ପ୍ରମୂଖ ଖବର
  • କାଲିମେଳା: ଲଗାଣ ବର୍ଷାରେ ବେହାଲ ଜନଜୀବନ, ପାହାଡ ଧସିବାରୁ ରାସ୍ତା ବନ୍ଦ
  • ||
  • ସପ୍ତଦଶ ବିଧାନସଭାର ବଜେଟ୍ ଅଧିବେଶ ଆରମ୍ଭ, ପ୍ରଥମ ଦିନରେ ଅଭିଭାଷଣ ରଖିଲେ ରାଜ୍ୟପାଳ ରଘୁବର ଦାସ
  • ||
  • ଯାଜପୁର : ଭାରସାମ୍ୟ ହରାଇ ଓଲଟିଲା ​କାଉଡିଆଙ୍କୁ ନେଇ ଯାଉଥିବା ବସ୍, ୫ରୁ ଉର୍ଦ୍ଧ୍ଵ ଆହତ
  • ||

ତାମିଲନାଡୁ ବିଏସପି ରାଜ୍ୟ ସଭାପତିଙ୍କୁ ଛୁରୀ ମାରି ହତ୍ୟା

ନୂଆଦିଲ୍ଲୀ: ବହୁଜନ ସମାଜ ପାର୍ଟି (ବିଏସପି) ର ତାମିଲନାଡୁ ରାଜ୍ୟ ସଭାପତି ଆର୍ମଷ୍ଟ୍ରଙ୍ଗଙ୍କୁ ଚେନ୍ନାଇରେ ତାଙ୍କ ଘର ନିକଟରେ ୬ଜଣ ଲୋକ ଏକାଠି ହୋଇ ହତ୍ୟା କରିଛନ୍ତି । ଅପରାଧୀ ମାନେ ତାଙ୍କୁ ପେରମ୍ବୁର ଅଂଚଳର ସଦୟାପନ୍ ଷ୍ଟ୍ରିଟରେ ତାଙ୍କ ଘର ନିକଟରେ ତାଙ୍କୁ ଛୁରାମାଡ଼ କରି ଫେରାର ହୋଇଯାଇଛନ୍ତି । ବର୍ତ୍ତମାନ ପୋଲିସ ଏହି ଘଟଣାର ତଦନ୍ତ କରୁଛି।

ଗଣମାଧ୍ୟମ ରିପୋର୍ଟ ଅନୁଯାୟୀ, ପେରାମବୁର ନିକଟ ସେମ୍ବିୟମ୍ ଠାରେ ଏକ ଜନଗହଳି ପୂର୍ଣ୍ଣ ଅଞ୍ଚଳରେ ସେ ତାଙ୍କ ଘର ନିକଟରେ ବନ୍ଧୁ ଏବଂ ସମର୍ଥକଙ୍କ ସହ କଥାବାର୍ତ୍ତା କରୁଥିଲେ । ଏହି ସମୟରେ ଅପରାଧୀ ମାନେ ତାଙ୍କୁ ଆକ୍ରମଣ କରିଥିଲେ । ପୋଲିସର ସୂଚନାନୁସାରେ, ସନ୍ଧ୍ୟା ପ୍ରାୟ ସାତଟା ବେଳେ ଏହି ଅପରାଧୀ ଗ୍ୟାଙ୍ଗ ତିନୋଟି ବାଇକରେ ଆସି ଏହି ଘଟଣା ଘଟାଇଥିଲେ ।

ରିପୋର୍ଟ ଅନୁଯାୟୀ, ବିଏସପି ନେତାଙ୍କ ଘନିଷ୍ଠ ସମ୍ପର୍କୀୟ ମାନେ ତାଙ୍କୁ ବଞ୍ଚାଇବା ପାଇଁ ଚେଷ୍ଟା କରିଥିଲେ । ହେଲେ ଏହା ପୂର୍ବରୁ ଅପରାଧି ମାନେ ତାଙ୍କୁ ଆକ୍ରମଣ କରି ରକ୍ତାକ୍ତ କରି ଦେଇଥିଲେ । ଆଉ ଏହି ସମୟରେ ସେମାନଙ୍କୁ ମଧ୍ୟ ଅପରାଧି ମାନେ ଭୟଭୀତ କରିଥିଲେ । ଫଳରେ ସେମାନେ ମଧ୍ୟ ଘଟଣାସ୍ଥଳରୁ ପଳାଇ ଯାଇଥିଲେ । 

ଆର୍ମଷ୍ଟ୍ରଙ୍ଗଙ୍କ ଚିତ୍କାର ଶୁଣି ତାଙ୍କ ପରିବାର ସଦସ୍ୟ ଦୌଡ଼ି ଆସି ଦେଖିଲେ ଯେ, ତାଙ୍କ ମୁଣ୍ଡ ଓ ବେକରେ ଗଭୀର ଆଘାତ ଲାଗିଛି । ଆର୍ମଷ୍ଟ୍ରଙ୍ଗଙ୍କ ପରିବାର ତାଙ୍କୁ ଥାଓଜେଣ୍ଟ ଲାଇଟ୍ସର ଗ୍ରିମସ୍ ରୋଡର ଏକ ଡାକ୍ତରଖାନାକୁ ନେଇଥିଲେ, ଯେଉଁଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.