍ତୁତ କରାଯାଇଥିବାବେଳେ ଅଭିଯୋଗ ଜଣାଇବା  ପାଇଁ ପଞ୍ଜୀକରଣ କରିଥିବା ଜନସାଧାରଣଙ୍କୁ  ରାଜୀବ ଭବନରୁ ଅଳ୍ପ ଦୂରରେ ଥିବା ଜଳ ଭବନ  (ୱାଟ୍‌କୋ କାର୍ଯ୍ୟାଳୟ) ପାଶ୍ୱର୍ରେ ଅଭିଯୋଗ  ଶୁଣାଣି ପ୍ରକୋଷ୍ଠକୁ ଉଦ୍ଦିଷ୍ଟ ଗେଟ୍‌ ନଂ-୧ରେ  ଆସିବାକୁ ପଡ଼ିବ । ଏହି ସ୍ଥାନରେ ଅଭିଯୋଗ  ଶୁଣାଣିକୁ ରାସ୍ତା ଚିହ୍ନିତ କରାଯାଇଛି । ସର୍ବାଧିକ  ୧୦୦୦ ଅଭିଯୋଗକାରୀଙ୍କ ଅଭିଯୋଗ ଶୁଣାଣି  କରାଯିବ ବୋଲି ସାଧାରଣ ଅଭିଯୋଗ ଓ  ସାଧାରଣ ପ୍ରଶାସନ ବିଭାଗ ପକ୍ଷରୁ କୁହାଯାଇଛି ।  ସେହିପରି ସୋମବାର ଭୁବନେଶ୍ୱର ବ୍ଲକ  ପରିସରରେ ବ୍ଲକସ୍ତରୀୟ ମିଳିତ ଜନ  ଅଭିଯୋଗ ଶୁଣାଣି ଶିବିର ହେବ । ଜିଲ୍ଲାପାଳ  ଚଞ୍ଚଳ ରାଣା ଶିବିରରେ ଯୋଗଦେଇ  ଭୁବନେଶ୍ୱର ବ୍ଲକ ଅନ୍ତର୍ଗତ ଲୋକଙ୍କ ଆପତ୍ତି  ଅଭିଯୋଗର ସମାଧାନ କରିବେ।