ପ୍ରତ୍ୟେକ ଦିନ ନିଜ ଡାଏଟରେ ସଠିକ ପରିମାଣରେ ଦେଶୀ ଘିଅ ଗ୍ରହଣ କରିଲେ,ଆପଣଙ୍କ ସ୍ୱସ୍ଥ୍ୟ ବହୁ ମାତ୍ରାରେ ଉନ୍ନତ ହେବ। ଏହି କାରଣରୁ ବୟୋଜ୍ୟେଷ୍ଠ ଲୋକମାନେ ପ୍ରାୟତଃ ଦେଶୀଘିଅ ଖାଇବାକୁ ଉପଦେଶ ଦେଇଥାନ୍ତି। ଦେଶୀଘିଅରେ ସ୍ବାସ୍ଥ୍ୟକର ଫ୍ୟାଟ୍ ରହିଥାଏ। ତେଣୁ ଏହାକୁ ଏକ ସୀମିତ ପରିମାଣରେ ସେବନ କରିବା ସ୍ୱାସ୍ଥ୍ୟପକ୍ଷେ ଲାଭଦାୟକ ହୋଇଥାଏ। ଏହା ଆପଣଙ୍କ ଶରୀର ପାଇଁ ଏକ ବରଦାନ ଭଳି ଅଟେ।
ଦେଶୀ ଘିଅର ସେବନ କରିବା ଦ୍ୱାରା ଆପଣଙ୍କ ଶରୀରକୁ ବଳ ମିଳିବା ସହ ଶରୀର ପକ୍ଷେ ମଧ୍ୟ ବହୁ ପରିମାଣରେ ହିତକର ହୋଇଥାଏ। ମାତ୍ର ଗୋଟିଏ ଚାମଚ ଦେଶୀଘିଅ ଖାଇବା ଦ୍ୱାରା ପେଟସହ ଜଡିତ ସମସ୍ତ ସମସ୍ୟାରୁ ମୁକ୍ତି ପାଇପାରିବେ। ଦେଶୀଘିଅରେ ମିଳୁଥିବା ତତ୍ତ୍ୱ ଆପଣଙ୍କ ଯକୃତ ପାଇଁ ମଧ୍ୟ ବହୁତ ଲାଭପ୍ରଦ ଅଟେ। ଏହା ଆପଣଙ୍କର ରୋଗ ପ୍ରତିରୋଧକ ଶକ୍ତି ମଧ୍ୟ ବଢାଇଥାଏ। ଏହାକୁ ସେବନ କରିବାଦ୍ୱାରା ଗୁଡ୍ କୋଲେଷ୍ଟ୍ରୋଲ ମଧ୍ୟ ବଢିଥାଏ।
ଦେଶୀ ଘିଅରେ ମିଳୁଥିବା ତତ୍ତ୍ୱ:- ଦେଶୀ ଘିଅରେ ଭିଟାମିନ୍-ଏ,ଭିଟାମିନ୍ -କେ ଏବଂ ଭିଟାମିନ୍- ଇ ଭରପୁର ମାତ୍ରାରେ ରହିଥାଏ। ଏଥିରେ ଥିବା ଏଣ୍ଟିଅକ୍ସିଡେଣ୍ଟ ଏବଂ ଏଣ୍ଟିଇଂଫ୍ଲାମେଟାରୀ ଗୁଣ କର୍କଟ ରୋଗର ବିପଦକୁ ମଧ୍ୟ କମ୍ କରିଥାଏ। ଯଦି ଆପଣ ହୃଦରୋଗ ଜନିତ ସମସ୍ୟାରୁ ବଞ୍ଚିବାକୁ ଚାହୁଁଛନ୍ତି, ତେବେ ନିଜ ଡାଏଟରେ ଏକ ଚାମଚ ଦେଶୀ ଘିଅ ଗ୍ରହଣ କରନ୍ତୁ। ଆପଣ ପ୍ରତ୍ୟେକ ଦିନ ଏକ ଚାମଚ ଦେଶୀଘିଅ ଖାଇ ପାରିବେ। ଏହାଠାରୁ ଅଧିକ ଖାଇଲ ଶରୀର ପକ୍ଷେ କ୍ଷତିକାରକ ହୋଇପାରେ। ଦେଶୀଘିଅ ଆପଣଙ୍କ ସ୍ୱାସ୍ଥ୍ୟ ସହ ତ୍ୱଚା ଏବଂ କେଶ ପାଇଁ ସର୍ବୋତ୍ତମ ଅଟେ। ଏହାଦ୍ୱାରା ଆପଣଙ୍କ ତ୍ୱଚା ଉଜ୍ଜ୍ୱଳ ଦିଶିବା ସହ କେଶ ମଧ୍ୟ ମଜଭୁତ କରିଥାଏ।
