ନୂଆଦିଲ୍ଲୀ,୧୬।୯:  କଂଗ୍ରେସ ଓ୍ବାର୍କିଂ କମିଟିର ହାଇଦ୍ରାବାଦରେ ହେବାକୁ ଯାଉଛି  ବୈଠକ। ଏହା ପୂର୍ବରୁ କଂଗ୍ରେସର ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧୀ ଦେଇଛନ୍ତି ପ୍ରତିକ୍ରିୟା । ସେ କହିଛନ୍ତି, କଂଗ୍ରେସ ପାର୍ଟି ତେଲେଙ୍ଗାନା ଓ ଦେଶର ଲୋକଙ୍କ ସମ୍ମାନ ରଧା କରିବା ପାଇଁ ବିକାଶର ଏକ ନୂଆ ଅଧ୍ୟାୟ ଲେଖିବା ପାଇଁ ସମ୍ପୂର୍ଣ୍ଣ ଭାବରେ ପ୍ରସ୍ତୁତ ରହିଛି। କଂଗ୍ରେସ ଅଧ୍ୟକ୍ଷ ମାଲିକାର୍ଜୁନ ଖଡଗେ ତାଙ୍କର ଏହି ମେସେଜ୍ ସୋସିଆଲ ମିଡିଆ ସାଇଟ୍ ଏକ୍ସ(ପୂର୍ବର ଟ୍ବିଟର)ରେ ସେୟାର କରିଛନ୍ତି।

ନିଜ ବାର୍ତ୍ତାରେ ସୋନିଆ କହିଛନ୍ତି , ତାଙ୍କ ଦଳ ସବୁବେଳେ ତେଲେଙ୍ଗାନାର ଲୋକଙ୍କ ଆକାଂକ୍ଷା ସହିତ ଠିଆ ହୋଇଛି। କଂଗ୍ରେସର ପୂର୍ବତନ ଅଧ୍ୟକ୍ଷ କହିଛନ୍ତି, ଆମେ ପୂର୍ବରୁ ତେଲେଙ୍ଗାନାର ଲୋକଙ୍କୁ ପ୍ରତିଶୃତି ଦେଇଥିଲୁ। ଆମେ ସେ ପ୍ରତିଶୃତି ପୂରଣ କରିଛୁ। କଂଗ୍ରେସ ସବୁବେଳେ ତେଲେଙ୍ଗାନାର ଲୋକଙ୍କ ସହିତ ରହିଛି। ଏବେ ରାଜ୍ୟକୁ ପ୍ରଗତି ଓ ସମୃଦ୍ଧିର ଏକ ନୂଆ ଯୁଗକୁ ନେଇ ଯିବାର ସମୟ ଆସିଯାଇଛି। କଂଗ୍ରେସ ଓ୍ବାର୍କଂ କମିଟିର ତେଲେଙ୍ଗାନା ଓ ଆମ ଦେଶର ସବୁ ଲୋକଙ୍ କସମ୍ମାନ ସହିତ ବିକାଶର ଏକ ନୂଆ ଅଧ୍ୟାୟ ଲେଖିବାକୁ ଯାଉଛି।’

ସିଡବ୍ଲୁସି ମିଟିଂ ପୂର୍ବରୁ ଖଡଗେ କହିଛନ୍ତି, କଂଗ୍ରେସ ନିଜର ରାଜନୈତିକ ଫିଲୋସଫି ଅନୁସାରେ ପାର୍ଟିକୁ ବିଜୟ ଆଡକୁ ନେଇଯିବ ଓ ସିଡବ୍ଲୁସିର ଏହି ନୀତି ଦ୍ବାରା ପାର୍ଟି ବିଜୟ ଆଡକୁ ଯିବ ଓ ଦେଶର ଲୋକଙ୍କ ଭବିଷ୍ୟତକୁ ମଜବୁତ କରିବାର ରୋଡମ୍ୟାପ୍ ପ୍ରସ୍ତୁତ କରିବ। ସେ କହିଛନ୍ତି, କଂଗ୍ରେସ ଆମର ମହାନ ରାଷ୍ଟ୍ରରେ ଲୋକତନ୍ତ୍ର, ସାମାଜିକ ନ୍ୟାୟ, ପ୍ରଗତି ଓ ସମାନତା ପାଇଁ ସଂଘର୍ଷ କରିଛି। ଖଡଗେ କହିଛନ୍ତି, ଆମେ ରାଷ୍ଟ୍ରୀୟ ଅଖଣ୍ଡତା ଓ ବିବିଧତାରେ ଏକତା ପାଇଁ ଲଡିବା ଜାରି ରଖିବ।