ପ୍ରମୂଖ ଖବର
  • ସିଂହଦ୍ବାର ସମ୍ମୁଖରେ ଲାଗିଲା ତିନି ରଥ, ଗୁଣ୍ଡିଚା ଯାତ୍ରା ସାରି ବାହୁଡ଼ିଲେ ଶ୍ରୀଜିଉ
  • ||
  • ପୁରୀ: ନବଦିନାତ୍ମକ ଯାତ୍ରା ସାରି ବାହୁଡିବେ ନୀଳାଦ୍ରିନାଥ, ବାହୁଡ଼ାଦିଅଁଙ୍କ ପହଣ୍ଡି ବିଜେ
  • ||
  • ସୁନ୍ଦରଗଡ଼: ପ୍ରେମ କଳିକୁ ନେଇ ଡବଲ ମର୍ଡର, ପ୍ରେମିକା ଓ ତାର ସହପାଠୀକୁ ଛୁରୀ ଭୁସି ହତ୍ୟା କଲା ଡ୍ରାଇଭର୍ ପ୍ରେମିକ
  • ||
  • ଭୁବନେଶ୍ୱର: କଳାଭୂମି ନିକଟରେ ବୃଦ୍ଧଙ୍କ ଉପରେ ମାଡିଗଲା ବାଲି ବୋଝେଇ ଟ୍ରକ୍‌, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ୱିମ୍ବଲଡନ ଟାଇଟଲ ଲଢ଼େଇ: ଭେଟେରାନ ଜୋକୋଭିକଙ୍କୁ ହରାଇ କାର୍ଲୋସ ଅଲକାରାଜ ଚାମ୍ପିଅନ୍
  • ||
  • ସୋମବାରଠୁ ସିବିଏସ୍‌ଇ ସପ୍ଲିମେଣ୍ଟାରୀ ପରୀକ୍ଷା, ଉଭୟ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ଏକ୍ସଜାମ୍
  • ||
  • ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ: ଆଜି ଦକ୍ଷିଣ- ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
  • ||
  • ଜନ୍ମବେଦିରୁ ଶ୍ରୀମନ୍ଦିରକୁ ବାହୁଡିବେ ଚତୁର୍ଦ୍ଧାମୂର୍ତ୍ତି: ୧୨ଟାରେ ପହଣ୍ଡି, ୪ଟାରେ ରଥ ଟଣା
  • ||

ହାଇକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ, ସରୋଗେସିରେ ମା’ ହୋଇଥିଲେ ମିଳିବ ପ୍ରସବକାଳୀନ ଛୁଟି

କଟକ, ୩।୭: ଗର୍ଭଧାରଣ କରି ନଥିଲେ ମଧ୍ୟ ସରୋଗେସି ପଦ୍ଧତିରେ ମା’ ହେଉଥିବା ମହିଳାଙ୍କୁ ପ୍ରସବକାଳୀନ ଛୁଟି ଦିଆଯିବା ଉଚିତ୍‌ । ନିଜ ସନ୍ତାନର ଯତ୍ନ ଓ ଭାବଗତ ସଂପର୍କ ଦୃଷ୍ଟିରୁ ପ୍ରସବକାଳୀନ ଛୁଟିର ଗୁରୁତ୍ୱ ରହିଛି । ତେଣୁ ପରବର୍ତ୍ତିତ ସମୟରେ ଏଭଳି ଏକ ନୂଆ ପ୍ରସଙ୍ଗକୁ ତର୍ଜମା କରି ଆଇନରେ ସାମିଲ କରିବା ଉଚିତ ହେବ ବୋଲି ଓଡ଼ିଶା ହାଇକୋର୍ଟ ଏକ ଗୁରୁତ୍ୱପୂର୍ଣ୍ଣ ରାୟରେ କହିଛନ୍ତି । ମାମଲାରୁ ମିଳିଥିବା ସୂଚନା ଅନୁସାରେ, ଗର୍ଭଧାରଣରେ ସମସ୍ୟା କାରଣରୁ ସୁପ୍ରିୟା ଜେନା ସରୋଗେସି ପଦ୍ଧତିରେ ମା’ ହୋଇଥିଲେ । ମୁମ୍ବାଇର ଜଣେ ମହିଳା ତାଙ୍କ ପାଇଁ ସରୋଗେସି ମା’ ହୋଇଥିଲେ । ୨୦୧୮ ଅକ୍ଟୋବର ୨୫ରେ ପିଲା ଜନ୍ମ ହୋଇଥିଲା । ପିଲାର ଲାଳନପାଳନ ପାଇଁ ଘରେ କେହି ନଥିବାରୁ ଅର୍ଥନୈତିକ ପରାମର୍ଶଦାତା ଭାବେ ଚାକିରି କରୁଥିବା ଆବେଦନକାରିଣୀ ଅର୍ଥ ବିଭାଗରୁ ପ୍ରସବକାଳୀନ ଛୁଟି ପାଇଁ ଆବେଦନ କରିଥିଲେ । ଛୁଟିରେ ରହିବା ପରେ ସେ କାର୍ଯ୍ୟରେ ଯୋଗଦେଇଥିଲେ । ଯଦିଓ ତାଙ୍କୁ ପ୍ରସବକାଳୀନ ଅବଧି ଲାଗି ଧାର୍ଯ୍ୟ ପ୍ରାପ୍ୟ ପ୍ରଦାନ କରାଯାଇଥିଲା କିନ୍ତୁ ଉକ୍ତ ଛୁଟି ସମୟ ତାଙ୍କ ପଦୋନ୍ନତିରେ ଗଣାଯାଇ ପାରିବନାହିଁ ବୋଲି ଏକ ନିର୍ଦ୍ଦେଶନାମା ଜାରି କରାଯାଇଥିଲା । 

