ଭୁବନେଶ୍ଵର, ୨୪/୦୫ : ଭୋଟ ପୂର୍ବରୁ ପୋଲିସର ଜିରୋ ଟୋଲରାନ୍ସ ନୀତି। ସନ୍ଧ୍ୟାରୁ ସକାଳ ଯାଏ ଚାଲିଲା ସ୍ପେସାଲ୍ ଡ୍ରାଇଭ୍। ଗଳିକନ୍ଦିରେ ପାଟ୍ରୋଲିଂ ସହ ସନ୍ଦିଗ୍ଧ ଓ ମଦ୍ୟପଙ୍କୁ ଗୋଡାଇ ଗୋଡାଇ ଧରିଲା ପୋଲିସ।
ଦିନକ ପରେ ଭୋଟ ଦେବେ ରାଜଧାୀବାସୀ। ଏଥିପାଇଁ ସନ୍ଧ୍ୟାରୁ ସକାଳ ପର୍ଯ୍ୟନ୍ତ ପୁଲିସ୍ କରିଛି ସ୍ପେସାଲ୍ ଡ୍ରାଇଭ୍। ବିଳମ୍ବିତ ରାତିରେ ବିଭିନ୍ନ ସ୍ଥାନରେ ପୁଲିସ୍ ପକ୍ଷରୁ କରାଯାଇଛି ଜୋରଦାର ପାଟ୍ରୋଲିଂ। ରାଜରାସ୍ତାର ବିଭିନ୍ନ ଛକରେ ଉଭୟ ଟ୍ରାଫିକ ଏବଂ ଜେନେରାଲ ପୁଲିସ୍ ବ୍ଲକିଂଚେକିଂ କରି ମଦ୍ୟପ ଚାଳକଙ୍କ ଗାଡ଼ି ସିଜ୍ କରିବା ସହ ଗାଡିରୁ ମଦ ଜବତ କରିଛି । ଅନ୍ୟପଟେ ସ୍ପେଶାଲ ମୋବାଇଲ୍ ଭ୍ୟାନ ଦ୍ଵାରା ରାଜଧାନୀର ସମ୍ବେଦନଶୀଳ ବୁଥ୍ ଏବଂ ଏହାର ଆଖପାଖ ଅଞ୍ଚଳର ଗତିବିଧି ଉପରେ ନଜର ରଖିବା ସହ ଲୋକଙ୍କୁ ଘରେ ରହିବାକୁ ପରାମର୍ଶ ଦେଇଛି। ସବୁ ସ୍ଥାନରେ ଚେକିଂ କଡ଼ାକଡ଼ି କରାଯାଇଛି। ସେହିପରି ବସ୍ତି ଅଞ୍ଚଳରେ ସନ୍ଦିଗ୍ଧ ପରି ବୁଲୁଥିବା ଲୋକଙ୍କୁ ଉଠାଇ ନେଇ ଅଟକ ରଖିଛି ପୋଲିସ୍।