ମୁମ୍ବାଇ ୧୭/୦୩: ଗତ ଶୁକ୍ରବାର ବିବାହ ବନ୍ଧନରେ ବାନ୍ଧି ହୋଇଛନ୍ତି ବଲିଉଡ୍ର ଚର୍ଚ୍ଚିତ ଯୋଡ଼ି ପୁଲକିତ ସମ୍ରାଟ ଓ କୃତି ଖରବନ୍ଦା । ଶନିବାର ଅର୍ଥାତ୍ ଗତ ୧୬ ତାରିଖ ଉଭୟ ବିବାହର ଫଟୋ ଶେୟାର କରିଛନ୍ତି । କୃତି ଗୋଲାପି ରଙ୍ଗର ଲେହେଙ୍ଗା ପିନ୍ଧିଥିଲେ । ପୁଲକିତ ଇଷତ୍ ସବୁଜ ରଙ୍ଗର ଶେରୱାନି ପିନ୍ଧିଥିଲେ । କୃତି ସୋସିଆଲ ମିଡିଆରେ ଫଟୋ ଶେୟାର କରି ଲେଖିଛନ୍ତି ‘ନୀଳ ଆକାଶରୁ ସକାଳର କାକର ପର୍ଯ୍ୟନ୍ତ, ଭଲମନ୍ଦ ମଧ୍ୟରେ କେବଳ ତୁମେ । ଆରମ୍ଭରୁ ଶେଷ ପର୍ଯ୍ୟନ୍ତ, ସବୁ ଏବେ ଓ ସବୁ ସେବେରେ, ଯେତେବେଳେ ମୋ ହୃଦୟ ଅଲଗା ପ୍ରକାର ସ୍ପନ୍ଦିତ ହୁଏ.. ତାହା ତୁମେ । ନିରନ୍ତର, ଲଗାତାର, ତୁମେ ।’
୨୦୧୮ ମସିହାରେ ମୁକ୍ତିପ୍ରାପ୍ତ ‘ବୀରେ କି ୱେଡିଂ’ରେ କୃତି-ପୁଲକିତ ଏକାଠି କାମ କରିଥିଲେ । ଏହା ପରେ କମେଡି ଫିଲ୍ମ ‘ପାଗଲପନ୍ତି’ ଏବଂ ‘ତାଇଶ’ରେ ମଧ୍ୟ ଉଭୟ ନଜର ଆସିଥିଲେ । ହିନ୍ଦୀ, ତାମିଲ ଓ ତେଲୁଗୁ ଫିଲ୍ମରେ କୃତି କାମ କରିଛନ୍ତି । ‘ହାଉସ୍ଫୁଲ-୪’ ଓ ‘୧୪ ଫେରେ’ରେ ସେ ନଜର ଆସିଛନ୍ତି । ପୁଲକିତ ‘ଫୁକ୍ରେ’ ସିରିଜ୍ରେ ଅଭିନୟ କରିଛନ୍ତି । ଏଥିସହ ‘ଡଲି କି ଡୋଲି’, ‘ବଙ୍ଗିସ୍ତାନ୍’, ‘ସନମ୍ ରେ’, ‘ଜୁନୁନିୟତ୍’ ଓ ‘ହାଥୀ ମେରେ ସାଥୀ’ ଫିଲ୍ମରେ ସେ କାମ କରିଛନ୍ତି । ଏକତା କପୁରଙ୍କ ଟିଭି ଧାରାବାହିକ ‘କୁଁ୍ୟକି ସାସ୍ ଭି କଭି ବହୂ ଥି’ରେ ମଧ୍ୟ ସେ ନଜର ଆସିଥିଲେ ।
