ନୂଆଦିଲ୍ଲୀ,୮।୬: ଲୋକସଭା ନିର୍ବାଚନର ଫଳାଫଳ ପରେ ଏବେ ସ୍ପଷ୍ଟ ହୋଇଯାଇଛି ଯେ, ଏଥର ଏନ୍ଡିଏର ସରକାର ଗଠନ ହେବାକୁ ଯାଉଛି। ଶନିବାର କଂଗ୍ରେସର ଓ୍ବାର୍କିଂ କମିଟି ଓ କଂଗ୍ରେସ ସଂସଦୀୟ ଦଳ ନେତାଙ୍କ ବୈଠକ ଚାଲିଛି। ବୈଠକରେ ନବ ନିର୍ବାଚିତ ସାଂସଦ ଯୋଗ ଦେଉଛନ୍ତି।ସୋନିଆ ଗାନ୍ଧୀ, ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ ଭଦ୍ରା ଓ ମାଲିକାର୍ଜୁନ ଖଡଗେ ଏଥିରେ ଯୋଗ ଦେଇଛନ୍ତି। ଅଧିକାଂଶ ସାଂସଦ ଚାହୁଁଛନ୍ତି ଯେ, ଏଥର ରାହୁଲ ବିରୋଧି ଦଳ ନେତା ହୁଅନ୍ତୁ।
ଏଥର ସବୁଠାରୁ ବଡ ବିରୋଧି ଦଳ ହୋଇଥିବାକୁ କଂଗ୍ରେସ ନେତାଙ୍କୁ ବିରୋଧି ଦଳ ନେତା ମାନ୍ୟତା ଦିଆଯିବ କଂଗ୍ରେସ ଏହି ନିର୍ବାଚନରେ ୯୯ ସିଟ୍ ଜିତିଛି ଓ ବିରୋଧି ନେତା ହେବା ପାଇଁ ସବୁଠାରୁ ବଡ ବିରୋଧି ଦଳ ପାଖରେ ଅତି କମ୍ରେ ମୋଟ୍ ସିଟ୍ର ୧୦% ଅର୍ଥାତ ୫୫ ସିଟ୍ ରହିବା ଦରକାର। ଏବେ ଏହି ପଦ ପାଇଁ କଂଗ୍ରେସ ନେତା ରାହୁଲ ଗାନ୍ଧୀ ସବୁଠାରୁ ବଡ ଦାବିଦାର। ପାର୍ଟି ଭିତରେ ଚର୍ଚ୍ଚା ହେଉଛି ରାହୁଲଙ୍କୁ ବିରୋଧି ଦଳ ନେତା ଦାୟିତ୍ବ ଦିଆଯିବା ଦରକାର।
କଂଗ୍ରେସର ବରିଷ୍ଠ ନେତା ଓ ରାଜ୍ୟସଭା ସାଂସଦ ପ୍ରମୋଦ ତିଓ୍ବାରୀ ଫଳାଫଳ ଆସିବା ପରେ କହିଥିଲେ, ଆମେ କହିବାକୁ ଚାହୁଁଛୁ ଯେ, ରାହୁଲ ଗାନ୍ଧୀ ସଂସଦରେ ବିରୋଧି ଦଳ ନେତା ଦାୟିତ୍ବ ଗ୍ରହଣ କରିଛନ୍ତି। ସେଭଳି ସିଡ୍ଲୁସି ବୈଠକ ପାଇଁ ଦିଲ୍ଲୀ ପହଁଞ୍ଚିଥିବା କଂଗ୍ରେସ ସାଂସଦ ଡିନ୍ କରିୟାକୋସ୍ କହିଛନ୍ତି, ରାହୁଲଙ୍କୁ ବିରୋଧି ଦଳ ନେତା ହେବା ଦରକାର। ସେଭଳି ସିଡବ୍ଲୁସି ବୈଠକ ପୂର୍ବରୁ ରାହୁଲଙ୍କୁ ବିରୋଧି ଦଳ ନେତା କରିବାକୁ ଦାବି ହୋଇଛି। ଦିଲ୍ଲୀରେ ରାହୁଲ-ପ୍ରିୟଙ୍କା ସେନା ଅଧ୍ୟକ୍ଷ ଜଗଦୀଶ ଶର୍ମା ପ୍ରଦର୍ଶନ କରୁଛନ୍ତି। ସେ କହିଛନ୍ତି, ମୁଁ ଓ ସବୁ କଂଗ୍ରେସ ନେତା ବିରୋଧ ନେତା ଚାହୁଁ ଯେ, ରାହୁଲ ଲୋକସଭାରେ ବିରୋଧି ଦଳ ନେତା ହୁଅନ୍ତୁ। ଲୋକସଭାରେ ମୋଦିଙ୍କ ଗ୍ୟାରେଣ୍ଟିର ପୋଲ୍ ରାହୁଲ ଖୁବ୍ ଦମଦାର ଭାବରେ ଖୋଲି ପାରିବେ।’