ମୁମ୍ୱାଇ : ପଠାନ , ଗଦର-୨ ପରେ ଏବେ ଶାହରୁଖ ଖାନଙ୍କର ଅପକମିଂ ଫିଲ୍ମ ଯବାନକୁ ନେଇ ଟ୍ରେଡ୍ ଏକ୍ସପର୍ଟମାନଙ୍କ ଖୁବ୍ ଆଶା ରହିଛି। ଫିଲ୍ମର ଆଡଭାନ୍ସ ବୁକିଂ ରିପୋର୍ଟ ଲଗାତାର ଅପଡେଟ୍ ହେଉଛି। ଯବାନ ୭ ସେପ୍ଟେମ୍ୱରରେ ରିଲିଜ ହେଉଛି। ୪ ଅଗଷ୍ଟ ଦ୍ୱିପ୍ରହରରେ ଯବାନର ଟ୍ରେଲର ରିଲିଜ ଦିନ ରିପୋର୍ଟ ଖୁବ୍ ଭଲ ଥିଲା । ଆଶା କରାଯାଉଛି କି, ଫିଲ୍ମର ପ୍ରଥମ ଦିନ ୪୦ କୋଟି ଟଙ୍କା ପାଖାପାଖି ଓପନିଂ କରି ପାରେ।
ଏହାସହ ମଧ୍ୟ ପଢ଼ନ୍ତୁ - ‘ଯବାନ’ର ଆଡଭାନ୍ସ ବୁକିଂରେ ଧମାକା ...ଦିଲ୍ଲୀ-ମୁମ୍ୱାଇରେ ସକାଳ ୬ଟାର ଶୋ’ ହାଉସଫୁଲ୍
ଗଦର -୨ର ବକ୍ସ ଅଫିସ ପରେ ଏବେ ସିନେପ୍ରେମୀ ଓ ଟ୍ରେଡ୍ ଏକ୍ସପର୍ଟ୍ସଙ୍କର ନଜର ଶାହରୁଖ ଖାନଙ୍କର ଫିଲ୍ମ ଯବାନ ଉପରେ ରହିଛି। ଅଗଷ୍ଟରେ ଟ୍ରେଲର ଆସିବା ପରେ ଫିଲ୍ମର ବୁକିଂ ଭାରତରେ ଆରମ୍ଭ ହୋଇ ଯାଇଥିଲା। ଏବେସୁଦ୍ଧା ସିନେମାର ୬ ଲକ୍ଷ ଟିକେଟ୍ ବୁକ୍ ହୋଇ ସାରିଛି। sacnilk ର ରିପୋର୍ଟ ମୁତାବିକ , ଯବାନର ପ୍ରଥମ ଡେ ପାଇଁ ୬ ଲକ୍ଷରୁ ଅଧିକ ଟିକେଟ୍ ଆଡଭାନ୍ସ ବୁକ୍ ହୋଇ ସାରିଛି। ଏଥିରେ ବ୍ଲକ୍ ସିଟ୍ସ ସାମିଲ ନାହିଁ। ଆଶା କରାଯାଉଛି କି ପୂରା ୱିକେଣ୍ଡ ପାଇଁ ପାଖାପାଖି ୨୦ ଲକ୍ଷ ଟିକେଟ୍ ବୁକ୍ ହୋଇଯିବ।
ଫିଲ୍ମ ଇଣ୍ଡଷ୍ଟ୍ରୀ ଟ୍ରାକର ମନୋବାଲା ବିଜୟବାଲନ ଟ୍ୱିଟ୍ କରିଛନ୍ତି କି, ଯବାନର ଆଡଭାନ୍ସ ବୁକିଂ ମାଇଲଷ୍ଟୋନ୍ ସାବ୍ୟସ୍ତ ହେଉଛି। ସିନେମାର ଟିକେଟ୍ର ଦାମ୍ କଥା ଯଦି କହିବା ତ ଏହା ୪୫୦,୬୦୦, ୧୫୦୦ରୁ ନେଇ କିଛି ସହରରେ ୨୪୦୦ ଟଙ୍କା ଯାଏ ଦେଖିବାକୁ ମିଳିଛି । ଯଦି ଗଦର-୨ର ଆଡଭାନ୍ସ ବୁକିଂ ସହ ତୁଳନା କରାଯାଏ ତ ରିପୋର୍ଟ ମୁତାବିକ ଗଦର-୨ ର ପ୍ରଥମ ଦିନ ପାଇଁ ୭ ଲକ୍ଷରୁ ଅଧିକ ଟିକେଟ୍ ବୁକ୍ ହୋଇଥିଲା।
ଏହାସହ ମଧ୍ୟ ପଢ଼ନ୍ତୁ - ‘ଯବାନ’ ପାଇଁ ଶାହରୁଖଙ୍କ ପ୍ରଂଶସକ ବୁକ୍ କଲେ ପୂରା ହଲ୍ , ସୁଟକେସ୍ରେ ଭର୍ତ୍ତି କରି ନେଇଗଲେ ସବୁ ଟିକେଟ୍
