ପ୍ରମୁଖ ଖବର
  • ମିଜୋରାମରେ ପ୍ରବଳ ବର୍ଷା ଯୋଗୁ ଭୁଷୁଡିଲା ପଥର ଖଦାନ, ୧୦ ଶ୍ରମିକ ଚାଲିଗଲା ଜୀବନ, ଏକାଧିକ ଆହତ
  • ||
  • ଇଣ୍ଡିଗୋ ବିମାନରେ ବୋମା ଆତଙ୍କ,ଏମର୍ଜେନ୍ସି ଡୋର ଦେଇ ବାହାରିଲେ ଯାତ୍ରୀ
  • ||
  • ମୁମ୍ବାଇ ବିମାନବନ୍ଦର, ତାଜ ହୋଟେଲ ଉଡ଼ାଇବାକୁ ଧମକ, ଉତ୍ତରପ୍ରଦେଶରୁ ଆସିଥିଲା କଲ୍
  • ||
  • ଉପକୂଳରେ ଜୋରଦାର ପ୍ରଚାର, ମଙ୍ଗଳବାର ବାଲେଶ୍ବରରେ କାର୍ତ୍ତିକ୍ ପାଣ୍ଡିଆନଙ୍କ ଶକ୍ତି ପ୍ରଦର୍ଶନ
  • ||
  • ଆମେରିକାରେ ଘୂର୍ଣ୍ଣିଝଡ଼ ରଚିଲା ତାଣ୍ଡବ, ୨୨ ମୃତ,ଶତାଧିକ ଆହତ, ୧୦ କୋଟି ଲୋକ ପ୍ରଭାବିତ
  • ||
  • ରଥଖଳା ହାଲ୍‌ଚାଲ୍‌...ବୁଧବାର ରଥ ତ୍ରୟର ଚକ-ଅଖ ଡ଼େରା ନୀତି, ଚକକୁ ସୁରକ୍ଷା ଦିଏ ପନ୍ଦାରି ଚାବି
  • ||
  • କଟକ ଚାନ୍ଦବାଲି ରାସ୍ତାରେ OSRTC ବସ୍-ସ୍କୁଟି ମୁହାଁମୁହିଁ ଧକ୍କା, ଆଖିବୁଜିଲେ ଜଣେ ମହିଳା
  • ||
  • ମେ’ ୩୧ ସୁଦ୍ଧା କେରଳ ଛୁଇଁବ ମୌସୁମୀ: ଦେଶରେ ଅଧିକ ବର୍ଷିବ, ଓଡ଼ିଶାରେ ନିଅଣ୍ଟିଆ ବର୍ଷା ଆକଳନ
  • ||

ଟ୍ରେଭିସ୍‌ ହେଡ୍‌ ଏବଂ ଅଭିଷେକ ଶର୍ମାଙ୍କ ବିସ୍ଫୋରକ ବ୍ୟାଟିଂ, ଲକ୍ଷ୍ନୌକୁ ୧୦ ଓ୍ବିକେଟରେ ହରାଇଲା ହାଇଦ୍ରାବାଦ

ହାଇଦ୍ରାବାଦ: ଟ୍ରେଭିସ୍‌ ହେଡ୍‌ ଏବଂ ଅଭିଷେକ ଶର୍ମାଙ୍କ ଅବିଶ୍ବସନୀୟ ବ୍ୟାଟିଂ । ୯.୪ ଓଭରରେ ୧୬୬ ରନ୍‌ର ବିଜୟ ଲକ୍ଷ୍ୟ ହାସଲ କରିଛି ହାଇଦ୍ରାବାଦ । ଲକ୍ଷ୍ନୌକୁ ୧୦ ଓ୍ବିକେଟରେ ହରାଇଛି ପାଟ କମିନ୍ସଙ୍କ ନେତୃତ୍ବାଧୀନ ଟିମ୍‌ । ହାଇଦ୍ରାବାଦର ଦୁଇ ଓପନର ହେଡ ଏବଂ ଶର୍ମା ଅପରାଜିତ ଥିବା ବେଳେ ଯଥାକ୍ରମେ ୮୯ ଏବଂ ୭୫ ରନ୍‌ କରିଛନ୍ତି । ଫଳରେ ଦଳ ଲକ୍ଷ୍ନୌ ଉପରେ ସହଜ ବିଜୟ ହାସଲ କରିଛି । ମାତ୍ର ୫୮ ବଲ୍‌ରେ ୧୬୭ ରନ୍‌ କରିବାରେ ସଫଳ ହୋଇଛି ହାଇଦ୍ରାବାଦ । ଆଇପିଏଲ ଇତିହାସରେ ଏହା ବିରଳ ରକେର୍ଡ । ଆଜି ଟ୍ରେଭିସ୍‌ ହେଡ୍‌ ୨୯୭ ଷ୍ଟାଇକ୍‌ ରେଟରେ ୮ ଛକା ଏବଂ ୮ ଚୌକା ସହ ଅପରାଜିତ ୮୯ ରନ୍‌ କରିଛନ୍ତି । ସେହିଭଳି ଅଭିଷେକ ଶର୍ମା ୨୬୮ ଷ୍ଟ୍ରାଇକ୍‌ ରେଟ୍‌ରେ ୬ ଛକା ଏବଂ ୮ ଚୌକା ସହ ୨୮ ବଲ୍‌ରେ ୭୫ ରନ୍‌ କରିଛନ୍ତି ।

