ଜଗତସିଂହପୁର ୨୭/୦୧: ନବଜାତ ଶିଶୁପୁତ୍ର ଜନ୍ମ ହେବାର କିଛି ସମୟ ପରେ ସେହି ହସ୍ପିଟାଲରେ ବାପାର ସନ୍ଦେହ ଜନକ ମୃତ୍ୟୁ। ଏହି ଅଭାବନୀୟ ଘଟଣା ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି କରିଛି । ଜଗତସିଂହପୁରରେ ଥିବା ଏକ ଘରୋଇ ହସ୍ପିଟାଲରେ ଦୁଃଖଦ ଘଟଣା ଘଟିଥିବା ଜଣାପଡିଛି।

ସୂଚନା ମୁତାବିକ, ଜଗତସିଂହପୁର ବାଲିକୁଦା ଥାନା ବରଗୁଡି ପଡା ଗାଁର ଅରକ୍ଷିତ ବେହେରାଙ୍କ ସ୍ତ୍ରୀଙ୍କ ପ୍ରସବ ଯନ୍ତ୍ରଣା ହେବାରୁ  ତାଙ୍କୁ ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟକ ନେଇ ଥିଲେ । ହେଲେ କୌଣସି କାରଣରୁ ସେ ପ୍ରସୂତିଙ୍କୁ ସରକାରୀ ଚିକିତ୍ସାଳୟରୁ ନେଇ ଶୁକ୍ରବାର ନିକଟସ୍ଥ ଏକ ଘରୋଇ ନର୍ସିଂ ହୋମରେ ଆଡିମିଶନ କରିଥିଲେ ।  ସେହି ଘରୋଇ ନର୍ସିଂ ହୋମରେ ତାଙ୍କ ସ୍ତ୍ରୀ ଏକ ପୁତ୍ର ସନ୍ତାନକୁ ଜନ୍ମ ଦେଇଥିଲେ । ମାଆ ଓ ନବଜାତ ଶିଶୁ ସୁସ୍ଥ ଥିବା ବେଳେ ରାତିରେ ନର୍ସିଂ ହୋମ ତଳ ଘରେ ଅନ୍ୟ ରୋଗୀଙ୍କ ଆଟେନାଣ୍ଟଙ୍କ ସହିତ ଅରକ୍ଷିତ ବିଶ୍ରାମ ନେଇଥିଲେ । ହେଲେ ସକାଳକୁ ଅରକ୍ଷିତଙ୍କର ସନ୍ଦେହ ଜନକ ଭାବରେ ମୃତ୍ୟୁ ହୋଇଥିବା ଦେଖିବାକୁ ମିଳିଥିଲା। ତାଙ୍କୁ ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟରକୁ ଅଣା ଯାଇଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହାକୁ ନେଇ ନର୍ସିଂ ହୋମ ଆଗରେ ଉତ୍ତେଜନା ପ୍ରକାଶ ପାଇଥିଲା। ଘଟଣାସ୍ଥଳରେ ଜଗତସିଂହପୁର ସଦର ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛି । ହେଲେ ମୃତ୍ୟୁର କାରଣ ବର୍ତ୍ତମାନ ସୁଦ୍ଧା ଜଣାପଡିନାହିଁ। ମୃତଦେହ ବ୍ୟବଚ୍ଛେଦ ପରେ ମୃତ୍ୟୁର କାରଣ ସାମ୍ନାକୁ ଆସିବ ବୋଲି ପୋଲିସ ସୂଚନା ଦେଇଛି।