ପ୍ରମୁଖ ଖବର
  • ଅଯୋଧ୍ୟାରେ ରାମଲାଲାଙ୍କ ସୂର୍ଯ୍ୟତିଳକ, ଦିବ୍ୟ ରୂପ ଦେଖି ଭକ୍ତିରେ ବିଭୋର ହେଲେ ଶ୍ରଦ୍ଧାଳୁ
  • ||
  • ଦିନ ସାଢେ ୧୧ଟାରେ ୪୦ ଡିଗ୍ରୀ ଛୁଇଁଲା ତାପମାତ୍ରା, ବାଲେଶ୍ଵରରେ ସର୍ବାଧିକ ରେକର୍ଡ
  • ||
  • ଭୁବନେଶ୍ୱର : ପ୍ରଚଣ୍ଡ ଗ୍ରୀଷ୍ମପ୍ରବାହ ଯୋଗୁଁ ୩ ଦିନ ସ୍କୁଲ ଛୁଟି
  • ||
  • ମୁମ୍ୱାଇ: ଶୋଇବା ଅଧିକାର ମୌଳିକ ଆବଶ୍ୟକତା, ରାତି ଅଧରେ ଜେରା କରିବାରୁ ଇଡିକୁ ହାଇକୋର୍ଟ ନୋଟିସ୍‌
  • ||
  • ନୂଆଦିଲ୍ଲୀ : ଦ୍ୱିତୀୟ ପର୍ଯ୍ୟାୟ ଲୋକସଭା ନିର୍ବାଚନ: ୧୬୭ ଜଣଙ୍କ ବିରୋଧରେ ସଙ୍ଗିନ ମାମଲା, କଂଗ୍ରେସର ଭେଙ୍କଟରମଣ ସବୁଠୁ ଧନୀ
  • ||
  • ଭୁବନେଶ୍ୱର : ପିସିସି ପ୍ରଚାର କମିଟି ବୈଠକ, ୨୮ରେ ଓଡ଼ିଶା ଆସିବେ ରାହୁଲ ଗାନ୍ଧି
  • ||
  • ଆଇପିଏଲ୍‌ରେ ଆଜି ଦିଲ୍ଲୀ ଓ ଗୁଜୁରାଟ ମଧ୍ୟରେ ଟକ୍କର, ଅହମ୍ମଦାବାଦରେ ହେବ ମୁକାବିଲା
  • ||
  • ଦୁବାଇରେ ବର୍ଷାର ପ୍ରକୋପ, ଚାରିଆଡେ ଖାଲି ପାଣି ପାଣି, ଓମାନରେ ଚାଲିଗଲା ୧୮ ଜୀବନ
  • ||
  • ଭୁବନେଶ୍ଵର : ଅସହ୍ୟ ତାତି ଓ ଗୁଳୁଗୁଳିରେ ସିଝୁଛି ରାଜ୍ୟ, ୪ ଦିନ ପ୍ରଚଣ୍ଡ ଗ୍ରୀଷ୍ମପ୍ରବାହ, ୧୮ ଓ ୧୯ରେ ୪୫ ଡିଗ୍ରୀ ଛୁଇଁବ
  • ||
  • ଭୁବନେଶ୍ଵର : ଆଜି ପବିତ୍ର ରାମନବମୀ, ପ୍ରାଣ ପ୍ରତିଷ୍ଠା ପରେ ଅଯୋଧ୍ୟାରେ ପ୍ରଥମ ରାମନବମୀ, ଆସିବେ ୨୫ ଲକ୍ଷ ଶ୍ରଦ୍ଧାଳୁ
  • ||

