ନୂଆଦିଲ୍ଲୀ : ୨୦୦୯ ମସିହାରେ ଆସିଥିବା ଆମିର ଖାନ, ଶରମନ ଯୋଶୀ ଓ ଆର୍ ମାଧବନଙ୍କ ଅଭିନୀତ ଫିଲ୍ମ ୩ ଇଡିୟଟ୍ସ କମାଲ କରି ଥିଲା। କେବଳ ଆୟ ମାମଲାରେ ନୁହେଁ ଦେଶ , ଦୁନିଆରେ ଫିଲ୍ମର କାହାଣୀକୁ ମଧ୍ୟ ଖୁବ୍ ପ୍ରଶଂସା ହୋଇଛି। ଷ୍ଟୁଡେଣ୍ଟ ଲାଇଫ୍ ଉପରେ ପର୍ଯ୍ୟବେସିତ ଏହି ଫିଲ୍ମର ପ୍ରଂଶସକଙ୍କ ତାଲିକାରେ ସୁନ୍ଦର ପିଚାଇ ମଧ୍ୟ ସାମିଲ ହୋଇଛନ୍ତି। ନିକଟରେ ଏକ ପଡକାଷ୍ଟରେ କଥାବାର୍ତ୍ତା ବେଳେ ସେ ଏହି ଫିଲ୍ମର ଏକ ସିନ୍ ବିଷୟରେ କଥା ହୋଇଛନ୍ତି , ଯାହାକୁ ସ୍କ୍ରିନ୍ରେ ଦେଖିବା ପରେ ଆପଣ ବୋଧହୁଏ ଖୁବ୍ ହସିବେ।
ରାଜକୁମାର ହିରାନୀ କୌଣସି ବି କାହାଣୀକୁ ଖୁବ୍ ସୁନ୍ଦର ଭାବେ ନିଜ ଫିଲ୍ମରେ ଦେଖାଇ ଥାନ୍ତି। ଏମିତି ହିଁ କମାଲ ସେ ଫିଲ୍ମ ୩ ଇଡିୟଟ୍ସ ସହ କରି ଥିଲେ। ଫିଲ୍ମର ପ୍ରତି ସିନ୍କୁ ଅଡିୟାନ୍ସଙ୍କ ସହ କନେକ୍ଟ କରିବା ପାଇଁ ଫିଲ୍ମକୁ ଖୁବ୍ ଯତ୍ନର ସହ କାମ କରାଯାଇ ଥିଲା। ଏତେ କମାଲକର ଏହି ଫିଲ୍ମର ଏକ ଦୃଶ୍ୟ ବିଷୟରେ କହିବାକୁ ଗୁଗଲ ସିଇଓ ସୁନ୍ଦର ପିଚାଇ ନିଜକୁ ରୋକି ପାରି ନଥିଲେ। ୩ ଇଡିୟଟ୍ସରେ ଏକ ସିନ୍ ରହିଛି , ଯେଉଁଠି ଆମିର ଖାନଙ୍କର ଚରିତ୍ର ନିଜ କଲେଜ୍ ପ୍ରଫେସରଙ୍କୁ ମୋଟର କଣ ହୋଇ ଥାଏ ଏବଂ କେମିତି କାମ କରିଥାଏ, ଏହା ବୁଝାଇବାର ନଜର ଆସୁଛି। ଉକ୍ତ ସିନ୍ରେ ଅଡିୟାନ୍ସ ଖୁବ୍ ହସୁଛନ୍ତି। କିନ୍ତୁ ଏହି ସିନ୍ ସୁନ୍ଦର ପିଚାଇଙ୍କ ପାଇଁ ସବୁଠୁ ମଜାଳିଆ ଥିଲା।
ପଡକାଷ୍ଟ ବେଳେ ସୁନ୍ଦର ପିଚାଇଙ୍କୁ କମ୍ପିଟେଟିଭ୍ ପରୀକ୍ଷାର ମାଇଣ୍ଡସେଟ୍ରୁ ରକ୍ଷା ପାଇବା ବିଷୟରେ ପଚରା ଯାଇଥିଲା। ଏହି ପ୍ରଶ୍ନର ଜବାବ ଦେଇ ଗୁଗଲ ସିଇଓ ୩ ଇଡିୟଟ୍ସ ମୋଟରର ଡିଫିନେସନ ବିଷୟରେ କହି ଥିଲେ। ସୁନ୍ଦର ପିଚାଇ କହି ଥିଲେ ,ମୋତେ ପାଖାପାଖି ୩ଇଡିୟଟ୍ସ ବା କିଛି ଏମିତି ହିଁ ଫିଲ୍ମ ଦେଖିବାକୁ ମନ ହୋଇଛି।
