ନୂଆଦିଲ୍ଲୀ : ଟାଇଟାନିକ୍ ଜାହାଜ ନିର୍ମାଣ କରିଥିବା ୧୬୩ ବର୍ଷ ପୁରୁଣା ବ୍ରିଟିଶ୍‌ କମ୍ପାନୀ Horland and Wolff ନିଜକୁ ଦେବାଳିଆ ଘୋଷିତ କରିଛି। କମ୍ପାନୀ କହିଛି ଯେ, ତା ପାଖରେ ନିଜର କାର୍ଯ୍ୟକୁ ଚାଲୁ ରଖିବା ପାଇଁ ଅର୍ଥର ଘୋର ଅଭାବ ଦେଖା ଦେଇଛି। କମ୍ପାନୀ ନିଜର କର୍ମଚାରୀଙ୍କୁ ପୂର୍ବରୁ ହିଁ କହି ଦେଇଥିଲା ଯେ, ସେ ନନ୍‌-କୋର ଅପରେସନ୍ସରେ ହ୍ରାସ କରିବାକୁ ଯାଉଛି। ଏହି କମ୍ପାନୀ ୧୯୧୨ ରେ ଟାଇଟାନିକ୍‌ ଜାହାଜ ତିଆରି କରିଥିଲା , ଯାହା ନିଜର ପ୍ରଥମ ଯାତ୍ରାରେ ବରଫ ପାହାଡ଼ରେ ଧକ୍କା ହୋଇ ବୁଡ଼ି ଯାଇଥିଲା। କମ୍ପାନୀ ଏବେ ଜାହାଜାର ମରାମତି କରିବା ଓ ଗ୍ରିନର ଏନର୍ଜୀରେ ଫୋକସ କରୁଛି। 

କ୍ଷତିରେ ଚାଲୁଥିବା ଏହି କମ୍ପାନୀ ସୋମବାର କହିଛି ଯେ , ସେ ଆଗାମୀ ଦିନରେ ଆଡମିନିଷ୍ଟ୍ରେସନ ପ୍ରସିଡିଙ୍ଗସ୍‌ ଆରମ୍ଭ କରିବ। ଏହା ଏମିତି ପ୍ରକ୍ରିୟା , ଯେଉଁଥିରେ କରଜ ଭରିବାରେ ଅସଫଳ ରହିଥିବା କମ୍ପାନୀକୁ ବିକ୍ରି କରାଯାଇ ନଥାଏ , ବରଂ ଏହାକୁ ପୁନର୍ଗଠନ କରାଯାଏ। କମ୍ପାନୀ କହିଛି, ସେ ସରକାରଙ୍କ ଠାରୁ ୨୬.୪ କୋଟି ଡଲାର ମାଗି ଥିଲେ , କିନ୍ତୁ ସରକାର ତାଙ୍କ ଅନୁରୋଧକୁ ଖାରଜ କରି ଦେଲେ। ଏଥିରେ କମ୍ପାନୀର ମୁସ୍କିଲ ବଢି ଯାଇଛି। କମ୍ପାନୀକୁ କୋର୍‌ ଅପରେସନ୍ସରେ ବେଲଫାଷ୍ଟ ସିପୟାର୍ଡ ସାମିଲ ରହିଛି , ଯେଉଁଠି ଟାଇଟାନିକ୍‌ ଜାହାଜ ତିଆରି କରାଯାଇ ଥିଲା। କମ୍ପାନୀ ୟୁକେ ସରକାରଙ୍କୁ ତିନୋଟି ୱାରସିପ୍‌ ତିଆରି କରିବାରେ ସାହାଯ୍ୟ କରୁଛି। କମ୍ପାନୀର କହିବାନୁସାରେ ଆଡିମିନିଷ୍ଟ୍ରେସନ ପ୍ରସିଡିଙ୍ଗସ୍‌ରେ ଏହି ପ୍ରୋଜେକ୍ଟ ଉପରେ କୌଣସି ପ୍ରଭାବ ପଡ଼ିବ ନାହିଁ।

କମ୍ପାନୀର ଅନ୍ତରୀଣ ଏଗଜିକ୍ୟୁଟିଭ୍‌ ଡାଇରେକ୍ଟର ରସେଲ ଡାଉନ୍ସ କହିଛନ୍ତି କି , ଗ୍ରୁପ୍‌ ଖୁବ୍ ମୁସ୍କିଲ ସମୟ ଦେଇ ଗତି କରୁଛି। ଆମକୁ ଲଙ୍ଗ୍‌ ଟର୍ମ ଲୋନ୍‌ ମିଳି ପାରୁ ନାହିଁ। ଏଥିପାଇଁ ନିଜର ୪ଟି ୟାର୍ଡସକୁ ସୁରକ୍ଷିତ ରଖିବା ପାଇଁ ଆମକୁ ମୁସ୍କିଲ ନିଷ୍ପତ୍ତି ନେବାକୁ ପଡ଼ିଛି। ଏହା ପ୍ରଥମ ଥର ନୁହେଁ କି,  ଯେବେ Horland and Wolff ଦେବାଳିଆ ସ୍ଥିତିରେ ପହଞ୍ଚିଛି। ୨୦୧୯ରେ ବ୍ରିଟିଶ ସରକାର କମ୍ପାନୀକୁ ରିଷ୍ଟ୍ରକଚର କରିବାକୁ ଜଣେ ଆଡମିନିଷ୍ଟ୍ରେଟର ନିଯୁକ୍ତ କରିଥିଲେ , କିନ୍ତୁ କିଛି ମାସ ପରେ ଏନର୍ଜୀ କମ୍ପାନୀ InfraStrata ଏହାକୁ କିଣି ନେଇ ଥିଲା। ଗତ ବର୍ଷ କମ୍ପାନୀଦୁଇ ଦଶକରେ ନିଜର ପ୍ରଥମ ଜାହାଜ ଡେଲିଭରୀ କରିଥିଲା।