ମୁମ୍ବାଇ ୩୦/୦୧ : ବଲିଉଡ୍ର ଚୁଲବୁଲି ନାୟିକା ପରିଣୀତି ଚୋପ୍ରା ନିଜର ଚମତ୍କାର ଅଭିନୟ ପାଇଁ ବେଶ୍ ଲୋକପ୍ରିୟ। ଅଭିନୟ ବ୍ୟତୀତ ପରିଣୀତି ଗୀତ ଗାଇବା ପାଇଁ ମଧ୍ୟ ଜଣାଶୁଣା । ଅନେକ ଚଳଚ୍ଚିତ୍ରର ଗୀତରେ ସେ ତାଙ୍କ ସ୍ୱରର ଯାଦୁ ଦେଖାଛନ୍ତି। ଗତ ରାତିରେ ପରୀ ମୁମ୍ବାଇ ଫିଲ୍ମ ମହୋତ୍ସବ ୨୦୨୪ ରେ ତାଙ୍କର ପ୍ରଥମ ଲାଇଭ୍ ସିଙ୍ଗିଙ୍ଗ୍ ପର୍ଫମାନ୍ସ ଦେଇଛନ୍ତି। ଏଥିସହିତ ତାଙ୍କର ବହୁ ବର୍ଷର ସ୍ୱପ୍ନକୁ ପୂରଣ କରିଛନ୍ତି।
ମୁମ୍ବାଇରେ ଲକ୍ଷ ଲକ୍ଷ ଲୋକଙ୍କ ଭିଡ଼ ଆଗରେ ପରୀ ତାଙ୍କର ସିଙ୍ଗିଙ୍ଗ୍ ଟ୍ୟାଲେଣ୍ଟ ଦେଖାଇଛନ୍ତି। ଅଭିନେତ୍ରୀ ମୁମ୍ବାଇରେ ଆୟୋଜିତ 'ମୁମ୍ବାଇ ଫେଷ୍ଟିଭାଲ୍ ୨୦୨୪'ରେ ତାଙ୍କର ଲାଇଭ୍ ସିଙ୍ଗିଙ୍ଗ୍ ଆରମ୍ଭ କରିଛନ୍ତି। ଯାହାର ଫଟୋ ଏବଂ ଭିଡିଓ ଅଭିନେତ୍ରୀ ନିଜେ ସେୟାର କରିଛନ୍ତି। ଫଟୋରେ ପରୀ ବ୍ଲାକ୍ ଆଉଟଫିଟ୍ ପିନ୍ଧି ମଞ୍ଚରେ ଗୀତ ଗାଉଥିବାର ନଜର ଆସିଛନ୍ତି। ଏଥିରେ ସେ ଷ୍ଟାଇଲିସ୍ ଦେଖାଯାଉଛନ୍ତି।
ତାଙ୍କର ପ୍ରଥମ ଲାଇଭ୍ ଗୀତ ପ୍ରଦର୍ଶନର ଫଟୋ ସେୟାର କରି ପରୀ ଏକ ସ୍ୱତନ୍ତ୍ର ନୋଟ୍ ମଧ୍ୟ ଲେଖିଛନ୍ତି। ଯେଉଁଥିରେ ସେ ଭାବପ୍ରବଣ ହୋଇଥିବାର ଦେଖାଯାଇଛି। ଏଥିସହିତ ଏକ ଇମୋସନାଲ୍ କ୍ୟାପସନ୍ ମଧ୍ୟ ଲେଖିଛନ୍ତି। ସେ ଲେଖିଛନ୍ତି “ଏହା ଘଟିଲା। ଏହାକୁ ଟାଇପ୍ କରିବା ସମୟରେ ମୋ ଆଖିରେ ଖୁସିର ଲୁହ ଥିଲା। ମୋର ପ୍ରଥମ ଲାଇଭ୍ ପ୍ରଦର୍ଶନ ଗତକାଲି ରାତିରେ ଥିଲା ଯାହାକୁ ମୁଁ ବହୁତ ଚାହୁଁଥିଲି । ଆପଣ ଦେଇଥିବା ଭଲପାଇବା ପାଇଁ ସମସ୍ତଙ୍କୁ ଧନ୍ୟବାଦ, ଏହା ମୋ ପାଇଁ ବହୁତ ମୂଲ୍ୟବାନ।"