ପ୍ରମୂଖ ଖବର
  • କାଲିମେଳା: ଲଗାଣ ବର୍ଷାରେ ବେହାଲ ଜନଜୀବନ, ପାହାଡ ଧସିବାରୁ ରାସ୍ତା ବନ୍ଦ
  • ||
  • ସପ୍ତଦଶ ବିଧାନସଭାର ବଜେଟ୍ ଅଧିବେଶ ଆରମ୍ଭ, ପ୍ରଥମ ଦିନରେ ଅଭିଭାଷଣ ରଖିଲେ ରାଜ୍ୟପାଳ ରଘୁବର ଦାସ
  • ||
  • ଯାଜପୁର : ଭାରସାମ୍ୟ ହରାଇ ଓଲଟିଲା ​କାଉଡିଆଙ୍କୁ ନେଇ ଯାଉଥିବା ବସ୍, ୫ରୁ ଉର୍ଦ୍ଧ୍ଵ ଆହତ
  • ||

ଅଣସରରେ ଦାରୁବ୍ରହ୍ମ: ଧାରଣ କରିଛନ୍ତି ଶୁକ୍ଳ ବସ୍ତ୍ର ଏବଂ ପୁଷ୍ପ, ଲାଗି ହେଉନି ତୁଳସୀ, ଶୂନ୍ୟକୁ ପଣା ଭୋଗ

ପୁରୀ ୨୪/୦୬: ଶ୍ରୀମନ୍ଦିରରେ ଆରମ୍ଭ ହୋଇଛି ଦାରୁବ୍ରହ୍ମଙ୍କ ଅଣସର ସେବା । ସ୍ନାନମଣ୍ଡପରୁ ବାହୁଡ଼ା ପହଣ୍ଡି ହୋଇ ଅଣସର ପିଣ୍ଡିରେ ବିଜେ ହୋଇଛନ୍ତି ଠାକୁରେ । ସେଠାରେ ଶ୍ରୀବିଗ୍ରହଙ୍କ  ଅନବସରକାଳୀନ ଗୋପନ ସେବା  ଚାଲିଛି । ଦଇତାପତି ସେବକମାନେ  ଠାକୁରଙ୍କ ସ୍ୱତନ୍ତ୍ର ଉପଚାରରେ  ଲାଗିଛନ୍ତି । ଠାକୁରେ ଶୁକ୍ଳ ବସ୍ତ୍ର  ଓ ଶୁକ୍ଳ ପୁଷ୍ପ ଧାରଣ କରିଛନ୍ତି ।  ଏବେ ମହାପ୍ରଭୁଙ୍କୁ ତୁଳସୀ ଲାଗି  କରାଯାଉ ନାହିଁ । ମହାପ୍ରଭୁଙ୍କ  ଉଦ୍ଦେଶ୍ୟରେ ଶୂନ୍ୟକୁ ପଣା ଭୋଗ  ସମର୍ପଣ କରାଯାଉଛି । ଠାକୁରେ  ନିରାକାର ଓ ସର୍ବତ୍ର ବିଦ୍ୟମାନ । ଏଣୁ  ପତିମହାପାତ୍ରେ ଶୂନ୍ୟକୁ ଚାହିଁ ପଣା  ଭୋଗ ସମର୍ପଣ କରୁଛନ୍ତି । 

ଦେବସ୍ନାନ ପୂର୍ଣ୍ଣିମାରେ ୧୦୮  ଗରା ସୁନା କୂଅ ଜଳ ସ୍ନାନ ପରେ  ଠାକୁରଙ୍କୁ ଜ୍ୱର । ଏଣୁ ଏକବସ୍ତ୍ର  ହୋଇ ଅତି ନିଷ୍ଠା ଓ ଶୁଦ୍ଧପୂତ ଭାବେ ଦଇତାପତିମାନେ ଠାକୁରଙ୍କ ସେବା  ଆରମ୍ଭ କରିଛନ୍ତି । ଠାକୁରଙ୍କ ଏସବୁ  ମାନବୀୟ ଲୀଳାଖେଳା । ଜଣେ  ବ୍ୟକ୍ତି ଜ୍ୱରରେ ପୀଡ଼ିତ ହେଲେ ଯେପରି ପଥି, ପାଚନ ଏବଂ ଔଷଧର  ଆବଶ୍ୟକତା ପଡ଼ିଥାଏ, ସେହିଭଳି  ଠାକୁରଙ୍କ ସେବା ପୂଜା ଚାଲିଛି । ଏହି ସମୟରେ ବନ୍ଦ ହୋଇଯାଉଛି  ଜୟବିଜୟ ଦ୍ୱାର । ପତିମହାପାତ୍ରେ  ପଞ୍ଚୋପଚାରରେ ନିରାକାରଙ୍କୁ  ପୂଜା କରୁଛନ୍ତି । ଶୁଦ୍ଧସୁଆରମାନେ  ଠାକୁରଙ୍କ ଶ୍ରୀଅଙ୍ଗ ସେବା ପାଇଁ ବ୍ୟସ୍ତ ରହିଛନ୍ତି । ଦୁଇଥର ଅଣସର ପଣା ଓ  ଚକଟା ଭୋଗ ଅର୍ପଣ କରାଯାଉଛି ।  ସ୍ୱତନ୍ତ୍ର ପଣା "ପାଚନ ପାଣି' ପ୍ରସ୍ତୁତ  କରି ମହାପ୍ରଭୁଙ୍କୁ ଅର୍ପଣ କରାଯାଉଛି ।  ଠାକୁରମାନଙ୍କୁ କେବଳ ଫଳମୂଳ  ଲାଗି କରାଯାଉଛି । ସୁସ୍ଥ ହେଲା ପରେ  ଠାକୁରଙ୍କୁ ତୁଳସୀ ଲାଗି କରାଯିବ ।  ଏହି ସମୟରେ ଶ୍ରୀମନ୍ଦିରରେ ଉଚ୍ଚ  ଧ୍ୱନି ମନା ବୋଲି ସେବକ କୁହନ୍ତି ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.