ପ୍ରମୂଖ ଖବର
  • ଅରବିନ୍ଦ କେଜ୍‌ରିଓ୍ବାଲ୍‌ଙ୍କୁ ଆଶ୍ୱସ୍ତି , ଅନ୍ତରୀଣ ଜାମିନ ପ୍ରଦାନ କଲେ ସୁପ୍ରମିକୋର୍ଟ
  • ||
  • ହେରାପଞ୍ଚମୀରେ ଆଧ୍ୟାତ୍ମିକ ପରିବେଶ: ନନ୍ଦିଘୋଷ ଭାଙ୍ଗିଲେ ମହାଲକ୍ଷ୍ମୀ, ଆଜ୍ଞାମାଳ ପାଇ ଶ୍ରୀମନ୍ଦିରକୁ ବାହୁଡ଼ିଲେ
  • ||
  • ପିଠିରେ ଯନ୍ତ୍ରଣା ଯୋଗୁଁ ଏମ୍ସରେ ଭର୍ତ୍ତି ହେଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ
  • ||
  • ଦିଲ୍ଲୀ ମଦନୀତି ସହ ମନି ଲଣ୍ଡରିଂ ମାମଲା, କେଜ୍‌ରିୱାଲଙ୍କ ପିଟିସନ ଉପରେ ସୁପ୍ରିମକୋର୍ଟରେ ଶୁଣାଣି
  • ||
  • ଆଗ ପଛ ହୋଇ ଆସିପାରେ ଦୁଇଟି ଲଘୁଚାପ: ୧୩ରୁ ବଢ଼ିବ ବର୍ଷା, ଦକ୍ଷିଣରେ ପ୍ରବଳ ଛେଚିବ
  • ||

ଥାଇଲାଣ୍ଡରେ ସମଲିଙ୍ଗୀ ବିବାହ ବୈଧ, ମାନ୍ୟତା ଦେବାରେ ଦକ୍ଷିଣପୂର୍ବ ଏସିଆର ପ୍ରଥମ ଦେଶ

ବ୍ୟାଙ୍ଗକକ୍‌, ୧୯/୦୬ : ଥାଇଲାଣ୍ଡରେ ସମଲିଙ୍ଗୀ ବିବାହକୁ ଆଇନଗତ ମାନ୍ୟତା ମିଳିଛି । ମଙ୍ଗଳବାର ଥାଇ ସଂସଦରେ ଏହି ବିଲ୍‌ ଉପରେ ଭୋଟିଂ ହୋଇଥିଲା । ସଂସଦର ୧୫୨ ସଦସ୍ୟଙ୍କ ମଧ୍ୟରୁ ୧୩୦ ଜଣ ବିଲ୍‌ ସପକ୍ଷରେ ଭୋଟ ଦେଇଥିଲେ । ୪ ଜଣ ବିରୋଧରେ ଭୋଟ ଦେଇଥିବାବେଳେ ୧୮ ଜଣ ଭୋଟିଂରୁ ବିରତ ରହିଥିଲେ । ସମଲିଙ୍ଗୀ ବିବାହକୁ ଆଇନଗତ ମାନ୍ୟତା ଦେବାରେ ଥାଇଲାଣ୍ଡ ଦକ୍ଷିଣ ପୂର୍ବ ଏସିଆର ପ୍ରଥମ ଦେଶ ହୋଇଛି । ତାଇୱାନ ଏବଂ ନେପାଳ ପରେ ଥାଇଲାଣ୍ଡ ଏପରି କରିବାରେ ଏସିଆର ତୃତୀୟ ରାଷ୍ଟ୍ର । ଏବେ ଏହି ବିଲ୍‌ରେ ରାଜା ମହା ବାଜିରାଲୋଙ୍ଗକର୍ନ ସ୍ୱାକ୍ଷର କରିବେ । ତାଙ୍କ ସହମତି ମିଳିବା ପରେ ଏହି ଆଇନ ରାଜପତ୍ରରେ ପ୍ରକାଶିତ ହେବ ଏବଂ ୧୨୦ ଦିନ ପରେ ଏହା ଲାଗୁ ହେବ । 

ରିପୋର୍ଟ ଅନୁସାରେ, ଆସନ୍ତା ଅକ୍ଟୋବର ପ୍ରାରମ୍ଭରେ ଥାଇଲାଣ୍ଡରେ ପ୍ରଥମ ସମଲିଙ୍ଗୀ ବିବାହ ହେବ ।  ଥାଇଲାଣ୍ଡରେ ଦୀର୍ଘ ୨୦ ବର୍ଷ ହେଲା ସମଲିଙ୍ଗୀ ବିବାହକୁ ବୈଧ କରିବା ପାଇଁ ଦାବି ଉଠିଆସୁଥିଲା । ଏବେ ଏହି ଆଇନ ଲାଗୁ ହେବା ପରେ ୧୮ ବର୍ଷରୁ ଅଧିକ ବୟସର କୌଣସି ବ୍ୟକ୍ତି ସମଲିଙ୍ଗୀ ବିବାହ କରିପାରିବେ । ଗତ ଫେବ୍ରୁଆରୀରେ ଥାଇ ସଂସଦରେ ଏହି ବିଲ୍‌ ଆଗତ ହୋଇଥିଲା । ହେଲେ ସେତେବେଳେ ସାଂସଦମାନେ ଏହାକୁ ଖାରଜ କରିଦେଇଥିଲେ । ଏହି ବିବାହ ସମାନତା ବିଲ୍‌ ଯେ କୌଣସି ଲିଙ୍ଗର ବିବାହ ସାଥୀଙ୍କୁ ପୂର୍ଣ୍ଣ ଆଇନଗତ, ବିତ୍ତୀୟ ଏବଂ ଚିକିତ୍ସା ଅଧିକାର ପ୍ରଦାନ କରିଥାଏ । ଏହି ବିଧେୟକ ଦ୍ୱାରା ନାଗରିକ ଏବଂ ବାଣିଜ୍ୟିକ ସଂହିତାରେ ‘ପୁରୁଷ, ମହିଳା’, ‘ସ୍ୱାମୀ, ସ୍ତ୍ରୀ’ ଭଳି ଶବ୍ଦକୁ ବଦଳାଯାଇ ‘ବ୍ୟକ୍ତି’ ଏବଂ ‘ବିବାହ ସାଥୀ’ କରାଯାଇଛି । ଥାଇଲାଣ୍ଡରେ ଏପରି ବିଲ୍‌ ପାରିତ ହେବାକୁ ନେଇ ସେଠାକାର ସମଲିଙ୍ଗୀ ଗୋଷ୍ଠୀ ଉତ୍ସବ ମନାଇଛନ୍ତି । ରାଜଧାନୀ ବ୍ୟାଙ୍ଗକକ୍‌ରେ ଏଲ୍‌ଜିବିଟିକ୍ୟୁ ଗୋଷ୍ଠୀ ଜୁନ୍‌ ଶେଷ ଆଡ଼କୁ ଏକ ବଡ଼ ରାଲି ଆୟୋଜନ କରିବେ । ଏଥିରେ ଥାଇଲାଣ୍ଡ ପ୍ରଧାନମନ୍ତ୍ରୀ ଶ୍ରେଥା ଥାବିସିନ୍‌ ମଧ୍ୟ ସାମିଲ ହେବେ ବୋଲି କୁହାଯାଇଛି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.