ଅନୁଗୁଳ, ୨୯/୦୧ : ପାଲଲହଡା ଦେଇ ଯାଇଥିବା ୧୪୯ ନଂ ଜାତୀୟ ରାଜପଥ ଖମାର ଟୋଲଗେଟ୍ ନିକଟରେ ସିରଜ୍ ଦୁର୍ଘଟଣା। ପରସ୍ପର ସହ ଧକ୍କା ହୋଇ ଜଳିଗଲେ ଟ୍ରେଲର, ଟ୍ରକ୍ ଆଉ ପିକଅପ୍ ଭ୍ୟାନ୍।

ସୂଚନାନୁଯାୟୀ, ପାଲଲହଡା ଦେଇ ଯାଇଥିବା ୧୪୯ ନଂ ଜାତୀୟ ରାଜପଥ ଖମାର ଟୋଲଗେଟ୍ ନିକଟରେ ଏକ ପାଇପ୍ ବୋଝେଇ ଟ୍ରେଲର ସହ ଏକ ଟ୍ରକ୍ ମୁହାଁମୁହିଁ ଧକ୍କା ହୋଇଥିଲା। ପରେ ପଛରୁ ଏକ ପିକଅପ୍ ଭ୍ୟାନ୍ ଟ୍ରକକୁ ଧକ୍କା ଦେଇଥିଲା। ଫଳରେ ମୁଢି ବୋଝେଇ ଥିବା ପିକଅପ୍ ଭ୍ୟାନ୍‌ଟିରେ ନିଆଁ ଲାଗିଯାଇଥିଲା। ପରେ ଟ୍ରକ୍ ଓ ଟ୍ରେଲରରେ ମଧ୍ୟ ନିଆଁ ଲାଗିଯାଇଥିଲା। ସୂଚନା ପାଇ ପାଳଲହଡା ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ମଧ୍ୟ ୩ଟି ଯାକ ଗାଡି ସମ୍ପୂର୍ଣ୍ଣ ଜଳି ଯାଇଛି। ଖମାର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି I ତେବେ ସକାଳୁ ସକାଳୁ କୁହୁଡି ଯୋଗୁଁ ଏଭଳି ଦୁର୍ଘଟଣା ହୋଇଥିବା ପ୍ରାରମ୍ଭିକ ତଦନ୍ତରୁ ଜଣାପଡିଛି।