ନୂଆଦିଲ୍ଲୀ,୯।୧୧: ଗତ ୬୨୪ ଦିନ ହେବ ଋଷ ଓ ୟୁକ୍ରେନ୍ ଭିତରେ ଯୁଦ୍ଧ ଜାରି ରହିଛି। ସଂଘର୍ଷ ଲମ୍ବା ହେବା କାରଣରୁ ଋଷ ଏବେ ଖରାପ ସ୍ଥିତିରେ ରହିଛି। ସେ ନିଜର ସେନା ଉପକରଣକୁ ପୁଣିଥରେ ହାସଲ କରିବାର ଚେଷ୍ଟାରେ ପୂର୍ବତନ ପ୍ରତିରକ୍ଷା ସହଯୋଗୀଙ୍କ ଆଡକୁ ଯାଉଛି। ଏବେ ମସ୍କୋ ବିଶେଷ ଭାବରେ ଭାରତର ପଡୋଶୀ ଦେଶ ପାକିସ୍ତାନ ଉପରେ ଧ୍ୟାନ କେନ୍ଦ୍ରିତ କରିଛି, ଯିଏକି ବହୁ ବର୍ଷ ହେବ ଋଷରୁ ସେନା ଉପରକରଣ କିଣୁଛି।
ଓ୍ବାଲ୍ ଷ୍ଟ୍ରୀଟ୍ ଜର୍ଣ୍ଣାଲର ସୂଚନା ଅନୁସାରେ, ଋଷ ଇସଲାମାବାଦକୁ କହିଛି ଆମକୁ ଆମର ହେଲିକପ୍ଟର ଇଞ୍ଜିନ ଫେରାଇ ଦିଅ। ଏହା ଏମ୍ଆଇ-୩୫ଏମ୍ ହେଲିକପ୍ଟରର ଆବଶ୍ୟକୀୟ ଅଂଶ, ଯାହାର ୟୁକ୍ରେନ୍ରେ ବ୍ୟାପକ ବ୍ୟବହାର କରାଯାଉଛି। ତେବେ ପାକିସ୍ତାନୀ ବୈଦେଶିକ ମନ୍ତ୍ରଣାଳୟ ଏଭଳି ଖବରକୁ ଖଣ୍ଡନ କରିଛି ଓ କହିଛି ଋଷ ଏଭଳି କୌଣସି କଥା ଋଷ ପକ୍ଷରୁ କୁହାଯାଇନି।
ଡବ୍ଲୁଏସ୍ଜେର ରିପୋର୍ଟ ଏହା ସ୍ପଷ୍ଟ କରିଛି ଯେ, ଋଷ ୟୁକ୍ରେନ୍ ଯୁଦ୍ଧ ଭିତରେ ସାମରିକ ଚେଷ୍ଟାରେ ତୁରନ୍ତ ସହାୟତା ଖୋଜାଯାଉଛି। ଏହାକୁ ଅନ୍ତର୍ଜାତୀୟ ସାମରିକ ସଂଗଠନରୁ କଡା ଟକ୍କର ମିଳୁଛି। ଯୁଦ୍ଧ ଭିତରେ ଋଷ ପ୍ରତିରକ୍ଷା ଉଦ୍ୟୋଗ ଉପରେ ମଧ୍ୟ ବ୍ୟାପକ ପ୍ରଭାବର ସଙ୍କେତ ରହିଛି। ତେଣୁ ଋଷ ପାକିସ୍ତାନକୁ ନିଜର ହେଲିକପ୍ଟର ଇଞ୍ଜିନ ଦାବି କରିଛି।
