ପ୍ରମୁଖ ଖବର
  • ଭୁବନେଶ୍ୱର : ଜାତୀୟ ସ୍ତରୀୟ ଗବେଷଣା ସୁଯୋଗ, ମୁଖ୍ୟମନ୍ତ୍ରୀ ରିସର୍ଚ୍ଚ ଫେଲୋସିପ୍‌ ପାଇଁ ୩୦୦ ଶିକ୍ଷାର୍ଥୀ ଚୟନ
  • ||
  • ଭୁବନେଶ୍ୱର : ମହିଳାଙ୍କ ସୁରକ୍ଷା ପାଇଁ ନିଯୁକ୍ତ ହୋଇଥିଲେ; ତାଲିମ ନେଇଥିଲେ ୨୪୮ ଜଣ, ଏବେ ବନ୍ଦ ହୋଇଗଲା ଏସ୍‌ଓପି ବ୍ୟବସ୍ଥା
  • ||
  • ପଶ୍ଚିମବଙ୍ଗରେ ଥମୁନି ନିର୍ବାଚନୀ ହିଂସା, ଜଣେ ଟିଏମସି କର୍ମୀଙ୍କୁ ହତ୍ୟା, ପୁଣି ବିଜେପି ବିରୋଧରେ ଦଳ ଆଣିଲା ଅଭିଯୋଗ
  • ||
  • ବାଂଲାଦେଶ ମୁହାଁ ବାତ୍ୟା, ପ୍ରଭାବରେ ୪ଜିଲ୍ଲାରେ ବର୍ଷା ଓ ପବନ ସମ୍ଭାବନା, ୪ ଜିଲ୍ଲାପାଳଙ୍କୁ ଏସଆରସିଙ୍କ ଆଲର୍ଟ
  • ||
  • ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ, ୬ ଲୋକସଭା ଓ ୪୨ ବିଧାନସଭା ଆସନରେ ଭୋଟିଂ, ୪୪୭ ପ୍ରାର୍ଥୀଙ୍କ ହେବ ଭାଗ୍ୟ ପରୀକ୍ଷା
  • ||
  • ଦେଶରେ ଷଷ୍ଠ ପର୍ଯ୍ୟାୟ ମତଦାନ, ୬ ରାଜ୍ୟ ଓ ୨ କେନ୍ଦ୍ରଶାସିତ ଅଞ୍ଚଳରେ ଚାଲିଛି ଭୋଟ୍, ୫୮ ସଂସଦୀୟ କ୍ଷେତ୍ରରେ ମତଦାନ ଆରମ୍ଭ
  • ||
  • ସୃଷ୍ଟି ହେଲା ଅବପାତ: ୨୫ ରାତିରୁ ଉପକୂଳରେ ବର୍ଷା, ୨୬ରେ ଭୀଷଣ ବାତ୍ୟା ରୂପ ନେବ
  • ||

ସୀତାପୁର ମର୍ଡର କେସ୍‌ର ଖୋଲିଲା ରହସ୍ୟ: ଭାଇ ହିଁ ପ୍ରକୃତ ହତ୍ୟାକାରୀ, ଟଙ୍କା ପାଇଁ ୬ ଜଣଙ୍କୁ ମାରିଦେଲା

ଲକ୍ଷ୍ନୌ,୧୬।୫: ସୀତାପୁରର ରାମପୁର ମଥୁରାରେ ଗୋଟିଏ ପରିବାରର ୬ ଜଣଙ୍କୁ ହତ୍ୟା ମାମଲାରେ ଚାଞ୍ଚଲ୍ୟକର ଖୁଲାସା। ପୋଲିସର ସୂଚନା ଅନୁସାରେ, ଏହି ହତ୍ୟାକାଣ୍ଡରେ ଆଉ କେହି ନୁହେଁ, ବଂର ମୃତ ଅନୁରାଗ ସିଂହର ଭାଇ ଅଜିତ ସିଂହ ଥିଲା ମାଷ୍ଟରମାଇଣ୍ଡ। ୫ ଦିନର ତଦନ୍ତ ପରେ ପୋଲିସ ଅଜିତକୁ ଗିରଫ କରିଛି।

