ନୀଳଗିରି, ୨୫।୩: ବାଲେଶ୍ଵର ସଂସଦୀୟ କ୍ଷେତ୍ରରେ ସାଂସଦ ଭାବେ ବିଜେପିରେ କିଏ ପ୍ରାର୍ଥୀ ହେବ ଏନେଇ କଳ୍ପନା ଜଳ୍ପନା ଲାଗି ରହିଥିଲା । ତେବେ ବର୍ତ୍ତମାନ ସବୁ କଳ୍ପନାର ଅନ୍ତ ଘଟି ପୁଣି ପ୍ରତାପ ଷଡ଼ଙ୍ଗୀଙ୍କ ଉପରେ ନରେନ୍ଦ୍ର ମୋଦୀ ଆସ୍ଥା ରଖିଛନ୍ତି । ଗତକାଲି ପ୍ରତାପଙ୍କ ନାଁ ଘୋଷଣା ପରେ ରବିବାର ସକାଳୁ ତାଙ୍କ ଘର ଆଗରେ ଭିଡ଼ ଜମିଛି । ପ୍ରଶଂସକମାନେ ତାଙ୍କ ବାସଭବନକୁ ଯାଇ ତାଙ୍କୁ ଶୁଭେଚ୍ଛା ଜଣାଇଛନ୍ତି ।
ସେପଟେ ଶ୍ରୀଯୁକ୍ତ ଷଡ଼ଙ୍ଗୀ ପୂର୍ବ ଭଳି ଜାରି ରଖିଥିବା ନିଜ ଜୀବନ ଶୈଳୀ ଭିତରେ କାର୍ଯ୍ୟ କରୁଥିବା ବେଳେ ପ୍ରଶଂସକଙ୍କ ସହିତ ବିଶଦ ଆଲୋଚନା କରିଛନ୍ତି । ତେବେ ବିଗତ ବର୍ଷରେ ବାଲେଶ୍ଵରର ବିକାଶକୁ ପାଥେୟ କରି ଲୋକଙ୍କ ପାଖରେ ପୁଣି ପହଞ୍ଚିବା ସହିତ ବିଜେଡି ତାଙ୍କର ମୁଖ୍ୟ ପ୍ରତିଦ୍ୱନ୍ଦୀ ହେବେ ବୋଲି ସୂଚନା ଦେଇଛନ୍ତି ।
