ସମ୍ବଲପୁର, ୧୩/୦୪ : ରବିବାର ଠାରୁ ସମଲେଇ ମନ୍ଦିରରେ ପାନ ଓ ଗୁଟ୍ଖା ବ୍ୟାନ୍। ମନ୍ଦିରରେ ନିଶା ଦ୍ରବ୍ୟ ସେବନ କରି ପ୍ରବେଶ ଉପରେ କଟକଣା ଲଗାଯାଇଛି। ଏନେଇ ମନ୍ଦିର ଟ୍ରଷ୍ଟ ବୋର୍ଡ ପକ୍ଷରୁ ନିଷ୍ପତ୍ତି ନିଆଯାଇଛି।
ସମଲେଇ ମନ୍ଦିର ଭିତରକୁ ପାନ କିମ୍ବା ଗୁଟଖା ଖାଇ ପ୍ରବେଶ କରିବାକୁ ଶ୍ରଦ୍ଧାଳୁମାନଙ୍କୁ ବାରଣ କରାଯାଇଛି। ଏନେଇ ସିକ୍ୟୁରିଟି ସଂସ୍ଥାର ସୁରକ୍ଷା କର୍ମୀମାନେ ସଚେତନ କରିବେ। ଏହା ସହ ମାଦକ ଦ୍ରବ୍ଯ ସେବନ କରି ମନ୍ଦିର ପରିସରରେ ଧରାପଡିଲେ ୫ ଶହ ଟଙ୍କା ଫାଇନ୍ ଗଣିବେ ବୋଲି ଟ୍ରଷ୍ଟ ବୋର୍ଡ ସଭାପତି ସଂଜୟ ବାବୁ ସୂଚନା ଦେଇଛନ୍ତି। ଏହା ପୂର୍ବରୁ ପୁରୀ ଶ୍ରୀମନ୍ଦିରରେ ପାନ ଓ ଗୁଟ୍ଖା ସେବନ କରି ପ୍ରବେଶ ଉପରେ କଟକଣା ଲାଗିଥିଲା।
