ନୂଆଦିଲ୍ଲୀ: ବାବା ମହାକାଳଙ୍କ ନଗରୀ ଉଜୈନରେ ଆଜି ଠାରୁ ଦୁଇ ଦିନିଆ ରିଜଓନଲ ଇଣ୍ଡଷ୍ଟ୍ରୀ କନକ୍ଲେଭ ଆରମ୍ଭ ହୋଇଛି । ଏହି କନକ୍ଲେଭରେ ଦେଶ ଏବଂ ବିଶ୍ବର ବଡ ବଡ ଉଦ୍ୟୋଗପତି ମାନେ ସାମିଲ ହୋଇଛନ୍ତି । ଏହି ଅବସରରେ ଆଦାନୀ ଏଣ୍ଟରପ୍ରାଇଜେସ୍ ନିର୍ଦ୍ଦେଶକ ପ୍ରଣବ ଆଦାନୀ ଏହି ଶିଖର ସମ୍ମିଳନୀକୁ ନିମନ୍ତ୍ରଣ କରିଥିବାରୁ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ମୋହନ ଯାଦବଙ୍କୁ ଧନ୍ୟବାଦ ଅର୍ପଣ କରିଥିଲେ। ସେ କହିଛନ୍ତି ଯେ, ମଧ୍ୟପ୍ରଦେଶରେ ବିନିଯୋଗ କରିବାକୁ ଆଦାନୀ ଗ୍ରୁପ୍ ଉତ୍ସାହିତ, ଆମେ ଏଠାରେ ୭୫ ହଜାର କୋଟି ଟଙ୍କା ବିନିଯୋଗ କରିବୁ ଏବଂ ୫ ହଜାର କୋଟି ଟଙ୍କା ବ୍ୟୟରେ ଉଜୈନ, ଇନ୍ଦୋର ଏବଂ ଭୋପାଳକୁ ସଂଯୋଗ କରି ମହାକାଳ ଏକ୍ସପ୍ରେସ ୱେ ନିର୍ମାଣ କରିବୁ । ଭଣ୍ଡ, ବୁରହାନପୁର, ଟିକାମଗଡ, ଅଲିଜାପୁରରେ ବିକାଶ ହେବ । ଏଥି ସହ ସେ କହିଛନ୍ତି ଯେ ମୋହନ ଯାଦବ ସରକାର ସହାୟକ ହେଉଥିବା ବହୁ-କ୍ଷେତ୍ରୀୟ ନୀତି ଯୋଜନା ଏବଂ ସଂସ୍କାର ଉପରେ ଗୁରୁତ୍ୱ ଦେଉଛନ୍ତି, ଏହା ସ୍ପଷ୍ଟ ଯେ ମଧ୍ୟପ୍ରଦେଶରେ ଦ୍ରୁତ ଗତିରେ ସମ୍ଭାବନା ସୃଷ୍ଟି ହେଉଛି । 

ମଧ୍ୟପ୍ରଦେଶରେ ପୁଞ୍ଜି ବିନିଯୋଗ ପ୍ରତିଶ୍ରୁତି ଦୋହରାଇ ପ୍ରଣବ ଆଦାନୀ କହିଛନ୍ତି ଯେ, ଏହି ଗୋଷ୍ଠୀ ରାଜ୍ୟରେ ପୁଞ୍ଜି ବିନିଯୋଗକୁ ଦ୍ୱିଗୁଣିତ କରିବାକୁ ଚାହୁଁଛି । ମହାକାଳ ଏକ୍ସପ୍ରେସୱେ ନିର୍ମାଣ ପାଇଁ ୫ ହଜାର କୋଟି ଟଙ୍କା ବିନିଯୋଗ ହେବ। ଇନ୍ଧନ ବଣ୍ଟନ ବ୍ୟବସାୟରେ ୨୧ ଶହ କୋଟିରୁ ଅଧିକ ଟଙ୍କା ବିନିଯୋଗ ହେବ । ଆଦାନୀ ଗୋଷ୍ଠୀ ରାଜ୍ୟକୁ ଅକ୍ଷୟ ଶକ୍ତି ଉପରେ ଅଧିକ ନିର୍ଭରଶୀଳ କରିବାକୁ ଯୋଜନା କରିଛି । ପମ୍ପ-ଷ୍ଟୋରେଜ୍ ପ୍ରକଳ୍ପ ସ୍ଥାପନ ପାଇଁ ଆଦାନୀ ଗ୍ରୁପ୍ ୨୮ ହଜାର କୋଟି ଟଙ୍କା ବିନିଯୋଗ କରିବ । ସିଗ୍ରାଉଲି ପ୍ଲାଣ୍ଟରେ ବିଦ୍ୟୁତ୍ କ୍ଷମତା ବୃଦ୍ଧି ପାଇଁ ୩୦ ହଜାର କୋଟି ଟଙ୍କା ବିନିଯୋଗ ହେବ । ପ୍ରଣବ ଆଦାନୀ କହିଛନ୍ତି ଯେ ଏହି ପ୍ରୟାସ ଯୋଗୁଁ ମଧ୍ୟପ୍ରଦେଶରେ ୧୧ ହଜାର ନିଯୁକ୍ତି ସୁଯୋଗ ସୃଷ୍ଟି ହେବ । 

ପ୍ରଣବ ଆଦାନୀ କହିଛନ୍ତି ଯେ ମଧ୍ୟପ୍ରଦେଶକୁ ଭାରତର ମୁଖ୍ୟ ରାଜ୍ୟ କରିବାକୁ ହେବ। ମଧ୍ୟପ୍ରଦେଶ ଦେଶର ହୃଦୟ ଏବଂ ଭବିଷ୍ୟତ କେବଳ ମଧ୍ୟପ୍ରଦେଶର ଅଟେ । ଏହି ରାଷ୍ଟ୍ରକୁ ଗୌରବର ଶିଖରକୁ ନେବାକୁ ପ୍ରଧାନମନ୍ତ୍ରୀ ମୋଦୀ କଠିନ ପରିଶ୍ରମ କରୁଛନ୍ତି। ଏହି ସଂକଳ୍ପ ପୂରଣ କରିବାକୁ ମଧ୍ୟପ୍ରଦେଶ ସିଏମ୍ ମୋହନ ଯାଦବଙ୍କ ନେତୃତ୍ୱ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି ।