ନୂଆଦିଲ୍ଲୀ – ସଲମାନ ଓ ଶାହରୁଖ ଖାନଙ୍କର ଅନେକ ଏମିତି ପ୍ରଶଂସକ ଅଛନ୍ତି ,ଯିଏ ନିଜର ପ୍ରିୟ ଷ୍ଟାରଙ୍କୁ କପି କରିଥାନ୍ତି। ତାଙ୍କ ଭଳି ଲୁକ୍ସ ରଖିଥାନ୍ତି। ଏବେ ଏକ ଭିଡ଼ି ସାମ୍ନାକୁ ଆସିଛି , ଯେଉଁଥିରେ ସଲମାନଙ୍କ ସହ ଶାହରୁଖଙ୍କର ଜଣେ ପ୍ରଶଂସକ ନଜର ଆସୁଛନ୍ତି। ହେଲେ ସେ ଯେବେ ଶାହରୁଖଙ୍କ ସ୍ୱରରେ କିଛି କହୁଛନ୍ତି ତ , ସଲମାନ ହସକୁ ଆଉ ରୋକି ପାରି ନଥିଲେ। ଭିଡ଼ିଓକୁ ପ୍ରଶଂସକ ହିଁ ତିଆରି କରିଥିଲେ, ଯାହା ଏବେ ଭାଇରାଲ ହେଉଛି।
ଭିଡ଼ିଓର ଆରମ୍ଭ ହେବା କ୍ଷଣି ପ୍ରଶଂସକ ଶାହରୁଖଙ୍କ ଭଏସରେ କହୁଛନ୍ତି ପଠାନ ଓ ଟାଇଗର ଏଠାରେ ଅଛନ୍ତି। ଏହା ଶୁଣି ସଲମାନଙ୍କର ଖୁବ୍ ହସ ଆରମ୍ଭ ହୋଇଯାଉଛି। ପ୍ରଶଂସକଙ୍କ କଥା ଶୁଣି ସଲମାନ ହସକୁ ଆଉ କଣ୍ଟ୍ରୋଲ କରି ପାରନ୍ତି ନାହିଁ। ଆପଣ ବି ଭିଡ଼ିଓକୁ ଦେଖିଲେ ନିଜର ହସକୁ ରୋକି ପାରିବେ ନାହିଁ।
କହି ରଖୁଛୁ କି, ନିକଟର ସଲମାନ ଖାନଙ୍କର ଫିଲ୍ମ ଟାଇଗର-୩ ରେ ଶାହରୁଖ ଖାନଙ୍କ ସ୍ପେଶାଲ କେମିଓ ଥିଲା। ଅନେକ ଥର ଏହି ଦୁଇ ଷ୍ଟାର ଜଣେ ଜଣର ଫିଲ୍ମରେ କେମିଓ କରୁଛନ୍ତି। ଦୁହିଁଙ୍କ ମନରେ ଭଲ ବନ୍ଧୁତା ରହିଛି। ଖାଲି ଏତିକି ନୁହେଁ ଉଭୟ ସୋସିଆଲ ମିଡ଼ିଆରେ ମଧ୍ୟ ପରସ୍ପରକୁ ପ୍ରଶଂସା କରିବାର ଦେଖିବାକୁ ମିଳେ।
କିଛି ଦିନ ପୂର୍ବେ ପିଙ୍କଭିଲାର ରିପୋର୍ଟ ଥିଲା କି, ଉଭୟ ଷ୍ଟାର ଫିଲ୍ମ ଟାଇଗର ଭର୍ସେସ ପଠାନରେ ନଜର ଆସିବେ। ଫିଲ୍ମର ସୁଟିଂ ୨୦୨୪ ମସିହାରେ ହେବ। ରିପୋର୍ଟରେ କୁହାଯାଇଛି କି ଫିଲ୍ମର ସ୍କ୍ରିପ୍ଟକୁ ଶାହରୁଖ ଓ ସଲମାନଙ୍କୁ ଆଦିତ୍ୟ ଚୋପ୍ରା ଅଲଗା ଅଲଗା ଶୁଣାଇଛନ୍ତି, ଏବେ ଦୁହେଁ ଫିଲ୍ମ ପାଇଁ ସହମତି ପ୍ରକାଶ କରିଛନ୍ତି ।
