ମୁମ୍ବାଇ, ୧୯।୫: ଲୋକସଭା ନିର୍ବାଚନ ଯୋଗୁ ସୋମବାର ସେୟାର ବଜାର ବନ୍ଦ ରହିବ । ନ୍ୟାସ୍ନାଲ ଷ୍ଟକ୍ ଏକ୍ସଚେଞ୍ଜ(ଏନ୍ଏସ୍ଇ) ପକ୍ଷରୁ ସୂଚନା ଦିଆଯାଇଛି ଯେ, ମେ’ ୨୦ରେ ମୁମ୍ବାଇରେ ଲୋକସଭା ନିର୍ବାଚନ ପାଇଁ ମତଦାନ ହେବ । ତେଣୁ ଏହି ଦିନ ବଜାରରେ କାରବାର ହେବ ନାହିଁ । ନେଗୋସିଏବଲ୍ ଇନ୍ଷ୍ଟ୍ରୁମେଣ୍ଟ ଆକ୍ଟ ୧୮୮୧ର ଧାରା ୨୫ ଅଧୀନରେ ନାଗରିକଙ୍କ ଭାଗିଦାରୀ ସୁନିଶ୍ଚିତ କରିବା ପାଇଁ ଏହି ନିଷ୍ପତ୍ତି ନିଆଯାଇଛି ।
ନିର୍ବାଚନ ଆୟୋଗ ପୂର୍ବ ମାସ ଘୋଷଣା କରିଥିଲା ଯେ, ମହାରାଷ୍ଟ୍ରରେ ଲୋକସଭା ନିର୍ବାଚନ ୫ଟି ପର୍ଯ୍ୟାୟରେ ଏପ୍ରିଲ ୧୯, ଏପ୍ରିଲ ୨୬, ମେ’ ୭, ମେ’ ୧୩ ଏବଂ ମେ’ ୨୦ରେ ହେବ । ମୁମ୍ବାଇରେ ମେ’ ୨୦ରେ ମତଦାନ ଥିବାରୁ ଏହି ଦିନ ଷ୍ଟକ୍ ବଜାର ବନ୍ଦ ରହିବ ବୋଲି ଏନ୍ଏସ୍ଇ ଘୋଷଣା କରିଛି । ତେବେ ମେ’ ୧୮ ଶନିବାର ଛୁଟି ଥିବା ସତ୍ତେ୍ୱ ଷ୍ଟକ୍ ବଜାର ଖୋଲା ରହିଥିଲା ।