ନୂଆଦିଲ୍ଲୀ: ମଥୁରା ସ୍ଥିତ ଶ୍ରୀକୃଷ୍ଣ ଜନ୍ମଭୁମି ବିବାଦରେ ମସଜିଦ କମିଟିର ଆବେଦନକୁ ସୁପ୍ରିମକୋର୍ଟ ପ୍ରତ୍ୟାଖ୍ୟାନ କରିଛନ୍ତି । ପ୍ରକୃତରେ, ଆହ୍ଲାବାଦ ହାଇକୋର୍ଟଙ୍କ ଏକ ଆଦେଶକୁ ଚ୍ୟାଲେଞ୍ଜ କରି ମସଜିଦ କମିଟି ଦ୍ୱାରା ଏହି ଆବେଦନ କରାଯାଇଥିଲା । ଏହି ଆବେଦନରେ ଆହ୍ଲାବାଦ ହାଇକୋର୍ଟଙ୍କ ଆଦେଶକୁ ଚ୍ୟାଲେଞ୍ଜ କରାଯାଇଛି, ଯେଉଁଥିରେ ବିବାଦ ସହ ଜଡିତ ୧୫ ଟି ମାମଲାର ଶୁଣାଣି କରିବାକୁ କୁହାଯାଇଛି। ଆହ୍ଲାବାଦ ହାଇକୋର୍ଟ କହିଛନ୍ତି ଯେ, ଏହି ସବୁ ମାମଲା ସମାନ ପ୍ରକାରର ଏବଂ ସମାନ ପ୍ରମାଣ ଆଧାରରେ ଏହାର ନିଷ୍ପତ୍ତି ନିଆଯିବା ଆବଶ୍ୟକ । ଏହି କାରଣରୁ, କୋର୍ଟର ସମୟ ବଞ୍ଚାଇବାକୁ, ଏହି ସମସ୍ତ ମାମଲାର ଶୁଣାଣି ଏକାଠି କରିବା ଭଲ ।
ମଥୁରା ଶ୍ରୀକୃଷ୍ଣ ଜନ୍ମାଭୁମି-ଶାହି ଇଦଗାହ ମସଜିଦ ବିବାଦକୁ ନେଇ ଆହ୍ଲାବାଦ ହାଇକୋର୍ଟଙ୍କ ଆଦେଶ ବିରୋଧରେ ମସଜିଦ କମିଟି ଦ୍ୱାରା ଦାଖଲ ହୋଇଥିବା ଆବେଦନ ଉପରେ ସୁପ୍ରିମକୋର୍ଟ ଶୁଣାଣି ବନ୍ଦ କରିଛନ୍ତି । ଏଥିସହ ସୁପ୍ରିମକୋର୍ଟ ଏହି ମାମଲାରେ ଆହ୍ଲାବାଦ ହାଇକୋର୍ଟଙ୍କ ନିକଟକୁ ଯିବାକୁ ଅନୁମତି ଦେଇଛନ୍ତି । ସୂଚନାଥାଉକି, ଯେ ମସଜିଦ କମିଟି ଆହ୍ଲାବାଦ ହାଇକୋର୍ଟଙ୍କ ଆଦେଶକୁ ଚ୍ୟାଲେଞ୍ଜ କରିଛି ଯେଉଁଥିରେ ହାଇକୋର୍ଟ ଏହି ବିବାଦ ସହ ଜଡିତ ୧୫ ଟି ମାମଲାକୁ ଏକାଠି କରି ଏକତ୍ର ଶୁଣାଣି କରିବାକୁ ନିର୍ଦ୍ଦେଶ ଦେଇଛନ୍ତି ।