କେବଳ ସେତିକି ନୁହେଁ, ପରବର୍ତ୍ତୀ ସମୟରେ ଓଡ଼ିଶା ସର୍ଭିସ କୋଡ୍‌ ଅନୁସାରେ ସରୋଗେସି ଜରିଆରେ ମା’ ହୋଇଥିବା ମହିଳାଙ୍କୁ ପ୍ରସବକାଳୀନ ଛୁଟି ଦିଆଯାଇ ପାରିବନାହିଁ ବୋଲି ନିୟମ ଥିବାରୁ ଆବେଦନକାରିଣୀଙ୍କୁ ଛୁଟିକୁ ବାଦ୍‌ ଦିଆଯାଇଥିଲା । ଏହାକୁ ଚାଲେଞ୍ଜ କରି ଆବେଦକାରିଣୀ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ବିଚାରପତି ଜଷ୍ଟିସ୍‌ ସଞ୍ଜୀବ କୁମାର ପାଣିଗ୍ରାହୀ ମାମଲାର ଶୁଣାଣି କରି ଅର୍ଥ ବିଭାଗ ନିର୍ଦ୍ଦେଶନାମାକୁ ରଦ୍ଦ କରିବା ସହ ଆବେଦନକାରିଣୀଙ୍କୁ ୧୮୦ ଦିନର ପ୍ରସବକାଳୀନ ଛୁଟି ପ୍ରଦାନ ଲାଗି ନିର୍ଦ୍ଦେଶ ଦେଇଛନ୍ତି । ହାଇକୋର୍ଟ ଏହି ଅବସରରେ କହିଛନ୍ତି ଯେ, ମାତୃତ୍ୱ ଲାଭ ପାଇଁ ସରୋଗେସି ପଦ୍ଧତିକୁ ସମର୍ଥନର ଆବଶ୍ୟକତା ରହିଛି । 

ତେଣୁ ସରୋଗେସି ଜରିଆରେ ଜଣେ ମା’ ହେବା ପରେ ପିଲା ପ୍ରତି ଯତ୍ନଶୀଳ ହେବା ଏବଂ ତାକୁ ସମୟ ଦେବାଲାଗି ଜଣେ ବୃତ୍ତିଧାରୀ ମହିଳାଙ୍କୁ ପ୍ରସବକାଳୀନ ଛୁଟି ଦିଆଯିବା ଉଚିତ୍‌ । କୌଣସି ପୁରୁଣା ଆଇନ ଯଦି ଏଭଳି କ୍ଷେତ୍ରରେ ବାଧକ ସାଜୁଛି ତାହେଲେ ସାମ୍ପ୍ରତିକ ସ୍ଥିତିକୁ ନେଇ ତାହାର ତର୍ଜମା କରାଯିବା ଆବଶ୍ୟକ । ମହିଳାଙ୍କ ସୁରକ୍ଷା ପାଇଁ ଥିବା ମାଟର୍‌ନିଟି ବେନିଫିଟ୍‌ ଆଇନ-୧୯୬୧ର ତର୍ଜମା କରାଯିବା ଦରକାର । ଯାହାଦ୍ୱାରା ସରୋଗେସି ପଦ୍ଧତିରେ ମା’ ହେଉଥିବା ଜଣେ ମହିଳାଙ୍କୁ ଏହି ଆଇନ ସୁରକ୍ଷା ଦେଇପାରିବ ବୋଲି ହାଇକୋର୍ଟ ମତବ୍ୟକ୍ତ କରିଛନ୍ତି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.