ନୂଆଦିଲ୍ଲୀ : ଦିଲ୍ଲୀର ଚର୍ଚ୍ଚିତ ମଦ ଦୁର୍ନୀତି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି)ର ରାଡାରକୁ ଆସିଥିବା ଅରବିନ୍ଦ କେଜ୍ରିୱାଲଙ୍କୁ ଆଉ ଏକ ଝଟକା ଲାଗିଛି। ପ୍ରଧାନମନ୍ତ୍ରୀ ମୋଦିଙ୍କ ଡିଗ୍ରୀ ମାମଲାରେ ଗୁଜରାଟ ହାଇକୋର୍ଟ ତାଙ୍କର ପୁନର୍ବିଚାର ପିଟିସନକୁ ଖାରଜ କରି ଦେଇଛନ୍ତି। ଏହାର ଅର୍ଥ କି , ତାଙ୍କୁ ୨୫ ହଜାର ଟଙ୍କା ଜୋରିମନା ଭରିବାକୁ ହେବ। କୋର୍ଟ ଶୁଣାଣି ପୂରା କରିବା ପରେ ୩୦ ସେପ୍ଟେମ୍ୱରକୁ ରାୟ ସୁରକ୍ଷିତ ରଖିଥିଲେ।
ବିଚାରପତି ବିରେନ ବୈଷ୍ଣବଙ୍କ ଖଣ୍ଡପୀଠ ଗୁରୁବାର ନିଜର ରାୟ ଶୁଣାଇ ଆମ୍ ଆଦମୀ ପାର୍ଟିର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିୱାଲଙ୍କ ପିଟିସନକୁ ଖାରଜ କରି ଦେଇଛନ୍ତି। ଏହା ପୂର୍ବରୁ କୋର୍ଟ ମାର୍ଚ୍ଚରେ କେନ୍ଦ୍ରୀୟ ସୂଚନା ଆୟୋଗର ୨୦୧୬ର ଆଦେଶକୁ ଖାରଜ କରିଦେଇ ଥିଲେ ଏବଂ କେଜ୍ରିୱାଲଙ୍କ ଉପରେ ଜୋରିମନା ଲଗେଇ ଥିଲେ। ଏହି ଆଦେଶ ପରେ ଗୁଜରାଟ ୟୁନିଭର୍ସିଟି ଉପରେ ଟିପ୍ପଣୀକୁ ନେଇ କେଜ୍ରିୱାଲ ଓ ତାଙ୍କର ସହଯୋଗୀ ସଞ୍ଜୟ ସିଂହଙ୍କୁ ମାନହାନି କେସ୍ର ମଧ୍ୟ ସାମନା କରିବାକୁ ପଡ଼ୁଛି।
ମାର୍ଚ୍ଚରେ ବିଚାରପତି ବିରେନ୍ ବୈଷ୍ଣବଙ୍କ ଖଣ୍ଡପୀଠ ଗୁଜରାଟ ୟୁନିଭର୍ସିଟି ପକ୍ଷରୁ ଦାଏର କରାଯାଇ ଥିବା ଅପିଲ ଉପରେ ସିଆଇସିର ଆଦେଶକୁ ଖାରଜ କରିଦେଇ ଥିଲେ। ସିଆଇସି ,ଗୁଜରାଟ ୟୁନିଭର୍ସିଟକୁ କହିଥିଲେ କି, ପ୍ରଧାନମନ୍ତ୍ରୀ ମୋଦିଙ୍କ ଏମଏର ଡିଗ୍ରୀ କେଜ୍ରିୱାଲ ସହ ସେୟାର କରାଯାଉ। କୋର୍ଟ କେବଳ ଡିଗ୍ରୀ ଜାରି କରିବା ଉପରେ ରୋକ୍ ଲଗେଇ ନଥିଲେ , ଏହାସହ ଦିଲ୍ଲୀ ମୁଖ୍ୟମନ୍ତ୍ରୀଙ୍କ ଉପରେ ୨୫ହଜାର ଟଙ୍କାର ଜୋରମନା ମଧ୍ୟ ଲଗେଇ ଥିଲେ।
କେଜ୍ରିୱାଲ କୋର୍ଟଙ୍କ ଆଦେଶର ସମୀକ୍ଷା ପାଇଁ ଅନୁରୋଧ କରି ଦଲିଲ ଦେଇଥିଲେ କି, ୟୁନିଭର୍ସିଟିର ଦାବିର ଓଲଟା ମୋଦିଙ୍କ ଡିଗ୍ରୀ ଅନଲାଇନ୍ ଉପଲବଧ ନାହିଁ। ୱେବସାଇଟ୍ରେ କୌଣସି ତଥ୍ୟ ଉପଲବଧ ନାହିଁ। ଅରବିନ୍ଦ କେଜ୍ରିୱାଲଙ୍କୁ ଗୁଜରାଟ ହାଇକୋର୍ଟଙ୍କୁ ଠାରୁ ଏହି ଝଟକା ଏମିତି ସମୟରେ ଲାଗିଛି , ଯେବେ ଦିଲ୍ଲୀର ଚର୍ଚ୍ଚିତ ମଦ ଘୋଟାଲାର ଇଡି ନିକଟରେ ତାଙ୍କ ସମନ କରିଥିଲେ । କେଜ୍ରିୱାଲ ଏହି ସମନକୁ ଖାରଜ କରିଦେଇ ଥିଲେ , କିନ୍ତୁ ଖୁବ୍ ଶୀଘ୍ର ତାଙ୍କୁ ଆଉ ଥର ଡକା ଯିବାକ ସମ୍ଭାବନା ରହିଛି।
