ନୂଆଦିଲ୍ଲୀ,୭/୨ : ଅଭିନେତ୍ରୀ ଏବଂ ମଡେଲ ପୁନମ ପାଣ୍ଡେ ସରକାରଙ୍କ ସର୍ବାଇକଲ କ୍ୟାନ୍ସର କ୍ୟାମ୍ପେନର ଚେହେରା ହୋଇପାରନ୍ତି । ଗତ କିଛି ଦିନ ହେବ ପୁନମ ପାଣ୍ଡେ ମୃତ୍ୟୁର ମିଛ ନାଟକ କରିବାକୁ ନେଇ ଚର୍ଚ୍ଚାରେ ଅଛନ୍ତି । ପିଟିଆଇର ଖବର ଅନୁସାରେ ପୁନମ ପାଣ୍ଡେ ଏବଂ ତାଙ୍କ ଟିମ୍ର କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ସହ ଆଲୋଚନା ଚାଲିଛି । ପୁନମ ପାଣ୍ଡେ ସରକାରଙ୍କ ସର୍ବାଇକଲ କ୍ୟାନ୍ସରକୁ ନେଇ ଚାଲୁଥିବା ସଚେତନତା କାର୍ଯ୍ୟକ୍ରମର ବ୍ରାଣ୍ଡ ଆମ୍ବାସଡର ହୋଇପାରନ୍ତି ।
ଚଳିତ ମାସ ଆରମ୍ଭରୁ ପୁନମ ପାଣ୍ଡେଙ୍କ ଅଫିସିଆଲ ଇଷ୍ଟାଗ୍ରାମ ଆକାଉଣ୍ଟରେ ତାଙ୍କ ପିଆର ଟିମ୍ ଅଭିନେତ୍ରୀଙ୍କ ମୃତ୍ୟୁର ମିଛ ଖବର ପୋଷ୍ଟ କରିଥିଲେ । ପୋଷ୍ଟରେ କୁହାଯାଇଥିଲା କି ସର୍ବାଇକଲ କ୍ୟାନ୍ସର କାରଣରୁ ଅଭିନେତ୍ରୀଙ୍କ ମୃତ୍ୟୁ ହୋଇଛି । ଅଭିନେତ୍ରୀଙ୍କ ଅଚାନକ ରୋଗ କାରଣରୁ ମୃତ୍ୟୁର ଖବର ସମସ୍ତଙ୍କୁ ଆଶ୍ଚର୍ଯ୍ୟରେ ପକାଇ ଦେଇଥିଲା । କିନ୍ତୁ ଆଗାମୀ ଦିନ ଜଣାପଡ଼ିଥିଲା କି ଏହି ଖବର ମିଥ୍ୟା ଥିଲା ଏବଂ ପୁନମ ସର୍ବାଇକଲ କ୍ୟାନ୍ସର ବିଷୟରେ ସଚେତନତା ଲାଗି ଷ୍ଟଣ୍ଟ କରିଥିଲେ ।