ଆଜି ଲକ୍ଷ୍ନୌର ଆୟୁଷ ବଦୋନି ଏବଂ ନିକୋଲାସ ପୁରନଙ୍କ ଭଲ ପ୍ରଦର୍ଶନ ବଳରେ ଲକ୍ଷ୍ନୌ ୧୬୫ ରନ୍‌ କରିଥିଲା । କ୍ବିଣ୍ଟନ ଡିକକ୍‌ (୨), ମାର୍କସ ଷ୍ଟୋଇନିସ୍‌ (୩), କେଏଲ ରାହୁଲ (୨୯) ଏବଂ କୃଣାଲ ପାଣ୍ଡ୍ୟା (୨୪) ଆଉଟ୍‌ ହୋଇଥିଲେ ମଧ୍ୟ ବଦୋନିଙ୍କ ଅପରାଜିତ ୫୫ ଏବଂ ପୁରନଙ୍କ ଅପରାଜିତ ୪୮ ରନ୍‌ ଦଳକୁ ସମ୍ମାନଜନକ ସ୍କୋର କରିବାରେ ସହାୟକ ହୋଇଥିଲା । ସନରାଇଜର୍ସ ହାଇଦ୍ରାବାଦକୁ ୧୬୬ ରନ୍‌ ଟାର୍ଗେଟ ଦେଇଥିଲା ଲକ୍ଷ୍ନୌ ସୁପର ଜ୍ୟାଣ୍ଟସ୍‌ । ଏହି ବିଜୟ ଲକ୍ଷ୍ୟକୁ ମାତ୍ର ୫୮ ବଲ୍‌ରେ ହାସଲ କରିଛି ହାଇଦ୍ରାବାଦ ।

 ହାଇଦ୍ରାବାଦର ରାଜୀବ ଗାନ୍ଧୀ ଷ୍ଟାଡିୟମରେ ଆଇପିଏଲର ୫୭ ତମ ମ୍ୟାଚ୍‌ ଖେଳାଯାଇଥିଲା । ଏହି ମ୍ୟାଚ୍‌ରେ ଲକ୍ଷ୍ନୌ ଏବଂ ହାଇଦ୍ରାବାଦ ମୁହାଁମୁହିଁ ହୋଇଥିଲେ । ଆଜି ଟସ୍‌ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା ଲକ୍ଷ୍ନୌ । ସେପଟେ ହାଇଦ୍ରାବାଦର ବୋଲର ଲକ୍ଷ୍ନୌକୁ ବଡ଼ ସ୍କୋର କରିବାକୁ ରୋକିଥିଲେ । ଭୁବନେଶ୍ବର କୁମାର ୪ ଓଭର ବୋଲିଂ କରିବା ସହ କେବଳ ୧୨ ରନ୍‌ ଦେଇ ୨ ଓ୍ବିକେଟ ନେଇଥିଲେ । ତାଙ୍କ ପରେ ପାଟ କମିନ୍ସ ଗୋଟିଏ ଓ୍ବିକେଟ ଅକ୍ତିଆର କରିଥିଲେ । ତେବେ ହାଇଦ୍ରବାଦ ଏହି ବିଶାଳ ବିଜୟ ସହ ପଏଣ୍ଟ ଟେବୁଲର ତୃତୀୟ ସ୍ଥାନକୁ ଉଠିଛି । 

  • IPL 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.