ନୂଆଦିଲ୍ଲୀ: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଏକ ବଡ଼ ଆଶ୍ବସ୍ତି ମିଳିଛି । ପାକିସ୍ତାନର ଏକ ଅଦାଲତ ୯ ମେ ୨୦୨୩ ହିଂସା ସହ ଜଡିତ ଦୁଇଟି ମାମଲାରେ ଇମ୍ରାନଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି । ତାଙ୍କ ବିରୋଧରେ ପର୍ଯ୍ୟାପ୍ତ ପ୍ରମାଣ ଦର୍ଶାଇ ଅଦଲତ ତାଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି । ଗତ ବର୍ଷ ମେ ୯ ରେ ଏକ ଦୁର୍ନୀତି ମାମଲାରେ ଗିରଫ ହେବା ପରେ ପାକିସ୍ତାନ ତେହେରିକ-ଇ-ଇନସାଫ (ପିଟିଆଇ) ଦଳର ପ୍ରତିଷ୍ଠାତା ଇମ୍ରାନ ଖାନ ସମ୍ବେଦନଶୀଳ ସାମରିକ ସ୍ଥାପନ ସମେତ ଜନସାଧାରଣଙ୍କ ସମ୍ପତ୍ତି ନଷ୍ଟ କରିଦେଇଥିବା ଅଭିଯୋଗ ହୋଇଥିଲା ।
ପିଟିଆଇ ପ୍ରତିଷ୍ଠାତା ଇମ୍ରାନ ଖାନଙ୍କ ବିରୋଧରେ ଶାହାଜାଦ ଟାଉନ ପୋଲିସ ଷ୍ଟେସନରେ ପଞ୍ଜୀକୃତ ହୋଇଥିବା ଦୁଇଟି ମାମଲାକୁ ଚ୍ୟାଲେଞ୍ଜ କରୁଥିବା ଏହି ଆବେଦନକୁ ଇସଲାମାବାଦ ଜିଲ୍ଲାର ଜୁଡିସିଆଲ ମାଜିଷ୍ଟ୍ରେଟ ଓମାର ଶବୀର ଅନୁମୋଦନ କରିଛନ୍ତି । ଅଦାଲତ ୭୧ ବର୍ଷୀୟ ଇମ୍ରାନ ଖାନ୍ଙ୍କୁ ନିର୍ଦ୍ଦୋଶ କରିବା ନେଇ ନିଜ ଆଦେଶରେ କହିଛନ୍ତି ଯେ, ଅଭିଯୋଗକାରୀଙ୍କ ପକ୍ଷରୁ ପର୍ଯ୍ୟାପ୍ତ ପ୍ରମାଣ ଉପସ୍ଥାପିତ ହୋଇ ନ ଥିବାରୁ ପିଟିଆଇ ପ୍ରତିଷ୍ଠାତା ନିର୍ଦ୍ଦୋଷରେ ଖଲାସ ହୋଇଛନ୍ତି ।
ଜୁଡିସିଆଲ ମାଜିଷ୍ଟ୍ରେଟ ସାହିବ ବିଲାଲ ପୂର୍ବତନ ପ୍ରଧାନମନ୍ତ୍ରୀଙ୍କ ଆବେଦନକୁ ଗ୍ରହଣ କରି ତାଙ୍କୁ ନିର୍ଦ୍ଦୋଷରେ ଖଲାସ କରିବାକୁ ନିର୍ଦ୍ଦେଶ ଦେଇଛନ୍ତି। ଖାନଙ୍କ ବିରୋଧରେ ଉଭୟ ମାମଲା ଇସଲାମାବାଦର ଖାନ୍ନା ପୋଲିସ ଷ୍ଟେସନରେ ପଞ୍ଜୀକୃତ ହୋଇଥିଲା। ଦୀର୍ଘ ପ୍ରଦର୍ଶନ ଏବଂ ଧାରା ୧୪୪ ର ଉଲ୍ଲଂଘନ ପାଇଁ ପିଟିଆଇ ପ୍ରତିଷ୍ଠାତାଙ୍କ ବିରୋଧରେ ମାମଲା ରୁଜୁ ହୋଇଥିଲା । ଖାନଙ୍କ ଗିରଫ ପରେ ତାଙ୍କର ହଜାର ହଜାର ସମର୍ଥକ ଏବଂ ଦଳର କର୍ମକର୍ତ୍ତା ଜିନ୍ନା ହାଉସ୍ (ଲାହୋର କର୍ପସ କମାଣ୍ଡର ହାଉସ୍), ମିଆନୱାଲି ଏୟାରବେସ୍ ଏବଂ ଫୈସଲାବାଦରେ ଆଇଏସ୍ଆଇ କୋଠା ସମେତ ସାମରିକ ସ୍ଥାପନକୁ ଭଙ୍ଗାରୁଜା କରିଥିଲେ।