ନୂଆଦିଲ୍ଲୀ,୧୧।୫: ଜେଡିଏସ୍ ସାଂସଦ ପ୍ରଜ୍ବଳ ରେଭନ୍ନାଙ୍କ ବିରୋଧରେ ଯୌନ ନିର୍ଯାତନା ମାମଲା ନେଇ ତୃତୀୟ ମାମଲା ରୁଜୁ ହୋଇଛି। ଜଣେ ମହିଳା ସିଆଇଡିର ସାଇବର କ୍ରାଇମ୍ ପୋଲିସ ଷ୍ଟେସନ୍ରେ ତାଙ୍କ ବିରୋଧରେ ଅଭିଯୋଗ କରିଛନ୍ତି। ସୁତ୍ରରୁ ମିଳିଥିବା ସୂଚନା ଅନୁସାରେ, ମହିଳା ଜଣକ ଅଭିଯୋଗ କରିଛନ୍ତି ଯେ, ପ୍ରଜ୍ବଳ ବହୁବାର ତାଙ୍କ ସହିତ ଦୁଷ୍କର୍ମ କରିଛନ୍ତି। ଉଲ୍ଲେଖନୀୟ ଯେ, ଅଭିଯୋଗକାରୀ ଏକ ଭାଇରାଲ ଭିଡିଓରେ ସାମନାକୁ ଆସିଛନ୍ତି।
ଆଇପିସିର ଧାରା ୩୭୬(୨)(ଏନ୍), ୩୭୬(୨) (କେ),୩୫୪(ଏ),୩୫୪(ବି), ୩୫୪(ସି) ଓ ୫୦୬ ଅନୁସାରେ ମାମଲା ରୁଜୁ କରାଯାଇଛି। ଏହି ମାମଲାର ବାରମ୍ବାର ଦୁଷ୍କର୍ମ, ଭିଡିଓ କରିବା, ଯୌନ ସମ୍ପର୍କ ରଖିବାର ଦାବି କରିବା, କପଡା ଟାଣିବା ଓ ଧମକ ଦେବା ଆଦି ରହିଛି। ତେବେ ଏସଆଇଟି ଅଭିଯୋଗକାରୀ ମହିଳାଙ୍କ ପରିଚୟ ଦେବାକୁ ମନା କରିଛି।
ଏସଆଇଟି ସୁତ୍ର ଅନୁସାରେ, ପ୍ରଜ୍ବଳଙ୍କ ବିରୋଧରେ ୮ ମଇରୁ ବେଙ୍ଗାଲୁରରେ ଏଫଆଇଆର ରୁଜୁ କରାଯାଇଥିଲା। ପ୍ରଜ୍ବଳଙ୍କ ଦ୍ବାରା କଥିତ ଭାବରେ ବହୁ ମହିଳାଙ୍କୁ ଯୌନ ଶୋଷଣ ଓ ଆପତ୍ତିଜନକ ଭିଡିଓ ସାର୍ବଜନିକ ହେବାପରେ ତଦନ୍ତ ପାଇଁ ଏସଆଇଟି ଗଠନ କରାଯାଇଥିଲା। ପ୍ରଜ୍ବଳ ପୂର୍ବତନ ପ୍ରଧାନମନ୍ତ୍ରୀ ଓ ଜେଡିଏସ୍ ସୁପ୍ରିମୋ ଏଚଡି ଦେବଗୌଡାଙ୍କ ନାତି।