ନିର୍ବାଚନ ଲଢ଼ିବେ ନାହିଁ ପଶୁପତି ପାରସ, ଏନଡିଏ ପ୍ରାର୍ଥୀଙ୍କ ଲାଗି କରିବେ ପ୍ରଚାର

Image Courtesy: amarujala

ପାଟନା: ବିହାରରେ ବିଜେପି ଲାଗି ଆଶ୍ବସ୍ତିର ଖବର ଆସିଛି । ଏନଡିଏ ନେତାଙ୍କ ସହ ଆଲୋଚନା ପରେ ନାରାଜ ଥିବା ଆରଏଲଜେପି ସୁପ୍ରିମୋ ପଶୁପତି ପାରସ ନିର୍ବାଚନ ଲଢ଼ିବେ ନାହିଁ ବୋଲି ଘୋଷଣା କରିଛନ୍ତି । ବିହାରର ୪୦ଟି ଲୋକସଭା ଆସନରେ ଏନଡିଏ ପ୍ରାର୍ଥୀଙ୍କ ଲାଗି ପଶୁପତି ପ୍ରଚାର କରିବେ । କିଛି ଦିନ ପୂର୍ବରୁ ପଶୁପତି ପାରସ ହାଜିପୁରରୁ ନିର୍ବାଚନ ଲଢ଼ିବେ ବୋଲି ଜିଦ ଧରିଥିଲେ କିନ୍ତୁ ଏବେ ସବୁକିଛି ଠିକ୍‌ ହୋଇଯାଇଛି । ପଶୁପତି ପାରସ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ମୋଦିଙ୍କ ସହ ଫଟୋ ସେୟାର କରି ଲେଖିଛନ୍ତି, ଏଲଜେପି ଏନଡିଏର ଅଭିନ୍ନ ଅଙ୍ଗ । 

ପ୍ରଧାନମନ୍ତ୍ରୀ ମୋଦି ଆମର ବି ନେତା । ତାଙ୍କର ନିର୍ଣ୍ଣୟ ସର୍ବୋପରି । ମୋଦିଙ୍କ ନେତୃତ୍ବରେ ଏନଡିଏ ଦେଶରେ ୪୦୦ରୁ ଅଧିକ ଆସନରେ ବିଜୟୀ ହୋଇ ତୃତୀୟ ଥର ସରକାର କରିବ । ଏହା ସହ ପାରସ୍‌ ନିଜ ଏକ୍ସ ବାୟୋରେ ମୋଦି କା ପରିବାର ଟ୍ୟାଗ ବି ଆଡ୍‌ କରିଛନ୍ତି । ତେବେ ଚିରାଗ ପାସଓ୍ବାନଙ୍କ ପାର୍ଟିକୁ ୫ଟି ଲୋକସଭା ଆସନ ମିଳିଥିବା ବେଳେ ତାଙ୍କୁ ଗୋଟିଏ ବି ଆସନ ନମିଳିବାରୁ ନାରାଜ ଥିଲେ ପଶୁପତି ପାରସ । ଏହାକୁ ନେଇ ସେ କେନ୍ଦ୍ରମନ୍ତ୍ରୀ ପଦରୁ ଇସ୍ତଫା ଦେଇଥିଲେ । ଆସନ ବୁଝାମଣା ସମୟରେ ତାଙ୍କ ସହ ଆଲୋଚନା କରାଯାଇ ନଥିଲା ବୋଲି ମଧ୍ୟ ଅଭିଯୋଗ କରିଥିଲେ ପଶୁପତି ପାରସ । 

କେନ୍ଦ୍ରମନ୍ତ୍ରୀ ପଦରୁ ଇସ୍ତଫା ଦେବା ପରେ ପଶୁପତି ପାରସ ଇଣ୍ଡି ମେଣ୍ଟରେ ସାମିଲ ହୋଇପାରନ୍ତି ବୋଲି ଚର୍ଚ୍ଚା ହୋଇଥିଲା । ବିହାରରେ ବିଜେପି ୧୭ଟି ଆସନରେ ନିର୍ବାଚନ ଲଢ଼ିବାକୁ ଥିବା ବେଳେ ଜେଡିୟୁ ୧୬, ଚିରାଗ ପାସଓ୍ବାନ ୫ଟି ଆସନରେ ନିର୍ବାଚନ ଲଢ଼ିବ । ସେହିଭଳି ଜୀତନ ରାମ ମାଞ୍ଝୀଙ୍କ ଦଳର ଗୋଟିଏ ଏବଂ ଉପେନ୍ଦ୍ର କୁଣବାହଙ୍କ ରାଷ୍ଟ୍ରୀୟ ଲୋକ ଜନତା ଦଳ ଗୋଟିଏ ସିଟ୍‌ରେ ପ୍ରାର୍ଥୀ ଦେବ । 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.