ହତ୍ୟାକାରୀ ଅଜିତ ସିଂହ ଜାଣିଥିଲା ତା ମା’ ପାଖରେ ଏକ ବିନା ଲାଇସେନ୍ସର ପିସ୍ତଲ ଅଛି, ଯାହାକି ତା ବାପାଙ୍କର ଥିଲା। ସମସ୍ତଙ୍କୁ ମାରିବାର କିଛି ଦିନ ପୂର୍ବରୁ ସେ ତା’ର ମା’ଙ୍କଠାରୁ ଏହାକୁ ଗାଏବ୍ କରିଦେଇଥିଲା। ଶୁକ୍ରବାର ବିଳମ୍ବି ରାତିରେ ପହ୍ଲାପୁର ଗାଁରେ ଅଜିତ ନିଜ ଭାଇ ଅନୁରାଗ, ତା’ର ପତ୍ନୀ ପ୍ରିୟଙ୍କା ଓ ତା’ର ତିନି ସନ୍ତାନ ସହିତ ନିଜ ମା’ ସାବିତ୍ରୀଙ୍କୁ ନୃଶଂସ ଭାବରେ ହତ୍ୟା କରିଥିଲା। ପରେ ପୋଲିସକୁ ଫୋନ୍ କରି କହିଥିଲା ଭାଇ ଅନୁରାଗ ସମସ୍ତଙ୍କୁ ମାରି ଆତ୍ମହତ୍ୟା କରିଛି।   ଏବେ କିନ୍ତୁ ପୋଲିସ କହିଛି ୬ ଜଣଙ୍କୁ ହତ୍ୟା କରିଛି ଅଜିତ। ସେ ଆଇନଠାରୁ ବଞ୍ଚିବା ପାଇଁ ମିଛ କାହାଣୀ କହୁଥିଲା।

ପୋଲିସ କହିଛି, ଅଜିତ ସ୍ବୀକାର କରିଛି ଘଟଣା ଦିନ ରାତିରେ ସେ ପ୍ରଥମେ ତା’ର ଭାଉଜକୁ ଗୁଳି କରି ମାରିଥିଲା। ଗୁଳି ସାଉଣ୍ଡ ଶୁଣି ତା’ର ମା’ ଯେତେବେଳେ ଆସିଥିଲେ ସେ ତାଙ୍କ ମୁଣ୍ଡକୁ ହାତୁଡାରେ ପିଟି ଦେଇଥିଲା। ଏହାପରେ ଭାଇ ଅନୁରାଗ ଓ ତା’ର ୩ ସନ୍ତାନଙ୍କୁ ହତ୍ୟା କରିଥିଲା। ପୋଲିସର କହିବା ଅନୁସାରେ, ପୁରା ଘଟଣା ଜମିଜମା ବିବାଦ, ଋଣ ପରିଶୋଧ କରିବାକୁ ନେଇ ମୁଖ୍ୟ କାରଣ ଥିଲା। ଋଣ ପରିଶୋଧ କରିବାକୁ ଅଜିତର ଭାଉଜ ଜମି ବିକ୍ରି କରିବାକୁ ଚାହୁଁଥିଲେ। ଅଜିତ ଏହାକୁ ବିରୋଧ କରୁଥିଲା। ସେ ଭାବୁଥିଲା ତା’ ପ୍ରତି ଅନ୍ୟାୟ ହେଉଛି। ପୋଲିସର କହିବା ଅନୁସାରେ, ହତ୍ୟାକାଣ୍ଡରେ ଏପର୍ଯ୍ୟନ୍ତ ଅଜିତ ଛଡା ଆଉ କେହି ସମ୍ପୃକ୍ତ ଥିବାର ଜଣାପଡିନି। ଅଜିତ ନିଜେ ସମସ୍ତଙ୍କୁ ମାରିଛି। 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.