ନୀଳଗିରି,୮/୧୧(ଆ.ପ୍ର):ଚାରିଚକିଆ ଯାନରେ ଚାଲୁଛି ବେଆଇନ କରତକଳ।ଗାଁ ଗାଁ ବୁଲି କଟାଯାଉଛି କାଠ।ଏଭଳି ଖବର ପାଇ ନୀଳଗିରି ବନବିଭାଗ ତରଫରୁ ଅଚାନକ ଚଢ଼ାଉ କରି ବେଆଇନ କରତକଳ କୁ ଜବତ କରିବା ସହ କାଠ ମଧ୍ୟ ଜବତ କରାଯାଇଛି।

ସୂଚନାଯୋଗ୍ୟ ଗୋଟିଏ ପୁରୁଣା ଟାଟା ଏସି ଗାଡିରେ କରତକଳ ଫିଟିଙ୍ଗ ହୋଇ ଥିବା ସମୟରେ ନୀଳଗିରି ରେଞ୍ଜ ସଜନଗଡ ସେକ୍ଶନ ମାଟିଆଳି ବିଟ ଅଧୀନ ଗୁଡିବଣିଆ ଗ୍ରାମ ନିକଟସ୍ଥ ରାସ୍ତା ପାର୍ଶ୍ଵରେ ଆଜି ନୀଳଗିରି ବନବିଭାଗ ତରଫର ଅଚାନକ ଚଢଉ କରାଯାଇଥିଲା। ଏହି  ଚଢଉରେ ରେଞ୍ଜର ଆଇଶା ଏ. ନିଶା,ସଜନାଗଡ଼ ଫରେଷ୍ଟର ସରୋଜ କୁମାର ପ୍ରଧାନ,ଫରେଷ୍ଟ ଗାର୍ଡ ପ୍ରତିମା ସ, ମନୋରଞ୍ଜନ ସିଂ, ଆୟୁଷ୍ମାନ ପଣ୍ଡା ଓ ସବୁଜ ବାହିନୀ ମାନେ ସାମିଲ ଥିଲେ। ବେଆଇନ କରତ କଳର ଯନ୍ତ୍ରାଂଶ ଏବଂ ନିମ୍ବ, ଆକାଶିଆ କାଠ ଗଣ୍ଡି  ଜବତ ମଧ୍ୟ ହୋଇଛି। ଏହି କେସର ତଦନ୍ତ ଜାରି ରହିଥିବା ରେଞ୍ଜର ଆଇସା ଏ ନିଶା ପ୍ରକାଶ କରିଛନ୍ତି।