ଭୁବନେଶ୍ୱର,୧୨/୦୮:  ଯୁକ୍ତ ୨ ଦ୍ୱିତୀୟ ପର୍ଯ୍ୟାୟ ନାମଲେଖା ଶେଷ ହୋଇଛି । ସୋମବାର ଠାରୁ ସ୍ପଟ୍‌ ନାମଲେଖା ପାଇଁ ଚଏସ୍‌ ଲକିଂ ଆରମ୍ଭ ହେବ । ୧୪ ତାରିଖ ମଧ୍ୟରେ  ସ୍ପଟ୍‌ ନାମଲେଖା ପାଇଁ ଏହି ଚଏସ୍‌  ଲକିଂ କରିପାରିବେ ଛାତ୍ରଛାତ୍ରୀ ।  ୨୦ ତାରିଖ ପୂର୍ବାହ୍ନ ୧୧ଟାରେ ସ୍ପଟ୍‌  ନାମଲେଖା ପାଇଁ ମେଧା ତାଲିକା  ପ୍ରକାଶ ପାଇବ । ଏଥିରେ ଚୟନ  ହୋଇଥିବା ଶିକ୍ଷାର୍ଥୀମାନେ ୨୨ରୁ  ୨୮ ତାରିଖ ମଧ୍ୟରେ ନାମଲେଖାଇ  ପାରିବେ । 

ସୂଚନାଯୋଗ୍ୟ, ଦ୍ୱିତୀୟ  ପର୍ଯ୍ୟାୟ ଶେଷ ସୁଦ୍ଧା ୩ ଲକ୍ଷ  ୮୨ହଜାର ୨୨୮ଜଣ ଛାତ୍ରଛାତ୍ରୀ  ନାମଲେଖାଇଛନ୍ତି । ସମୁଦାୟ ୫ଲକ୍ଷ ୪୭ହଜାର ୯୯୩ଟି ସିଟ୍‌ ଥିବା ବେଳେ  ଆହୁରି ୧ଲକ୍ଷ ୬୫ହଜାର ୭୬୫ଟି  ସିଟ୍‌ ଖାଲି ରହିଛି । କଳାରେ ପ୍ରାୟ ୬୨  ହଜାର ୨୧୦, ବିଜ୍ଞାନରେ ୭୨ହଜାର  ୧୫୫, ବାଣିଜ୍ୟରେ ୧୯ହଜାର ୨୦୭,  ସଂସ୍କୃତରେ ୬,୦୪୬ ଏବଂ ଧନ୍ଦାମୂଳକ  ଶିକ୍ଷାରେ ୬,୧୪୭ ସିଟ୍‌ ଖାଲି ରହିଛି ।