ମସ୍କୋ : ରୁଷ୍ର ରାଜଧାନୀ ମସ୍କୋର ଏକ ଉତ୍ସବ ସ୍ଥଳରେ ହୋଇଥିବା ହମଲାରେ ମୃତକଙ୍କ ସଂଖ୍ୟା ବୃଦ୍ଧି ପାଇଁ ୯୩ରେ ପହଞ୍ଚିଛି। ଆହତଙ୍କ ସଂଖ୍ୟା ୧୮୭ ଥିବା କୁହାଯାଇଛି। ଆକ୍ରମଣକାରୀ ମାନେ ଗୁଳିମାଡ଼ ପରେ ଉତ୍ସବ ସ୍ଥଳରେ ନିଆଁ ଲଗେଇ ଦେଇ ଥିଲେ। ଇସଲାମିକ ଷ୍ଟେଟ୍ ଆତଙ୍କବାଦୀ ଗ୍ରୁପ୍ ଆଇଏସଆଇଏସ-କେ (ଆଇଏସଆଇଏଲ) ଏହି ହମଲାର ଦାୟିତ୍ୱ ନେଇଛି। ଅନ୍ୟପଟେ, ରୁଷୀୟ ଯାଞ୍ଚ ଏଜେନ୍ସି ମାନେ ଉକ୍ତ ମାମଲାରେ ତତ୍ପରତା ଦେଖାଇ ୧୧ ଜଣ ଲୋକଙ୍କୁ ଗିରଫ କରିଛି। ରୁଷୀୟ ସଂଘୀୟ ସୁରକ୍ଷା ସେବାର ପ୍ରମୁଖ ନିଜେ ରାଷ୍ଟ୍ରପତି ଭ୍ଲାଦିମୀର ପୁଟିନଙ୍କୁ ଶନିବାର ଏହି ସୂଚନା ଦେଇଛନ୍ତି। ରୁଷ୍ର ସରକାରୀ ନ୍ୟୁଜ୍ ତାସ୍ର ଅନୁସାରେ, ଏହି ଅପଡେଟ୍ ସାମନାକୁ ଆସିଛି।
ମସ୍କୋରେ ହୋଇଥିବା ଆତଙ୍କବାଦୀ ଆକ୍ରମଣକୁ ନିନ୍ଦା କଲେ ପ୍ରଧାନମନ୍ତ୍ରୀ ମୋଦି
ମସ୍କୋର ମେୟର ସର୍ଗେଇ ସୋଭୟାନିନ ହମଲାକୁ ଖୁବ୍ ବଡ଼ ଦୁଃଖଦ ଘଟଣା କହିଛନ୍ତି। ରୁଷ୍ର ରାଷ୍ଟ୍ରପତିଙ୍କ ଅଫିସିଆଲି ନିବାସ କ୍ରେମଲିନ୍ କହିଛି କି, ଆକ୍ରମଣକାରୀମାନେ କ୍ରୋକସ ସିଟ୍ ହଲ୍ରେ ହମଲା କରିବାର କିଛି ମିନିଟ୍ ପରେ ପୁଟିନଙ୍କୁ ଏହି ବିଷୟରେ ସୂଚିତ କରିଦିଆ ଯାଇଥିଲା। ଏହି ହଲ୍ ମସ୍କୋର ପଶ୍ଚିମୀ ଭାଗ ସ୍ଥିତ ଏକ ବଡ଼ ସଙ୍ଗୀତ ସ୍ଥଳୀ, ଯେଉଁଥିରେ ୬,୨୦୦ଲୋକ ବସି ପାରିବେ। ଏହି ଆଟାକ୍ ସେତେବେଳେ ହୋଇଛି ,ଯେବେ କ୍ରୋକସ ସିଟି ହଲ୍ରେ ପ୍ରସିଦ୍ଧ ରୁଷୀୟ ରକ୍ ବ୍ୟାଣ୍ଡ ପିକିନିକର ଏକ କାର୍ଯ୍ୟକ୍ରମରେ ସାମିଲ ହେବା ପାଇଁ ଲୋକଙ୍କ ଭିଡ଼ ଥିଲା। ରିପୋର୍ଟରେ କୁହାଯାଇଛି କି , ଆକ୍ରମଣକାରୀଙ୍କ ପକ୍ଷରୁ ବିସ୍ଫୋରକ ଫିଙ୍ଗିବା ପରେ ନିଆଁ ଲାଗି ଯାଇଥିଲା, ଯେଉଁଥିରେ ଅନେକ ଲୋକ ଫସି ଯାଇ ଥିଲେ।
ଉଲ୍ଲେଖନୀୟ ଯେ, କ୍ରୋକସ ସିଟିରେ ଶୁକ୍ରବାର ହୋଇଥିବା ଆତଙ୍କୀ ହମଲା ପରେ ରୁଷୀୟ ସଂସ୍କୃତି ମନ୍ତ୍ରଣାଳୟ ଶନିବାର ବଡ଼ ନିଷ୍ପତ୍ତି ନେଇଛନ୍ତି। ମନ୍ତ୍ରଣାଳୟ ଆଗାମୀ ଦିନରେ ସଂଘୀୟ ସାଂସ୍କୃତିକ ସଂସ୍ଥାନରେ ସବୁ ସାମୂହିକ ଓ ମନୋରଞ୍ଜନ କାର୍ଯ୍ୟକ୍ରମକୁ ରଦ୍ଦ କରିବାର ଘୋଷଣା କରିଛି। ମନ୍ତ୍ରଣାଳୟର ପ୍ରେସ୍ ସେବା ଶନିବାର ଏହି ସୂଚନା ଦେଇଛି।