ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧୀ ଅନ୍ୟ ପଛୁଆ ବର୍ଗ (ଓବିସି)କୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପୁଣି ଥରେ ଟାର୍ଗେଟ କରିଛନ୍ତି । ସେ କହିଛନ୍ତି ଯେ, ଯଦି ରାଜସ୍ଥାନରେ କଂଗ୍ରେସ ସରକାର ଗଠନ ହୁଏ, ତେବେ ଜାତିଗତ ସର୍ଭେ ହେବ ଏବଂ ଯଦି କେନ୍ଦ୍ରରେ ସରକାର ଗଠନ ହୁଏ ତେବେ ଜାତିଗତ ଜନଗଣନା କରାଯିବ ।
କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଗୁରୁବାର ରାଜସ୍ଥାନର ନୋହରରେ ଏକ ନିର୍ବାଚନ ରାଲି କରୁଥିବା ବେଳେ କହିଛନ୍ତି ଯେ, ମୁଁ ସଂସଦରେ ଏକ ଭାଷଣ ଦେଇଥିଲି । ଏଥିରେ ମୁଁ କହିଥିଲି ଏକ ଜନଗଣନା ହେବା ଉଚିତ୍ । ମୋର ପ୍ରଶ୍ନ ହେଉଛି ଦେଶରେ ଓବିସି ବର୍ଗର କେତେ ଲୋକ ଅଛନ୍ତି ? ଏହା କେହି କହିପାରିବେ ନାହିଁ, କାରଣ ଏହା ଏକ ଷଡଯନ୍ତ୍ର । ଆପଣଙ୍କୁ ଏମାନେ (କେନ୍ଦ୍ର ସରକାର) ସଠିକ ଜନସଂଖ୍ୟା ଲୁଚାଇ ରଖିଛନ୍ତି । ଅତି କମ୍ରେ ଓବିସିଙ୍କ ସଂଖ୍ୟା ଦେଶରେ ୫୦ ପ୍ରତିଶତ ।
ସୂଚନାଥାଉକି, ନିକଟରେ ରାହୁଲ ଗାନ୍ଧୀ ପିଏମ ମୋଦୀଙ୍କ ଉପରେ ଆକ୍ରମଣ କରି କହିଥିଲେ ଯେ, ଏମାନେ ଓବିସି ମାନଙ୍କ ପାଇଁ କୌଣସି କାମ କରିନାହାଁନ୍ତି । ଏଭଳି ସ୍ଥଳେ ପିଏମ ମୋଦୀ କହିଥିଲେ ଯେ, ଏମାନେ ସମାଜକୁ ଭାଗ କରିବାକୁ ଚାହୁଁଛନ୍ତି ।
VIDEO | "What is the population of OBCs in this country? No one can tell, because there is a reason. There's a conspiracy, they do not want to tell you about your real population. The OBC population in this country is at least 50 per cent," says Congress leader @RahulGandhi… pic.twitter.com/JWN9f2CuTm
— Press Trust of India (@PTI_News) November 16, 2023
