ଆଠଗଡ, ୧୪।୯ : କଟକ ଜିଲ୍ଲା ବଡ଼ମ୍ବା ଗୋପିନାଥପୁର ଟି- ସେତୁ ଉପରେ ଏକ ମଦ ବୋଝେଇ ସ୍କର୍ପିଓ ଓଲଟି ପଡିଛି। ଗାଡି ଓଲଟି ପଡିବାରୁ ୨ ଜଣ ଆହତ ହୋଇଛନ୍ତି । ଗାଡିରୁ ୧୨ ବସ୍ତା ଚୋରା ଦେଶୀ ମଦ ଜବତ କରିଛି ବଡ଼ମ୍ବା ପୋଲିସ୍ ।
ଏକ କଳା ରଙ୍ଗର ସ୍କର୍ପିଓ (ନଂ ଓଆର-୦୨-ବିଏଚ-୦୦୮୧) ଗାଡ଼ି ଗୋପିନାଥପୁର ଆଡୁ ଆସୁଥିଲା। ପୋଲିସ ଗାଡି ସ୍କର୍ପିଓ ପିଛା କରିଥିଲା। ସ୍କର୍ପିଓ ଦ୍ରୁତ ଗତିରେ ଯିବାକୁ ଚେଷ୍ଟା କରୁଥିବା ବେଳେ ଟି- ସେତୁ ଉପରେ ଓଲଟି ଯାଇଥିଲା। ଗାଡ଼ିରେ ମଧ୍ୟରେ ଥିବା ଦୁଇଜଣ ବ୍ୟକ୍ତି ଏଥିରେ ଆହତ ହୋଇଛନ୍ତି । ଘଟଣା ସ୍ଥଳରେ ବଡ଼ମ୍ବା ପୋଲିସ୍ ପହଞ୍ଚି ଦୁଇଜଣଙ୍କୁ ବଡ଼ମ୍ବା ଡାକ୍ତରଖାନାରେ ଭର୍ତ୍ତି କରିବା ସହିତ ଘଟଣାର ତଦନ୍ତ ଜାରି ରଖିଛି।
