ବଲାଙ୍ଗିର, ୩୦/୦୧ : ବଲାଙ୍ଗିର ଜିଲ୍ଲା ଭୀମଭୋଇ ମେଡିକାଲ୍ କଲେଜରେ ପୁଣିଥରେ ଡାକ୍ତରଙ୍କୁ ମାଡ ଅଭିଯୋଗ। ସୋମବାର ବିଳମ୍ବିତ ରାତିରେ ଚିକିତ୍ସାଧୀନ ଅବସ୍ଥାରେ ଜଣେ ରୋଗୀଙ୍କ ମୃତ୍ୟୁକୁ ନେଇ ଡାକ୍ତରଖାନାରେ ଉତ୍ତେଜନା ଦେଖାଦେଇଥିଲା। ରୋଗୀଙ୍କ ପରିବାର ଲୋକ ଡ୍ୟୁଟିରେ ଥିବା ଡାକ୍ତରଙ୍କୁ ଘୋଷାରି ଆଣିଥିଲେ। ସୁରକ୍ଷା କର୍ମୀ ଓ ହସ୍ପିଟାଲ କର୍ମଚାରୀ ଡାକ୍ତରଙ୍କୁ ମୁକୁଳାଇଥିଲେ। ତେବେ ଘଟଣାସ୍ଥଳରେ ପୋଲିସ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିଛି।
ମୃତକଙ୍କ ପରିବାର ଲୋକଙ୍କ ଅଭିଯୋଗ ଅନୁଯାୟୀ, ଡ୍ୟୁଟିରେ ଥିବା ଡାକ୍ତର ଜଣକ ମଦ ପିଇ ଆସିଥିଲେ। ଚିକିତ୍ସା କରିବାରେ ବିଳମ୍ବ ହେବାରୁ ରୋଗୀଙ୍କର ମୃତ୍ୟୁ ହୋଇଥିଲା।
